معزز والدین ، آپ کے لیے اس حیرت انگیز لمحے سے بڑا فخر کا لمحہ اور کوئی نہیں ہو سکتا ۔ فیکلٹی کے ممبران ، عملے کے ممبران ، بیوروکریسی کے ممتاز ممبران اور مجھے اپنی موجودگی کا جواز پیش کرنا چاہیے ۔ میں آپ  لڑکوں اور لڑکیوں کے لئے یہاں آیا ہوں۔

تعلیم خدا کا تحفہ ہے ، اگر آپ کو معیاری تعلیم ملتی ہے تو آپ خوش قسمت ہیں ۔ اگر آپ ایک ارب  40 کروڑکی  آبادی والی قوم میں اس طرح کی تعلیم حاصل کرتے ہیں تو آپ کو صحیح معنوں میں مراعات حاصل ہیں ۔ تعلیم  برابری لاتی ہے ۔ قانون میں یا دوسری صورت میں مساوات کو صرف تعلیم کے ذریعے ہی بہترین طریقے سے محفوظ کیا جا سکتا ہے ۔ تعلیم بڑے پیمانے پر عدم مساوات  اور  نا انصافی کا خاتمہ کرتی ہے اور یہی آپ اپنی ساری زندگی  میں کرنے جا رہے ہیں ۔ معیاری تعلیم ، اس کی رسائی اور استطاعت کسی بھی جمہوری ملک کے حصول کے لیے بنیادی اصول ہیں ۔ خوش قسمتی سے آپ کا تعلق معاشرے کے ایک مختلف زمرے سے ہے ۔ آپ کے والدین نے آپ کو یہ تعلیم فراہم کرنے  کےلئے کافی کوشش کی ہے ۔ لیکن دوسرے افراد کے لیے ، میں بھی  اس میں شامل ہوں ، ایسا نہیں ہے۔ کئی دہائیوں سے حکومت نے اسی طرح کا طریقہ کار بنانے کے لیے بہت دانشمندی سے سوچا ہے ۔

میں نے سینک اسکول ، چتوڑ گڑھ سے  تعلیم حاصل کی ہے ۔ 1962 میں میں نے ایک ایسے گاؤں سے سینک اسکول ، چتوڑ گڑھ میں داخلہ لیا جہاں بجلی نہیں تھی ، سڑک رابطہ نہیں تھا ، گھر میں بیت الخلا نہیں تھا ۔ درحقیقت ، میں اسے چتور گڑھ میں تاریکی سے روشنی تک علامتی طور پر پیش کرنے آیا تھا ۔

اس لیے میں نے مواقع پر غور کیا ، یہ ایک ایسی روایت کی زندہ میراث کا جشن ہے جو ذہنوں کو تشکیل دیتی ہے ، کردار کو ڈھالتی ہے اور نہ صرف لیڈروں  بلکہ کل کے اچھے شہریوں کی پرورش کرتی ہے ۔ برطانوی دور میں 1869 میں قائم ہونے والا یہ ادارہ وقت کی کسوٹی پر  حسن اور وقار کے ساتھ کھڑا رہا ہے ۔

میرے پیارے لڑکے اور لڑکیاں ، کیا اتفاق ہے ۔ ایک اور اہم واقعہ 1869 میں پیش آیا اور وہ امن اور عدم تشدد کے علمبردرا ، بابائے قوم ،مہاتما گاندھی کی پیدائش تھی ۔

میں آپ سے التماس کرتا ہوں کہ لائبریری میں کچھ وقت نکال کر ہمارے قومی ہیروز کی مختصر سوانح حیات پر توجہ دیں۔ یہ تعداد بہت زیادہ ہے، ہر میدان میں — فلکیات، فن تعمیر، سائنس، فنون لطیفہ، سیاست، فلسفہ اور دیگر شعبے شامل ہیں۔ یہ تعلیم بنیادی طور پر ایک مخصوص طبقے کو دینے کے لیے تھی، لیکن اب یہ قومی نمائندگی کا ذریعہ بن چکی ہے، جو ہماری قوم کی نمائندگی کرتی ہے۔

لڑکے اور لڑکیاں ہمیشہ یاد رکھیں، جب ہم سینک اسکول میں تھے، تو ہم آپ سے حسد کرتے تھے۔ ہمیں حسد ہوتی تھی کہ ارد گرد بہت سے بہتر اسکول ہیں۔ ہم ہمیشہ آپ کو خوش قسمت سمجھتے تھے، اس لیے اپنے والدین کا شکریہ ادا کریں۔ اپنے اساتذہ اور اپنی قسمت کے لیے بے حد  شکر گزار ہوں کہ آپ کو دنیا کی بہترین اور معیاری تعلیم حاصل ہو رہی ہے۔

