عالمی شمسی اتحاد (آئی ایس اے)15-17 جولائی 2025 کو کولمبو، سری لنکا میں ایشیا اور بحرالکاہل خطے کے لیے ساتویں ریجنل کمیٹی میٹنگ  (آئی سی ایم) کی میزبانی کرے گا۔ یہ اہم اجتماع‘‘تنوع اور مواقع کے ایک خطے میں شمسی تعاون کو آگے بڑھانا’’ کی تھیم کے ساتھ سرکاری حکام، تکنیکی یونیورسٹیوں، تھنک ٹینکس، ادارہ جاتی شراکت داروں، اور نجی شعبے کے رہنماؤں کو اس متحرک اور متنوع خطے میں شمسی توانائی کی تعیناتی کو بڑھانے کے لیے ایک مربوط اور اسٹریٹجک ایجنڈے کو آگے بڑھانے کے لیے اکٹھا کرے گا۔  یہ میٹنگ اسٹریٹجک ڈائیلاگ، علم کے تبادلے اور عمل پر مبنی نتائج کے امتزاج کے طور پر کام کرے گی تاکہ عالمی شمسی منتقلی میں اے پی اے سی خطے کی قیادت کو مضبوط کیا جا سکے۔

صاف توانائی کے مستقبل کی تشکیل میں ایشیا اور بحرالکاہل کے خطے کی اہمیت پر زور دیتے ہوئے  ڈائریکٹر جنرل، آئی ایس اے، جناب آشیش کھنہ نے کہا، ‘‘ایشیا اور بحرالکاہل کا خطہ توانائی کی عالمی منتقلی کے مرکز میں ہے۔ کولمبو میں علاقائی کمیٹی کا اجلاس عملی، سرمایہ کاری کے لیے تیار کرنے کا ایک موقع ہے۔ ایس آئی ڈی ایس کے لیے مجموعی شمسی توانائی کے پلیٹ فارمز، ممالک کے درمیان علاقائی باہمی روابط کو فعال کرنا، شمسی اور ڈیجیٹل اختراع کے انضمام کے لیے ایشیائی اداروں کو بڑھانا، یا گرین ہائیڈروجن اورا سٹوریج جیسی نئی ٹیکنالوجیز کی ترقی میں معاونت کرنا ہے۔ یہ میٹنگ شراکت داری اور مقامی قیادت پر مبنی شمسی توانائی سے چلنے والے مستقبل کی طرف ایک راستہ طے کرنے میں مدد کرے گی۔

آر سی ایم  جس کی صدارت خطے کے نائب صدر کر رہے ہیں، سوشلسٹ جمہوریہ سری لنکا، علاقائی شمسی ترجیحات کو آئی ایس اے کے ابھرتے ہوئے اسٹریٹجک وژن کے ساتھ ہم آہنگ کرنے کے لیے ایک پلیٹ فارم کے طور پر کام کرے گا، جو اس کے چار بنیادی ستونوں میں مضمر ہے:

متحرک مالیاتی مرکز: شمسی سرمایہ کاری کو خطرے سے بچانے کے لیے متحرک اور مخلوط مالیاتی اقدامات کو وسعت دیناتاکہ افریقہ میں آئی ایس اے کے تجربات کی بنیاد پر ایشیا اور بحرالکاہل میں اسی طرح کی سہولیات کو  فروغ دیا جاسکے۔

عالمی قابلیت کا مرکز اور ڈیجیٹلائزیشن: آئی ایس اے کے ‘سلیکون ویلی فار سولر’ کے وژن کو آگے بڑھا رہا ہے جو کہ اسٹار سینٹرز کو جوڑتا ہے، سولر ایکس اسٹارٹ اپ چیلنج کے ذریعے اختراع کو فروغ دیتا ہے، اور ممبر ممالک میں موزوں تکنیکی مدد فراہم کرتا ہے۔

علاقائی اور ملکی سطح کے پلیٹ فارمز: ای-ٹینڈرنگ اور ای پروکیورمنٹ کے لیے ایس آئی ڈی ایس پلیٹ فارم جیسے اقدامات کو بڑھانا تاکہ علاقائی طلب کو پورا کیا جا سکے اور مارکیٹ تک وسیع تر رسائی حاصل کی جا سکے۔

