وزیر مملکت برائے مواصلات اور دیہی ترقیات ڈاکٹر پیماسانی چندر شیکھر نے آج راجیہ سبھا میں ایک سوال کے تحریری جواب میں بتایا کہ ملک کے تجارتی طور پر ناقابل عمل دیہی اور دور دراز کےعلاقوں میں ٹیلی مواصلات کی خدمات کو بہتر بنانے اور ان گاؤں میں جن کااحاطہ نہ کیا گیا ہو، موبائل خدمات فراہم کرنے کے لیے حکومت نے متعدد پروجیکٹ شروع کئے اور اقدامات کیے ہیں ۔  حکومت کی مالی اعانت سے چلنے والے ان بڑے منصوبوں کی تفصیلات درج ذیل ہیں:

1. بھارت نیٹ پروجیکٹ ملک میں گرام پنچایتوں (جی پی) کو براڈ بینڈ کنیکٹیویٹی فراہم کرنے کے لیے مرحلہ وار طریقے سے نافذ کیا جا رہا ہے ۔  جون 2025 تک ملک میں بھارت نیٹ پروجیکٹ کے تحت 2,14,325 گرام پنچایتوں کو خدمات کے لیے تیار کیا جا چکا ہے ۔  بھارت نیٹ پروجیکٹ کے تحت براڈ بینڈ کنیکٹوٹی کے ساتھ فراہم کردہ گرام پنچایتوں (جی پی) کی ریاست/مرکز کے زیر انتظام علاقوں کے لحاظ سے فہرست ڈیجیٹل بھارت ندھی ویب سائٹ (https://usof.gov.in/en/home) پر دستیاب ہے ۔ اس کے علاوہ، 04  اگست 2023کو حکومت نے باقی ماندہ 42000 گرام پنچایت (تقریبا) میں نیٹ ورک کی ترسیل کے واسطے بھارت نیٹ فیز-1 اور فیز-2 کے موجودہ نیٹ ورک کی اپ گریڈیشن کے لیے ترمیم شدہ بھارت نیٹ پروگرام (اے بی پی) کو منظوری دے دی ہے ۔   بھارت سنچار نگم لمیٹڈ (بی ایس این ایل) کو اے بی پی کے لیے پروجیکٹ مینجمنٹ ایجنسی کے طور پر نامزد کیا گیا ہے جس میں معاہدے پر دستخط ہونے سے تین سال کے مقررہ وقت ساتھ تعمیراتی مرحلے کی تکمیل اور پھر آپریشن اور دیکھ بھال شروع ہوگی ۔
2. ملک کے دور دراز اور دیہی علاقوں میں تیز رفتار انٹرنیٹ/ڈیٹا اور موبائل خدمات کی فراہمی کے لیے ، ملک کے بی ایس این ایل اور دیگر نجی ٹیلی کام سروس فراہم کرنے والوں (ٹی ایس پی) کے ساتھ شراکت میں مختلف طے شدہ اسکیمیں/پروجیکٹ نافذ کیے گئے ہیں ۔  4 جی سیچوریشن اور دیگر موبائل پروجیکٹوں کے تحت جون 2025 تک ملک میں 21,748 موبائل ٹاورز شروع کیے جا چکے ہیں ۔
3. انڈمان اور نکوبار اور لکشدیپ جزائر کو تیز رفتار انٹرنیٹ/ڈیٹا کنیکٹیویٹی فراہم کرنے کے لیے چنئی اور انڈمان اور نکوبار جزائر (2312 کلومیٹر) اور مین لینڈ (کوچی) اور لکشدیپ جزائر (1869 کلومیٹر) کے درمیان سب میرین آپٹیکل فائبر کیبل (او ایف سی) پروجیکٹوں کو بی ایس این ایل کے ذریعے بالترتیب 10.08.2020 اور 03.01.2024 کو شروع کیا گیا ہے ۔  ان آپٹیکل فائبر کیبل پروجیکٹوں نے جزائر میں موبائل خدمات (4 جی/5 جی) اور دیگر تیز رفتار ڈیٹا/انٹرنیٹ خدمات کو تیزی سے شروع کرنے میں سہولت فراہم کی ہے ۔
4. مختلف پروجیکٹوں کے تحت حکومت نے 30 جون2025 تک 90,813.58 کروڑ روپے تقسیم کیے ہیں ۔

*****

ش ح-م‌ش۔ ف ر

UR No-3205

 

(Release ID: 2147893)