سیاحتی مقامات اور مصنوعات کی ترقی اور فروغ کا کام  بنیادی طور پر متعلقہ ریاستی حکومت/مرکز کے زیر انتظام علاقہ (یو ٹی) کی  انتظامیہ کے ذریعے انجام دیا جاتا ہے ۔ وزارت سیاحت اپنی مرکزی شعبے کی اسکیم ‘سودیش درشن (ایس ڈی)’ کے ذریعے ریاست اڈیشہ سمیت ریاستی حکومتوں/مرکز کے زیر انتظام علاقوں کی انتظامیہ کو مالی مدد فراہم کرکے ملک میں سیاحت کے بنیادی ڈھانچے کی ترقی کی کوششوں کی تکمیل کرتی ہے ۔ وزارت سیاحت نے اپنی سودیش درشن اسکیم (ایس ڈی  مرحلہ اوّل) کے تحت مالی سال 17 - 2016میں ریاست اوڈیشہ میں ساحلی سرکٹ تھیم کے تحت ‘گوپال پور ، بارکل ، ستپاڑا اور تمپاڑا کی ترقی’ کے ایک پروجیکٹ کو منظوری دی ہے ۔ اس پروجیکٹ کو فزیکل طور پر مکمل بتایا گیا ہے ۔

وزارت سیاحت نے سودیش درشن اسکیم کو سودیش درشن 2.0 (ایس ڈی مرحلہ دوم) کے طور پر نئی شکل دی ہے جس کا مقصد  سیاحتی مقامات اور سیاحوں پر مرکوز نقطہ نظر پر عمل کرتے ہوئے پائیدار اور ذمہ دار سیاحتی مقامات کو ترقی  فراہم کرنا ہے ۔ اوڈیشہ کی ریاستی حکومت کے  مشاورت سے ‘کھندا گاؤں’ کی خصوصی کشش کے ساتھ ڈیبری گڑھ کی شناخت ایس ڈی 2.0 کے تحت ترقی کے لیے منزل کے طور پر کی گئی تھی جس کے لیے ڈی پی آر موصول نہیں ہوئی ہے ۔

وزارت سیاحت کے بنیادی ڈھانچے کی ترقی کو اس انداز میں فروغ دیتی ہے جس سے قبائلی برادریوں سمیت مقامی معاش اور کمیونٹی کی شرکت کو فروغ ملے ۔ اسکیم کے تحت منظور شدہ پروجیکٹوں کا مقصد ہنر مندی کے فروغ ، خود روزگار اور مقامی فریقوں کی شمولیت کے مواقع پیدا کرنا ہے ۔

یہ  جانکاری  سیاحت اور ثقافت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں دی ۔

********

ش ح۔ م ع ۔ ت ح

U- 2957

(Release ID: 2146424)