ٹیکنالوجی روڈ میپ اور پالیسی اختراع: علاقائی کمیٹی کا اجلاس آئی ایس اے کے رکن ممالک کو جدید شمسی ٹیکنالوجی کو اپنانے، سپلائی چین کو متنوع بنانے، اور ابھرتے ہوئے حل جیسے گرین ہائیڈروجن اور توانائی ذخیرہ کرنے میں مدد کرے گا۔ یہ کوششیں گرین ہائیڈروجن کے لیے ماحولیاتی نظام کی تیاری پر آئی ایس اے-اے ڈی بی کے مشترکہ منصوبے پر استوار ہیں، جسے منیلا، فلپائن میں منعقدہ ایشیا کلین انرجی فورم  (اے سی ای ایف)2025 میں نمایاں طور پر دکھایا گیا تھا۔ اے  سی ای  ایف  کے دوران، آئی ایس اے نے اس پروجیکٹ کے تحت کلیدی رپورٹیں جاری کیں، جن میں فریم ورک فار گرین ہائیڈروجن ہب، ملک کے لیے مخصوص تیاری کے جائزے، اور توانائی کے ذخیرہ کرنے کے نظام اور طویل دورانیے کے توانائی کے ذخیرہ  (ایل ڈی ای ایس)کے لیے اسٹریٹجک روڈ میپس شامل ہیں۔ یہ وسائل اے پی اے سی آر سی ایم  میں ٹیکنالوجی کے راستوں اور پالیسی مباحثوں سے براہ راست آگاہ کریں گے، جو ممالک کو پورے خطے میں تیزی سے تعیناتی اور پیمانے پر حل کرنے کے قابل بناتے ہیں۔

اے پی اے سی آر سی ایم  کے دوران دیگر موضوعاتی سیشنز دریافت کریں گے:

ایس آئی ڈی ایس سولر پلیٹ فارم کو فعال کرنا: چھوٹے جزیرے کی ترقی پذیر ریاستوں کے لیے تیار کردہ ایک شفاف علاقائی ای-مارکیٹ پلیس کی تعمیر، ادارہ جاتی ڈیزائن، ملکیت کے ماڈلز، اور علاقائی کیس اسٹڈیز پر توجہ مرکوز کرنا۔

اسٹار مراکز اور عالمی قابلیت کے مرکز کے ذریعے ادارہ جاتی صلاحیت کو مضبوط کرنا: بھوٹان، پاپوا نیو گنی، اور کریباٹی میں کامیاب آپریشنل ماڈلز کو نمایاں کرنا، اور علاقائی مہارت کے فرق کو ختم کرنے کے لیے ڈیجیٹل لرننگ پلیٹ فارمز کو مشترکہ طور پر تیار کرنا۔

گرین ہائیڈروجن، انرجی اسٹوریج، اور ای-موبلٹی کو تیز کرنا: ابھرتے ہوئے حل کے لیے پالیسی کے راستے اور پروجیکٹ پائپ لائنز تیار کرنا، خاص طور پر کم ترقی یافتہ ممالک (ایل ڈی سیز)اور چھوٹے جزیرے کی ترقی پذیر ریاستوں(ایس آئی ڈی ایس) کو نشانہ بنانا۔

علاقائی باہمی رابطوں کو آگے بڑھانا: سرحد پار شمسی تجارت کے لیے فریم ورک کی تلاش، نئے مالیاتی ماڈلز، اور شمسی رسائی اور کم لاگت کو بڑھانے کے لیے علاقائی گرڈ انفراسٹرکچر کا فائدہ اٹھانا۔

آر سی ایم  میں منتخب ممالک کے ساتھ کنٹری پارٹنرشپ فریم ورک پر دستخط اور علاقائی اور بین الاقوامی تنظیموں کے ساتھ شراکت داری کے معاہدوں پر دستخط بھی شامل ہوں گے تاکہ آئی ایس اے کے شمسی اقدامات کو مزید مضبوط کیا جا سکے اور ایشیا اور بحرالکاہل کے خطے میں باہمی تعاون کی کوششوں کو وسعت دی جا سکے۔ اس کے علاوہ، اجلاس میں نئے علاقائی اسٹار مراکز کے قیام پر بات چیت کی جائے گی جس کا مقصد ادارہ جاتی صلاحیت کو بڑھانا، تکنیکی مہارت کی تعمیراور خطے کے طویل مدتی شمسی توانائی کے اہداف کی حمایت کرنا ہے۔

یہ علاقائی کمیٹی کا اجلاس آئی ایس اے کی علاقائی مصروفیت کو مضبوط بنانے، مؤثر پروگراموں، لچکدار شراکت داریوں، اور آئی ایس اے کے فریم ورک معاہدے اور وسیع تر عالمی موسمیاتی ایجنڈے کے ساتھ منسلک طویل مدتی حکمت عملیوں کے لیے راہ ہموار کرنے میں ایک اہم قدم کی نشاندہی کرے گا۔