ایک صدی اور نصف سے زائد عرصے سے، اس ادارے کے سابق طلبہ نے، جیسا کہ معزز گورنر نے بھی ذکر کیا، اپنی خدمات سے اپنی پہچان بنائی ہے اور ہمارے ذہنوں پر گہرے نقوش چھوڑے ہیں۔ انہوں نے سائنس، دفاع، ادب، سینما، کاروبار اور عوامی خدمت جیسے انسانی کوششوں کے وسیع میدان میں نمایاں کردار ادا کیا ہے۔ لہٰذا، یہ موقع دو گنا ہے۔

ایک طرف، آپ کو اپنے شاندار سفر پر غور کرنا ہے جو آپ نے اب تک طے کیا ہے اور دوسری طرف، آپ کو آگے بڑھنے کا راستہ بھی وضع کرنا ہوگا۔ اس کی ایک  وجہ یہ ہے کہ سقراط سے بھی پہلے ایک فلسفی ہیراکلیٹس نے کہا تھا کہ زندگی میں واحد مستقل چیز تبدیلی ہے اور اس نے اس دلیل سے اس بات کی تائید کی کہ کوئی شخص کبھی ایک ہی دریا میں دو بار نہیں داخل ہوتا کیونکہ نہ وہ شخص وہی رہتا ہے اور نہ ہی دریا۔

آپ کو وقت کے ساتھ بدلنا ہوگا۔ ہم ایسے وقت سے گزر چکے ہیں جب لینڈ لائن فون ایک بڑی نعمت سمجھی جاتی تھی اور آج دیکھیں، بھارت دنیا میں سب سے زیادہ اسمارٹ فون رکھنے والا ملک ہے۔

ڈیجیٹل رسائی اور کنکٹی ویٹی میں بھارت دنیا میں بے مثال ہے۔ آپ نے اکثر سن رکھا ہوگا — مصنوعی ذہانت (آرٹی فیشل انٹیلی جنس)، انٹرنیٹ آف تھنگس، بلاک چین ، مشین لرننگ  وغیرہ — یہ سب آپ کی زندگی میں داخل ہو چکے ہیں، اسکول میں، کام کی جگہ پر اور گھروں میں سبھی جگہ یہ داخل ہوچکے ہیں۔ آپ کو بدلنا اور اپنے آپ کو وقت کے تقاضوں کے مطابق ڈھالنا ہوگا تاکہ آپ ایک قابل فخر شہری بن سکیں اس ملک کے، بھارت کے، جو دنیا کی ایک چھٹی انسانیت کا مسکن ہے۔

یہ سب آپ کے لیے تحریک اور حوصلہ افزائی کا باعث ہے۔ صرف پیچھے مڑ کر دیکھیں، آپ کو گھر ملے گا۔ آپ اس مقام پر ہیں جہاں عظیم شخصیات نے قدم رکھا ہے۔ میجر سومناتھ شرما، جو اس ملک کا سب سے بڑا فوجی اعزاز حاصل کرنے والے پہلے فرد تھے، آپ کے ادارے کے سابق طالب علم تھے۔ فیلڈ مارشل مانک شا، 1971 کی جنگ کے معمار، جس فتح کو تاریخ کے صفحات پر ہمیشہ پڑھا جائے گا، اسی ادارے نے ان کی شخصیت سنواری۔ آپ اسی علاقے میں رہتے ہیں، اسے کبھی نہ بھولیں۔

اگر میں دوسرے میدان کی بات کروں تو بہت سے حوالہ جات ہیں، لیکن مختصراً میں آمیتابھ بچن کا ذکر کرنا چاہوں گا، کیونکہ ان کی شریک حیات جیا بچن راجیہ سبھا کی ایک نمایاں رکن ہیں۔ امیتابھ بچن ہمیشہ یاد دلاتے ہیں کہ کام ہی  عبادت ہے۔ کام کی کوئی عمر نہیں ہوتی۔ آپ کو مسلسل اپنا تعاون دینا ہوتا ہے۔اب میرے پیارے لڑکوں اور لڑکیوں، ان کی شاندار کامیابیاں آپ کا ورثہ  ہیں اور ورثے  کی بڑی اہمیت ہے۔ ان کی کامیابیاں آپ کی بنیاد ہیں۔ لیکن اس سے بھی بڑھ کر کچھ ہے۔

