ای ٹی ٹائمز ناؤ کے زیر اہتمام ڈاکٹرز ڈے کانکلیو میں ایک پرجوش کلیدی خطاب کرتے ہوئے ، سائنس اور ٹیکنالوجی ، ارضیاتی سائنس کے مرکزی وزیر مملکت (آزادانہ چارج) ، وزیر اعظم کے دفتر ، عملہ ، عوامی شکایات، جوہری توانائی اور خلا کے وزیر مملکت  ڈاکٹر جتیندر سنگھ ، جو طب اور ذیابیطس کے ماہر کے ایک معروف پروفیسر بھی ہیں، نے اس بات پر زور دیا ہے کہ ہندوستان ہیلتھ ٹیک انقلاب کے سنگم پر کھڑا ہے اور ایک عظیم الشان نئے باب کی دہلیز پر ہے، جس کی معیشت عالمی سطح پر 10 ویں سے چوتھے نمبر پر جا رہی ہے اور مزید اس میں بہتری آرہی ہے۔

وزیر موصوف نے ہندوستانی خلاباز شبھانشو شکلا کے بین الاقوامی خلائی اسٹیشن کے مشن کا حوالہ دیا، جس میں مقامی لائف سائنس کٹس لے کر جانا ایک سنگ میل کے طور پر ہے، جو جلد ہی ایک نئے طبی شعبے: اسپیس میڈیسن کو جنم دے سکتا ہے۔

ڈاکٹر جتیندر سنگھ نے وکست بھارت @2047 کے ویژن کے ساتھ ہم آہنگی میں ’’ہم آہنگ، جامع اور مستقبل کے صحت کی دیکھ بھال کے ماحولیاتی نظام‘‘ پر زور دیا ۔

ڈاکٹر جتیندر سنگھ نے کہا ’’بہت جلد، ہمارے پاس طبی ماہرین تعلیم میں ایک وقف شدہ سلسلہ ہوسکتا ہے جسے اسپیس فزیشنز کہا جاتا ہے۔ یہ وہ مستقبل ہے جس کے لیے ہمیں تیار رہنا چاہیے‘‘۔

صحت اور آبادیاتی تبدیلی کے موضوع سے خطاب کرتے ہوئے، وزیر موصوف نے ہندوستان کو ایک ’’دوہرے چیلنج‘‘ کا سامنا کرنے کے بارے میں بات کی-عمر میں اضافے کے توقع کے ساتھ بزرگ شہریوں کی بڑھتی ہوئی تعداد اور نوجوانوں آبادی۔ انہوں نے وضاحت کی: ’’جب کہ ہندوستان کی 70 فیصد سے زیادہ آبادی 40 سال سے کم عمر کی ہے، بزرگوں کی آبادی بھی تیزی سے بڑھ رہی ہے۔ 1947 میں، اوسط عمر 50-55 سال تھی؛ آج یہ 80 کے قریب ہے۔‘‘

ڈاکٹر جتیندر سنگھ نے بیماری کے دوہرے بوجھ پر بات کی، کیونکہ ہندوستان بیک وقت متعدی اور غیر متعدی دونوں بیماریوں سے نمٹتا ہے، خاص طور پر کووڈ کے بعد کے دور میں۔ اس سے نمٹنے کے لیے، انہوں نے بڑے پیمانے پر تشخیص، جلد پتہ لگانے اور روک تھام پر زور دیتے ہوئے زیادہ سے زیادہ سرکاری-نجی شراکت داری اور اے آئی ، ٹیلی میڈیسن اور مشین لرننگ جیسی ٹیکنالوجیز کے زیادہ سے زیادہ استعمال کو اجاگر کیا۔

ہندوستان کی حالیہ عالمی کامیابیوں پر روشنی ڈالتے ہوئے ، ڈاکٹر جتیندر سنگھ نے فخر سے کہا کہ ہندوستان روک تھام اور صحت کی دیکھ بھال میں عالمی رہنما کے طور پر ابھرا ہے۔ انہوں نے کہا کہ ہندوستان نے کووڈ-19 کے لیے دنیا کی پہلی ڈی این اے ویکسین اور سروائیکل کینسر کی روک تھام میں مدد کے لیے ایک ایچ پی وی ویکسین تیار کی ہے۔ مزید برآں ، ہندوستان نے ہیموفیلیا کے لیے اپنا پہلا جین تھیراپی ٹرائل کامیابی کے ساتھ انجام دیا، جس کے نتائج باوقار نیو انگلینڈ جرنل آف میڈیسن میں شائع ہوئے ۔