آئی ایس اے کی علاقائی کمیٹی برائے ایشیا اور بحرالکاہل خطے کی میٹنگ کے بارے میں

آئی ایس اے کی علاقائی کمیٹیاں سالانہ میٹنگ کرتی ہیں، جس کی صدارت خطے کے ایک نائب صدر کرتے ہیں، اور ان کا مقصد آئی ایس اے کے پروگرامی تعاون، فلیگ شپ اقدامات، شراکت داری، نجی شعبے کی مصروفیات، اور خطے کے لیے ورک پلان سے متعلق پیش رفت، چیلنجز، اور مواقع کا جائزہ لینا اور ان پر تبادلہ خیال کرنا ہے۔ علاقائی کمیٹی کے اجلاسوں کا ایک اہم مقصد خطے کے رکن ممالک کے درمیان ہموار ہم آہنگی ہے۔ ایشیا اور بحرالکاہل کے خطے میں فی الحال 28 رکن ممالک، 30 دستخط کنندہ ممالک، اور 24 ممکنہ ممالک شامل ہیں، جس سے خطے میں آئی ایس اے کی سرگرمیوں میں مصروف ممالک کی کل تعداد 54 ہو گئی ہے۔ یہ بڑھتی ہوئی علاقائی نمائندگی باہمی اشتراکی شمسی اقدامات کو آگے بڑھانے اور کثیر الجہتی مشغولیت کو گہرا کرنے کے لیے ایک مضبوط بنیاد کی عکاسی کرتی ہے۔

بین الاقوامی شمسی اتحاد کے بارے میں

بین الاقوامی شمسی اتحاد ایک عالمی پہل ہے جسے 2015 میں ہندوستان اور فرانس نے پیرس میں سی او پی21 میں شروع کیا تھا۔ اس کے 123 رکن اور دستخط کنندہ ممالک ہیں۔ اتحاد دنیا بھر میں توانائی تک رسائی اور سلامتی کو بہتر بنانے اور کاربن کےغیر جانبدار مستقبل میں پائیدار منتقلی کے طور پر شمسی توانائی کو فروغ دینے کے لیے حکومتوں کے ساتھ کام کرتا ہے۔

آئی ایس اے کا مشن 2030 تک شمسی توانائی میں سرمایہ کاری کو غیر مقفل کرنا ہے جبکہ ٹیکنالوجی کی لاگت اور اس کی مالی اعانت کو کم کرنا ہے۔ یہ زراعت، صحت، نقل و حمل اور بجلی پیدا کرنے کے شعبوں میں شمسی توانائی کے استعمال کو فروغ دیتا ہے۔ آئی ایس اے کے رکن ممالک پالیسیوں اور ضوابط کو نافذ کرکے، بہترین طریقوں کا اشتراک کرکے، مشترکہ معیارات پر اتفاق کرتے ہوئے، اور سرمایہ کاری کو متحرک کرکے تبدیلی لا رہے ہیں۔

اس کام کے ذریعے، آئی ایس اے نے شمسی منصوبوں کے لیے نئے کاروباری ماڈلز کی شناخت، ڈیزائن اور تجربہ کیا ہے۔ شمسی تجزیہ اورمشاورت کرنے میں آسانی کے ذریعے حکومتوں کی توانائی سے متعلق قانون سازی اور پالیسیوں کو شمسی سازگار بنانے میں معاونت کی۔ مختلف ممالک سے شمسی ٹیکنالوجی کی طلب میں اضافہ؛ اور اخراجات کو کم کر دیا؛ خطرات کو کم کرکے اور اس شعبے کو نجی سرمایہ کاری کے لیے مزید پرکشش بنا کر مالیات تک رسائی میں بہتری؛ سولر انجینئرز اور انرجی پالیسی سازوں کے لیے سولر ٹریننگ، ڈیٹا اور بصیرت تک رسائی میں اضافہ۔

شمسی توانائی سے چلنے والے حل کے لیے اپنی وکالت کے ساتھ، آئی ایس اے کا مقصد زندگیوں کو تبدیل کرنا، دنیا بھر کی کمیونٹیز کے لیے صاف، قابل بھروسہ، اور سستی توانائی لانا، پائیدار ترقی کو فروغ دینا، اور زندگی کے معیار کو بہتر بنانا ہے۔ 6 دسمبر 2017 کو، 15 ممالک نے آئی ایس اے فریم ورک معاہدے پر دستخط کیے اور اس کی توثیق کی، جس سے آئی ایس اے پہلی بین الاقوامی بین الحکومتی تنظیم ہے جس کا صدر دفتر ہندوستان میں ہے۔

آئی ایس اے کثیرالجہتی ترقیاتی بینکوں(ایم ڈی بی ایس) ، ترقیاتی مالیاتی اداروں(ڈی ایف آئی ایس) ، نجی اور سرکاری شعبے کی تنظیموں، سول سوسائٹی، اور دیگر بین الاقوامی اداروں کے ساتھ اشتراک کر رہا ہے تاکہ شمسی توانائی کے ذریعے خاص طور پر کم ترقی یافتہ ممالک(ایل ڈی سیز) اور چھوٹے جزیرے کی ترقی پذیر ریاستوں(ایس آئی ڈی ایس) میں سرمایہ کاری مؤثر اور تبدیلی کے حل کو تعینات کیا جا سکے۔

****

ش ح۔ ا م۔ ج

UNO-2553

(Release ID: 2143156)