ان کی وراثت  اب آپ کی ذمہ داری ہے۔ آپ کو نئے معیار قائم کرنے ہیں۔ مجھے اس میں کوئی شک نہیں کہ آپ ایسا کریں گے۔ یہ ادارہ، جیسے کہ ملک کے دیگر اچھے ادارے، صرف تعلیم نہیں دیتا۔ یہاں کے پرنسپلز بھی اس بات کی تصدیق کریں گے کہ آپ کو یہاں تحریک دی جاتی ہے، آپ کے ذہنوں کو تشکیل دینے میں مدد دی جاتی ہے  اور اس موقع پر مجھے خاص طور پر وہ بات یاد آتی ہے جو وِویکانند جی نے کہی تھی: تعلیم کیا ہے؟ تعلیم انسان کے اندر پہلے سے موجود کمالات کا ظہور ہے۔

وِویکانند جی، جن کی عمر صرف 40 برس  تھی، لیکن ہم انہیں ایک آئیکون سمجھتے ہیں، دنیا بھی انہیں ایک عالمی شخصیت کے طور پر مانتی ہے۔ ان کا شکاگو میں دیا گیا خطاب، بھائیو اور بہنو، ہمارے اور ہر اس انسان کے کانوں میں گونجتا ہے جو عقل و فہم کی قدر کرتا ہے۔ لہٰذا، تعلیم آپ کے اندر پہلے سے موجود کمالات کا اظہار ہے۔

یہاں آپ کے پاس ایک پر سکون ماحول ہے جہاں آپ اپنی صلاحیتوں کو پوری طرح بروئے کار لا سکتے ہیں، اپنی قابلیت کو مکمل طور پر پہچان سکتے ہیں اور اپنے خوابوں اور امنگوں کو حقیقت میں بدل سکتے ہیں اور وِویکانند جی نے ایک اور نعرہ دیا: ’’اٹھو، جاگو اور  اس وقت تک نہ رکو جب تک مقصد حاصل نہ ہو جائے۔‘‘ اپنے مقصد کو محدود نہ رکھیں، خود غرض نہ ہوں، مقصد رکھیں سماج کے لیے، انسانیت کے لیے، ملک کے لیے۔ اگر آپ ہزار سال بعد بھی دیکھیں، تو ہم آج کون ہیں؟ ہم صرف ان لوگوں کو یاد رکھتے ہیں جنہوں نے سماج کو واپس کچھ دیا، جو سماج کے لیے کام کیے، جو سماج کے لیے جئے اور اپنی زندگی سماج کی خدمت میں گزاری۔ لہٰذا یہ بات ہمیشہ ذہن میں رکھیں۔

نینی تال کے ارد گرد نظر دوڑائیں۔ کیا خوبصورت جگہ ہے۔ لوگ یہاں بڑی تعداد میں آتے ہیں، یہ ایک بہترین سیاحتی مقام ہے۔ لیکن ساتھ ہی ہمیں یہ بھی احساس ہے کہ ہم نازک ہمالیائی ماحول کے چیلنجز کا سامنا کر رہے ہیں۔ ہمیں آب و ہوا کی  تبدیلیوں کا سامنا ہے۔ آب و ہوا کی  تبدیلی ایک ٹائم بم کی مانند ہے جو ٹک ٹک کر رہا ہےہمارے پاس کوئی دوسرا سیارہ نہیں ہے جہاں ہم جا سکیں۔ اسی لیے ہمارے وزیر اعظم نے ایک پر زور  اپیل کی  ’ایک پیڑ ماں کے نام۔‘ مجھے خوشی ہے کہ میں نے یہ تحفہ اپنے والدین کے نام کیا، لیکن میں ہر ایک سے، خاص طور پر ملک کے تمام طلبہ اور پرنسپلز سے اپیل کرتا ہوں کہ وہ اس جذبے کو اپنے دلوں میں بسائیں۔ کیونکہ جب ایک ذہن بچپن میں، نرم اور نازک عمر میں سنورا جائے، تو اس کا اثر زندگی بھر رہتا ہے۔