وزیر موصوف نے ملک کے پہلے مقامی طور پر تیار کردہ اینٹی بائیوٹک مالیکیول نیفیتھرومائیسن کے آغاز کا بھی اعلان کیا، جو ہندوستان کے دواسازی کے اختراعی منظر نامے میں ایک اہم سنگ میل ہے۔

انہوں نے ان کامیابیوں کو نجی صنعت کے ساتھ ابتدائی مرحلے کے تعاون سے منسوب کرتے ہوئے کہا’’یہ کامیابیاں شروع سے ہی سرکاری اور نجی شعبوں کے ہموار انضمام کی وجہ سے ممکن ہوئیں‘‘۔

مربوط اداروں کی ضرورت پر زور دیتے ہوئے ڈاکٹر جتیندر سنگھ نے انکشاف کیا کہ آئی آئی ٹی کانپور اور آئی آئی ایس سی بنگلورو اپنے کیمپس کے اندر میڈیکل اسکول قائم کرنے کا منصوبہ بنا رہے ہیں۔ انہوں نے آیوشمان بھارت جیسے ہندوستان کے سستی صحت کی دیکھ بھال کے ماڈلز اور تریویندرم میں سری چترا ترونل انسٹی ٹیوٹ جیسے اداروں کی بھی تعریف کی، جو تحقیق، مال سازی اور طبی نگہداشت کو مربوط کرتے ہیں۔

کینسر کی دیکھ بھال کے تناظر میں، ڈاکٹر جتیندر سنگھ نے ہدف شدہ ریڈی ایشن تھیراپی کی طرف ہندوستان کے اقدام پر زور دیا اور ٹاٹا میموریل سینٹر کو 100 فیصد ڈیجیٹل اور کیش لیس اسپتال کے نظام میں پیش رو کے طور پر اجاگر کیا۔

انھوں نے کمبھ میلے جیسے بڑے عوامی اجتماعات کے دوران ہندوستان کی حفظان صحت کی اختراعات پر بھی روشنی ڈالی، جہاں تابکاری پر مبنی فیکل سلج ٹریٹمنٹ پلانٹس (ایف ایس ٹی پیز) نے صحت کے خطرات کے بغیر 40 کروڑ سے زیادہ یاتریوں کے لیے صفائی کو یقینی بنایا۔

آب و ہوا سے متعلق صحت کی لچک پر ، ڈاکٹر جتیندر سنگھ نے حال ہی میں شروع کیے گئے مشن موسم کا ذکر کیا، جس میں آب و ہوا کی آفات کے صحت سے متعلق اثرات کے لیے ابتدائی انتباہی نظام پر توجہ دی گئی ہے ۔

اپنے خطاب کا اختتام کرتے ہوئے ڈاکٹر جتیندر سنگھ نے ہندوستان کے صحت کی دیکھ بھال کے مستقبل کے لیے تبدیلی لانے والے نقطہ نظر کی ضرورت پر زور دیا۔ انہوں نے تعلیمی اداروں ، تحقیقی اداروں ، صنعت اور حکومت کے درمیان تعاون کی اہمیت پر زور دیتے ہوئے تمام شعبوں میں وسیع تر ہم آہنگی پر زور دیا۔ انہوں نے پائیداری اور وسعت کو یقینی بنانے کے لیے تحقیق اور صحت کی دیکھ بھال کی فراہمی دونوں میں نجی شعبے کے ابتدائی مرحلے کے انضمام کی بھی وکالت کی۔ مزید برآں، انہوں نے آئی آئی ٹی کانپور اور آئی آئی ایس سی بنگلورو جیسے ممتاز اداروں کی طرف سے اپنے کیمپس کے اندر طبی اسکول قائم کرنے کی تجاویز کا حوالہ دیتے ہوئے ادارہ جاتی اختراع پر زور دیا-یہ ایک ایسا قدم ہے جس کے بارے میں ان کا خیال ہے کہ یہ بین ضابطہ مہارت کو فروغ دے گا اور جامع تعلیم اور صحت کی دیکھ بھال کا ایک نیا ماڈل بنائے گا۔

انھوں نے کہا’’آئیے ہم، سب کچھ ٹیکنوکریٹس کے حوالے نہ کریں۔ تھوڑا سا ڈاکٹر باقی رہنا چاہیے۔ ہمیں طب کی سائنس اور روح دونوں کو آگے لے جانا چاہیے۔‘‘

******

ش ح۔ ش ا ر۔ م ر

U-NO. 2256