انڈیا میری ٹائم انویسٹمنٹ میٹ کا انعقاد حکومت ہند کی بندرگاہوں، جہاز رانی اور آبی گزرگاہوں کی وزارت (ایم او پی ایس ڈبلیو) نے انڈیا ہاؤس، لندن میں کامیابی کے ساتھ کیا، جس کا مقصد سمندری تعاون کو گہرا کرنا اور ہندوستان کے بڑھتے ہوئے سمندری ماحولیاتی نظام میں عالمی سرمایہ کاری کو راغب کرنا ہے۔

اس تقریب میں میری ٹائم انڈیا ویژن 2047 کے تحت تعاون کے مواقع اور ہندوستان کے ابھرتے ہوئے سمندری بنیادی ڈھانچے پر ایک جامع مکالمے کے لیے عالمی سمندری رہنماؤں، سرمایہ کاروں، ریگولیٹرز اور کلیدی متعلقہ فریقوں کی شرکت دیکھنے میں آئی ۔

اجلاس کا افتتاح برطانیہ میں ہندوستان کے ہائی کمشنر عزت مآبجناب وکرم کے دورائی سوامی نے کیا ، جنہوں نے ہندوستان اور برطانیہ کے درمیان دیرینہ سمندری شراکت داری پر روشنی ڈالی اور پائیدار اور قوی نیلی معیشت کوریڈور کی تعمیر کے لیے مشترکہ عزم کا اعادہ کیا۔ اپنے خطاب میں، انہوں نے عالمی تجارت، صاف ستھری توانائی کی منتقلی اور جامع اقتصادی ترقی کی حمایت کے لیے سمندری بنیادی ڈھانچے سے فائدہ اٹھانے کی اہمیت پر زور دیا ۔

کلیدی خطبہ دیتے ہوئے، حکومت ہند کی بندرگاہوں، جہاز رانی اور آبی گزرگاہوں کی وزارت کے سکریٹری جناب ٹی کے راماچندرن نے سمندری شعبے میں ہندوستان کی اسٹریٹجک ترجیحات کو پیش کیا اور عالمی سمندری پاور ہاؤس کے طور پر ابھرنے کے ملک کے ارادے کو اجاگر کیا۔

انہوں نے کہا ، ’’ عزت مآب وزیر اعظم جناب نریندر مودی جی کی بصیرت پر مبنی قیادت میں، ہندوستان سمندری احیاء کے ایک نئے دور کا آغاز کر رہا ہے-جو پائیداری، ڈیجیٹل تبدیلی اور عالمی شراکت داری پر مبنی ہے ۔‘‘

مضبوط میکرو اکنامک بنیادی اصولوں پر روشنی ڈالتے ہوئے سکریٹری موصوف نے کہا کہ ہندوستان 4 ٹریلین امریکی ڈالر سے تجاوز کر کے چوتھی سب سے بڑی معیشت بن گیا ہے اور غیر ملکی سرمایہ کاری میں تیزی سے اضافے کا مشاہدہ کررہا ہے ۔ انہوں نے کہا کہ جہاز رانی اور جہاز سازی میں خودکار روٹ کے تحت 100فیصد ایف ڈی آئی کی اجازت  اور گفٹ سٹی میں انٹرنیشنل فائننشیل سروسز سینٹر (آئی ایف ایس سی) کی طرف سے پیش کردہ مالی مراعات کے ساتھ، ہندوستان عالمی سمندری سرمایہ کاروں کے لیے ایک زبردست موقع پیش کرتا ہے۔ اہم فوائد میں 10 سالہ ٹیکس کی چھٹی، جہاز کی درآمدات پر صفر جی ایس ٹی  اور سمندری لین دین پر کوئی غیر منحصر ٹیکس شامل نہیں ہے ۔