کیونکہ یہ چیز  مجھے ایک اور بنیادی مسئلے کی طرف لے آتی ہے جو کہ پائیداری ہے۔ ترقی کو پائیدار ہونا چاہیے۔ ہم قدرتی وسائل کا بے تحاشہ  استعمال اور  استحصال نہیں کر سکتے کیونکہ ہمارا بوجھ برداشت کرنے کا متحمل نہیں ہے ۔  قدرتی وسائل کا مناسب اور متوازن استعمال ضروری ہے، اس پر یقین رکھیں۔

آپ لڑکے اور لڑکیاں ایک نہایت نازک ماحولیاتی زون میں ہیں۔ میں آپ سے درخواست کرتا ہوں کہ اپنی زندگی کو ماحولیاتی شعور اور پائیدار متبادل کے تحت گزاریں۔ آپ خود اس کا براہِ راست تجربہ کر رہے ہیں۔ ذرا تصور کریں اگر یہ ماحول طویل عرصے تک قائم نہ رہ سکا تو انسانیت اور خاص طور پر اس جگہ کو کیا ناقابل تلافی نقصان پہنچے گا۔ اس صدی میں ہم صرف تعلیم یافتہ لوگوں کی قوم نہیں ہیں۔

بہت پہلے بھارت میں خواندگی کی قدر تھی۔ آج بھارت محض صلاحیت کا ایک ممکنہ ملک نہیں رہا۔ جیسے آپ کی صلاحیتوں کو آپ کے اساتذہ کی مدد سے بھرپور فائدہ پہنچایا جا رہا ہے، ویسے ہی بھارت کی صلاحیت کو روز بروز بڑھایا جا رہا ہے۔ یہ ایک ابھرتا ہوا ملک ہے اور یہ ترقی مسلسل اور بتدریج ہے۔

اگر میں پچھلے دہائی کے عالمی معیارات کی بات کروں، تو بھارت کی معاشی ترقی زبردست رہی ہے۔ انفراسٹرکچر میں بے مثال اضافہ ہوا ہے۔ بڑی معیشتوں میں ہم سب سے تیزی سے بڑھنے والی معیشت ہیں۔ پچھلی دہائی بھارت کی ترقی، نمو اور عالمی ترتیب میں اپنی جگہ بنانے کی دہائی رہی ہے۔ اور چونکہ یہ ہے، آپ کو اب اسے آگے بڑھانا ہے کیونکہ ترقی یافتہ ملک کا درجہ، جسے ہم بھارت کہتے ہیں، ہمارا خواب نہیں بلکہ ہماری منزل ہے۔

ہمیں اسے محنت اور ثابت قدمی سے حاصل کرنا ہے۔ ہم پہلے ہی صحیح راستے پر ہیں۔ عالمی معیشت میں ہم دو تین سالوں میں تیسری سب سے بڑی معیشت بن جائیں گے، یعنی ہم نے مشکل حالات اور مشکلات کے باوجود دوہری اعداد کی معیشت سے ابھر کر اس بلند مقام تک پہنچ چکے ہیں۔

اسی لیے شیر ووڈ جیسے ادارے اور آس پاس کے ادارے ملک کی تعمیر میں اہم کردار ادا کرتے ہیں۔ آپ کردار سازی، قوم پرستی کی تربیت اور قیادت کی تربیت کے مقدس مراکز ہیں اور آپ شہری ذمہ داریوں کے تجرباتی میدان ہیں۔ آپ کو جذبہ اپنانا ہوگا کہ ملک ہمیشہ مقدم رہے۔

ہمیں بغیر  شرطوں کے، بے پناہ قوم پرستی  کے جذبے کو اپنانا ہوگا، کیونکہ یہی وہ بھارت ہے، جو 5,000 سالہ تہذیب کی گہرائی رکھتا ہے، جو اس کا حق ہے۔ اس موقع پر، میں آپ لڑکوں اور لڑکیوں کو آپ کے نعرے کی یاد دلاتا ہوں۔ بہت خوبصورت منتخب کیا گیا ہے، لیکن آپ کو ہر لمحہ اپنے نعرے کے مطابق زندگی گزارنی ہوگی۔ آپ کا نعرہ تمام زندگی کی کامیابیوں کو سمیٹے ہوئے ہے’’میریٹ قسقیو پالمیم‘‘۔ میں اس کا تلفظ ادا کرنے کی کوشش کرتا ہوں، لیکن آپ یقیناً بہتر جانتے ہوں گے۔ کیا میں درست ہوں؟ مطلب ہے کہ ہر ایک کو اس کا حق ملے۔ اب دیکھیں یہ کیا کہتا ہے۔ نعرے صرف دیواروں پر آویزاں کرنے کے لیے نہیں ہوتے۔ یہ آپ کی زندگی کا حصہ بننا چاہیے اور اس کے ساتھ ساتھ، دیکھیں اس نعرے کا مطلب۔ صرف دوسروں کا مقابلہ نہ کریں۔

