نیشنل ایجوکیشن سوسائٹی فار ٹرائبل اسٹوڈنٹس (این ای ایس ٹی ایس) نے آئی آئی ٹی-جے ای ای اور این ای ای ٹی امتحان کی تیاری کے لیے کوچنگ سپورٹ فراہم کرنے کے لیے اونتی فیلوز کے ساتھ مفاہمت کی یادداشت (ایم او یو) پر دستخط کیے ہیں۔ اس اقدام کا مقصد جامع تعلیم کو فروغ دینا اور ہدف شدہ تعلیمی مداخلتوں کے ذریعے ملک بھر میں قبائلی نوجوانوں کو با اختیار بنانا ہے۔

 

 

اس اشتراک کو آج رسمی شکل دی گئی اور اسے ایکلویہ ماڈل رہائشی اسکولوں (ای ایم آر ایس) کے طلبا کو جے ای ای مین/ایڈوانسڈ اور این ای ای ٹی جیسے انتہائی مسابقتی قومی سطح کے امتحانات کے لیے جامع کوچنگ پیش کرنے کے لیے ڈیزائن کیا گیا ہے۔

یہ ایم او یو ایک پانچ سالہ معاہدہ ہے، جو تعلیمی سال 2025-26 سے لاگو ہے۔ یہ قبائلی طلبا کے تعلیمی خلا کو پر کرنے اور مسابقتی داخلے کے امتحانات میں ان کی شرکت کو بڑھانے کے مشترکہ عزم کی نمائندگی کرتا ہے۔

سی او ای سینٹر ای ایم آر ایس بھوپال (مدھیہ پردیش) میں قائم کیا جائے گا جس میں 80 طلبا کا انتخاب ایک ساختی داخلہ امتحان کے ذریعے کیا جائے گا۔ آنے والے سالوں میں، ای ایم آر ایس بھوپال میں موجودہ سی او ای کے علاوہ مختلف علاقوں اور ریاستوں میں سینٹر آف ایکسیلنس قائم کرنے کا منصوبہ ہے۔

اونتی فیلوز کے ساتھ شراکت قبائلی تعلیم کے لیے ایک بڑا قدم ہے۔ اس کا مقصد ای ایم آر ایس طلبا کی ان کی حقیقی صلاحیت کو دریافت کرنے میں مدد کرنا ہے۔ صحیح رہنمائی اور مدد کے ساتھ، وہ بڑے خواب دیکھ سکتے ہیں اور جے ای ای اور این ای ای ٹی جیسے قومی امتحانات کے لیے اعتماد کے ساتھ تیاری کر سکتے ہیں۔ یہ کوشش نہ صرف ان کے مستقبل کی تشکیل کرے گی بلکہ ایک مضبوط اور زیادہ جامع ملک کی تعمیر میں بھی مدد کرے گی۔

نیشنل ایجوکیشن سوسائٹی فار ٹرائبل اسٹوڈنٹس (این ای ایس ٹی ایس) قبائلی امور کی وزارت کے تحت ایک خود مختار تنظیم ہے جو پورے ہندوستان میں ایکلویہ ماڈل رہائشی اسکولوں (ای ایم آر ایس) کے نیٹ ورک کے ذریعے قبائلی بچوں کو معیاری تعلیم فراہم کرنے کے لیے پرعزم ہے۔

اونتی فیلوز، ایک عوامی خیراتی ٹرسٹ ہے جو انڈین ٹرسٹ ایکٹ، 1882 کے تحت رجسٹرڈ ہے اور اس کا دفتر A-2/73، سیکنڈ فلور، صفدرجنگ انکلیو، نئی دہلی 110029 میں واقع ہے۔

*********

ش ح۔ ف ش ع

U: 2981

(Release ID: 2146584)