سکریٹری نے پبلک پرائیویٹ پارٹنرشپ کے ذریعے اپنے پورٹ ایکو سسٹم کو جدید بنانے کے لیے ہندوستان کی کوششوں کا خاکہ پیش کیا، جس میں 2,760 ایم ٹی پی اے کی موجودہ کارگو ہینڈلنگ صلاحیت کو 2030 تک 3,500 ایم ٹی پی اے اور 2047 تک 10,000 ایم ٹی پی اے تک بڑھانے کا ہدف ہے۔ انہوں نے اس بات پر زور دیا کہ ہندوستان کی بندرگاہیں صرف تجارتی گیٹ وے نہیں ہیں، بلکہ صاف توانائی کی منتقلی کے محرک ہیں، جو آف شور ونڈ، گرین ہائیڈروجن اور کم کاربن لاجسٹکس کی حمایت کرتی ہیں ۔

پائیداری کے لیے ہندوستان کے عزم کی توثیق کرتے ہوئے جناب راماچندرن نے کہا کہ گرین شپنگ ، جہاز سازی اور ری سائیکلنگ قومی سمندری حکمت عملی کے مرکزی ستون ہیں۔ دین دیال، چدمبرنار اور پارادیپ میں تین گرین ہائیڈروجن ہب بندرگاہوں کی ترقی کے ساتھ ساتھ گرین ٹگ ٹرانزیشن پروگرام کے نفاذ کو ہندوستان کی ڈی کاربونائزیشن کی کوششوں میں اہم سنگ میل قرار دیا گیا ۔

ڈیجیٹل محاذ پر، سکریٹری موصوف نے عالمی سطح پر مسابقتی، تکنیکی طور پر جدید سمندری ملک بننے کے ہندوستان کے عزائم کا خاکہ پیش کیا۔ انہوں نے میری ٹائم سنگل ونڈو، ون نیشن ون پورٹ پروسیس (او این او پی) اور میتری (آئی ایم ای ای سی ممالک کے لیے ورچوئل ٹریڈ کوریڈور) جیسے اقدامات کے بارے میں بات کی، جس کا مقصد لاجسٹکس کو ہموار کرنا اور اوّل تا آخر ڈیجیٹل انضمام کے ذریعے لین دین کے اخراجات کو کم کرنا ہے۔

عالمی جہاز سازی کے بازار میں ہندوستان کی بڑھتی ہوئی اہمیت کو بھی اجاگر کیا گیا۔ جناب راماچندرن نے نشاندہی کی کہ ہندوستان کا جہاز سازی کا درجہ عالمی سطح پر 23 ویں سے بہتر ہوکر 16 ویں نمبر پر آگیا ہے، اور یہ کہ میری ٹائم ڈیولپمنٹ فنڈ اور کلی طور پر وقف شدہ جہاز سازی کلسٹرز سمیت جاری اصلاحات ہندوستانی شپ یارڈز میں صلاحیت میں توسیع کے لیے عالمی صنعت کے رہنماؤں کی دلچسپی کو راغب کر رہی ہیں۔

انہوں نے عالمی سپلائی چین میں رکاوٹوں کے دور میں متبادل تجارتی کوریڈور بنانے کے لیے حکومت کے عزم کا بھی ذکر کیا۔ ہندوستان، بھارت-مشرق وسطیٰ-یورپ اقتصادی کوریڈور (آئی ایم ای ای سی)، مشرقی میری ٹائم کوریڈور  اور بین الاقوامی شمال-جنوب ٹرانسپورٹ کوریڈور (آئی این ایس ٹی سی) جیسے اقدامات کے ذریعے بین الاقوامی سمندری رابطے کی تشکیل میں اہم کردار ادا کر رہا ہے ۔

سکریٹری نے ہندوستان کے ترقی پذیر کروز سیاحت کے شعبے کی طرف بھی توجہ مبذول کرائی، جسے کروز بھارت مشن کے تحت آگے بڑھایا جا رہا ہے۔ انہوں نے اس شعبے کو اقتصادی ترقی اور سیاحت کے محرک میں تبدیل کرتے ہوئے ملک کے ثقافتی، ساحلی اور روحانی ورثے کی عکاسی کرنے والے عالمی معیار کے کروز ٹرمینلز اور خصوصی سرکٹس بنانے کے ہندوستان کے منصوبے پر روشنی ڈالی۔