صرف حسد نہ کریں کہ کسی اور نے کیا کیا ہے۔ آپ کو خود کے لیے اعلیٰ درجے حاصل کرتے رہنا ہے۔ اس سفر میں، جتنا زیادہ آپ کسی کا ساتھ دیں، جتنا زیادہ آپ کسی کی مدد کریں، حتیٰ کہ اگر وہ آپ سے آگے نکل جائے، یہی آپ کی اصل خدمات ہوں گی۔

کئی لوگ کھیلوں، سائنس، سیاست اور دیگر شعبوں میں عظیم بنے ہیں، مگر وہ کہیں گے کہ میں اپنا کریڈٹ کسی اور کو دیتا ہوں، جو شاید اس سطح تک نہ پہنچ سکا ہو۔ لہٰذا، آپ بھی ایسا کریں۔ یہ  سر زمین صرف ایک جغرافیائی خطہ نہیں ہے۔

دوسرے ممالک کو دیکھیں جن پر ہم کبھی کبھار رشک کرتے تھے۔ اب ہم ان پر رشک نہیں کرتے۔ پوری دنیا بھارت کی طرف دیکھ رہی ہے۔ تاریخ کے 400، 500 یا 1000 سال کے سفر میں کوئی بھی ہمارے برابر نہیں آتا۔ جب ہم اپنے وید، اپنشد، پوران، ہمارے رزمیہ جیسے رامائن، مہابھارت کو دیکھتے ہیں، تو یہ دماغ کے لیے تازگی بخش اور حیرت انگیز رہنمائی ہیں۔ مہابھارت میں بھگوان کرشنا کا ارجن کو دیا گیا اپدیش، بے حد شاندار ہے۔

لڑکوں اور لڑکیوں، تھوڑا تجسس رکھیں۔ جب ہمارا دستور بنایا گیا تھا، تو اس میں 22 منی ایچر شامل تھے۔ ایک تھا کرشنا کا ارجن کو کروکشیتر میں اپدیش  اور دوسرا تھا رام، سیتا، اور لکشمٰن کا آیودھیا واپسی۔

اب آتے ہیں دنیا کی نظر بھارت پر۔ دنیا بھارت کو صرف اس کی ترقی یا سائنسی کامیابیوں کے لیے نہیں دیکھ رہی بلکہ اس کی قابل رشک آبادیاتی فائدے کی وجہ سے بھی دیکھ رہی ہے۔

ہمارے نوجوانوں کی اوسط عمر 28 سال ہے۔ ہم چین اور امریکہ سے تقریباً 10 جوان عمر ہیں  اور آبادی کا 65 فیصد حصہ 35 سال سے کم عمر کا ہے۔

لڑکوں اور لڑکیوں، دنیا بہت تیزی سے بدل رہی ہے۔ ہمیں بدلاؤ کی گرفت میں آنا نہیں بلکہ وہ تبدیلی خود پیدا کرنی ہے جو ہمیں چاہیے اور بھارت ایسی تبدیلی چاہتا ہے جو پوری دنیا کے لیے بہتر ہو۔ اسی لیے ہمارا نعرہ ہے ’وسودھیوکُٹم بکم‘ یعنی کرہ ارض ایک  خاندان  ہے۔

 جی20 میں ہم نے پوری دنیا کے لیے نعرہ دیا ’’ایک کرہ ارض، ایک سیارہ، ایک خاندان، ایک مستقبل‘‘۔ یہی وسودھیوکُٹم بکم ہے۔ خوش قسمتی کی بات یہ ہے کہ آپ بہت خوش نصیب ہیں اور معیاری تعلیم سے مستفید ہو رہے ہیں اور میرے جیسے دیگر لوگ بھی اب اس تعلیم کا فائدہ اٹھا رہے ہیں، خاص طور پر ایسے اسکولوں کے ذریعے جو ملک بھر میں بڑھ رہے ہیں، جیسے کہ راسٹریہ آدرش وِدیالیہ اور ماڈل اسکول، کیونکہ ایک قوم تب ترقی کرتی ہے جب ترقی ایک بلند سطح کی طرح ہو، نہ کہ اہرام کی طرح۔

