توسیعی رینج آبدوز شکن  راکٹ(ای آر اے ایس آر) کے یوزر ٹرائلز 23جون 2025 سے 07 جولائی 2025 تک آئی این ایس کَورتّی سے کامیابی کے ساتھ کیے گئے۔ ڈی آر ڈی او کے آرمامینٹ تحقیقی اور ترقیاتی ادارے (اے آر ڈی ای)، پونے نے اعلیٰ توانائی میٹیریلس ریسرچ لیباریٹری  اور بحری سائنس اور تکنالوجی لیباریٹرکے تعاون سے بھارتی بحریہ کے جہازوں کے اندرونِ ملک تیار راکٹ لانچر (آئی آ ر ایل) کے لیے ای آر اے ایس آر کو ڈیزائن اور تیار کیا گیا ہے۔

ای آر اے ایس آر ایک مکمل طور پر مقامی اینٹی سب میرین راکٹ ہے جو آبدوز کا مقابلہ کرنے کے لیے استعمال کیا جاتا ہے اور ہندوستانی بحریہ کے جہازوں کے آئی آر ایل سے فائر کیا جاتا ہے۔ اس میں جڑواں راکٹ موٹر کنفیگریشن ہے جو اعلیٰ درستگی اور مستقل مزاجی کے ساتھ وسیع پیمانے پر رینج کی ضروریات کو پورا کرتی ہے۔ ای آر اے ایس آر مقامی طور پر تیار کردہ الیکٹرانک ٹائم فیوز کا استعمال کرتا ہے۔

مجموعی طور پر 17 ای آر اے ایس آر کا مختلف رینجز میں کامیابی سے جانچ کی گئی۔ ٹرائلز کے تمام مخصوص مقاصد جیسے کہ رینج پرفارمنس، الیکٹرانک ٹائم فیوز فنکشننگ اور وار ہیڈ فنکشننگ کا کامیابی سے مظاہرہ کیا گیا۔

بھارت ڈائنامکس لمیٹڈ، حیدرآباد اور سولر ڈیفنس اینڈ ایرو اسپیس لمیٹڈ، ناگپور ای آر اے ایس آر راکٹس کے پروڈکشن پارٹنر ہیں۔ یوزر ٹرائلز کی کامیاب تکمیل کے ساتھ، ہندوستانی بحریہ سے جلد ہی ای آر اے ایس آر سسٹم کو شامل کرنے کی امید ہے۔

وزیر دفاع جناب راج ناتھ سنگھ نے ڈی آر ڈی او، ہندوستانی بحریہ اور اس نظام کی ترقی اور آزمائش میں شامل صنعت کو مبارکباد دی ہے۔ انہوں نے کہا کہ اس نظام کو ہندوستانی بحریہ میں شامل کرنے سے اس کی زبردست طاقت میں اضافہ ہوگا۔

دفاعی تحقیق و ترقی کے محکمے کے سکریٹری اور ڈی آر ڈی او کے چیئرمین ڈاکٹر سمیر وی کامت  نے ای آر اے ایس آر کے ڈیزائن اور ترقی کے کام میں شامل ٹیموں کی ستائش کی۔

**********

 

(ش ح –ا ب ن)

U.No:2574

(Release ID: 2143252)