انہوں نے اپنی بات کا اختتام یہ کہتے ہوئے کیا کہ’’ہندوستان کا سمندری انقلاب کوئی تنہا سفر نہیں ہے-یہ ایک مشترکہ مشن ہے، جو وسودھیو کٹمبکم-ایک زمین، ایک خاندان، ایک مستقبل کی لازوال اخلاقیات سے رہنمائی حاصل کرتا ہے۔ ہم عالمی برادری کو مدعو کرتے ہیں کہ وہ ایک لچکدار، جامع اور مستقبل پر مبنی سمندری ماحولیاتی نظام کی تشکیل میں ہمارے ساتھ ہاتھ ملائیں ۔‘‘

سکریٹری موصوف نے 27 سے 31 اکتوبر 2025 تک ممبئی میں منعقد ہونے والے آئندہ انڈیا میری ٹائم ویک 2025 میں شرکت کے لیے تمام اسٹیک ہولڈرز کو ایک خوشگوار دعوت بھی دی، جو نیٹ ورکنگ، اختراعی نمائش اور سرمایہ کاری کی تلاش کے لیے ایک اہم بین الاقوامی پلیٹ فارم کے طور پر کام کرے گا۔

اس تقریب میں ایم او پی ایس ڈبلیو کے جوائنٹ سکریٹری (بندرگاہیں) جناب آر لکشمنن کی طرف سے ایک پریزنٹیشن بھی پیش کی گئی، جس میں پالیسی فریم ورک اور سرمایہ کاری کی صلاحیت کے امکانات کی جھلک پیش کی گئی، جو انڈیا میری ٹائم ویک 2025 کے دوران توجہ کا مرکز ہوگی۔ انہوں نے عالمی سرمایہ کاروں پر زور دیا کہ وہ ہندوستان کے سمندری ترقی کے سفر میں سرگرم حصہ دار بنیں۔

پورے دن، بندرگاہ کے بنیادی ڈھانچے، جہاز سازی اور ری سائیکلنگ، سمندری مالی اعانت  اور ساحلی لاجسٹکس جیسے اہم شعبوں پر موضوعاتی بات چیت اور پریزنٹیشنز کا انعقاد کیا گیا ، جس میں للائیڈز رجسٹر، ڈی این وی، آرکٹک ایشیا، ڈی پی ورلڈ، اے پی ایم ٹرمینلز، پورٹ آف اینٹورپ-بروجز، ڈریوری میری ٹائم ایڈوائزرز، آرسلر متّل، ایرو شپ بروکرز، کلائمیٹ فنڈ منیجرز  اور اسٹینڈرڈ چارٹرڈ بینک سمیت معروف تنظیموں نے شرکت کی۔

عالمی اسٹیک ہولڈرز نے ہندوستان کے لبرلائزڈ شپ فلیگنگ نظام، ٹنج ٹیکس ڈھانچے  اور میری ٹائم ڈویلپمنٹ فنڈ کے تحت مخلوط فائننسنگ ماڈلز میں گہری دلچسپی کا اظہار کیا اوران سب کو ڈی رسک کیپٹل اور نجی سرمایہ کاری میں ہجوم کے لیے ترقی پسند اقدامات کے طور پر دیکھا گیا۔

میٹنگ کا اختتام جہاز رانی کے ڈائریکٹر جنرل شری شیام جگن ناتھن کے اختتامی کلمات کے ساتھ ہوا، جنہوں نے عالمی شراکت داروں کے ذریعے دکھائے گئے جوش و خروش اور فکری قیادت کو سراہا اور ایک شفاف، پائیدار اور سرمایہ کاری کے موافق سمندری ماحولیاتی نظام کی تعمیر کے لیے حکومت کے عزم کا اعادہ کیا ۔

اس کے بعد ہونے والے نیٹ ورکنگ استقبالیہ نے ہندوستانی اور بین الاقوامی اسٹیک ہولڈرز کے درمیان بامعنی تعامل کو ممکن بنایا ، جس سے سمندری شعبے میں شراکت داری ، تعاون اور مشترکہ مواقع پر بات چیت کو مزید تقویت ملی ۔

********

) ش ح –   اک  -  ش ہ ب )

U.No. 2600

(Release ID: 2143482)