آپ کو بہت عزت دی جاتی ہے، اس لیے آپ کو خود کو روز بروز بہتر سے بہتر بنانا ہوگا۔ مجھے یقین ہے امن دیپ جی آپ کی مدد کریں گے اور جب آپ وسیع دنیا میں قدم رکھیں گے، تو آپ نیشنل ایجوکیشن پالیسی 2020 کے بے مثال فوائد جان پائیں گے۔ یہ پالیسی آپ کو ڈگریوں اور سرٹیفیکیٹس سے آزاد کر کے خود کو اور اپنی صلاحیتوں کو دریافت کرنے میں مدد دیتی ہے۔

میری آپ سے نصیحت یہ ہوگی کہ کبھی ناکامی سے نہ ڈریں۔ ناکامی کا خوف ایک فسانہ ہے۔ ناکامی وہ نہیں جو والدین، اساتذہ اور دوسروں کے نزدیک سمجھی جاتی ہے۔ بعض اساتذہ سوچتے ہیں کہ اگر کسی کو کم نمبر ملے تو وہ ناکام ہو گیا۔ نہیں، ناکامی محض اگلی کامیابی کی طرف ایک وقتی رکاوٹ ہے جو آپ کا مقدر ہے۔

جب بھی آپ ناکامی کے بارے میں سوچیں، چندریان 2 کو یاد کریں۔ بہت سے لوگوں کے نزدیک یہ ناکام رہا، لیکن میرے نزدیک یہ 95 فیصد کامیاب رہا اور اس نے چندریان 3 کی کامیابی کے لیے راہ ہموار کی، جہاں ہمیں دنیا میں چاند کے جنوبی قطب پر اترنے کا اعزاز حاصل ہوا، جو اب تک کسی اور ملک نے  حاصل نہیں  کیا۔

آئیے شیر ووڈ کالج کو اس وژن کا زندہ ماڈل بنائیں، جہاں عالمی معیار اور بھارتی حکمت کا حسین امتزاج ہو، لیکن الٹ ترتیب میں۔ شیر ووڈ کالج اس تبدیلی کی روشن مثال بنے جہاں عالمی نظریہ ہمارے دیسی حکمت کے ساتھ ملتا ہے۔لڑکوں اور لڑکیوں، میرے لیے یہ ایک بے حد شاندار تجربہ رہا ہے اور میں آپ سے درخواست کروں گا کہ شیر ووڈ کی میراث اور ورثے کو ترقی کی مسلسل راہ پر گامزن رکھیں۔

سب سے پہلے، میں اُن طلبہ لڑکوں اور لڑکیوں کو گرمجوشی سے دعوت دیتا ہوں جو میرے ساتھ تھے جب میں نے اپنے آنجہانی والد اور والدہ کے نام دو  پیڑ لگائے تھے۔ میں انہیں بھارتی پارلیمنٹ میں مہمان بننے کی دعوت دیتا ہوں اور اُن دو افراد کو بھی جنہوں نے یہاں حالات کو سنبھالا اور خاص طور پر اُس شخص کو جس نے میرے پورٹریٹ کو یہاں بڑی محنت سے بنایا۔

دلجمعی سے سننے کے لئے آپ  کا شکر گزار ہوں، لیکن میں دو اور باتوں کا ذکر کرنا چاہتا ہوں۔ بطور طالب علم، میں سینک اسکول میں کافی محنتی تھا اور میرے ذہن میں یہ جنون تھا کہ اگر میں نمبر ایک نہ آؤں تو  میں ناکام ہوجاؤں گا ۔ میں خوش قسمت تھا کہ ہمیشہ نمبر ایک رہا۔

کلاس میں نمبر 1، 2، یا 3 ہونے کا جنون کبھی نہ پالیں۔ اگر آپ درمیانے درجے میں ہوں تو بھی یہ بہت اچھی بات ہے۔ دو باتیں آپ کو  بتاتا ہوں — نہ کوئی پریشانی، نہ کوئی دباؤ۔ میں والدین سے اپیل کرتا ہوں کہ والدین ہونا آپ کی سب سے بڑی ذمہ داری ہے، نہ صرف اپنے بچوں کے لیے بلکہ پوری انسانیت کے لیے۔ براہ کرم اپنے بچوں پر دباؤ نہ ڈالیں۔ ان کی زندگی کے اہداف آپ مت طے کریں۔ اگر آپ یہ کریں گے تو وہ صرف پیسے اور طاقت کے پیچھے بھاگیں گے۔ تب ہم کہاں سے سائنس دان، ماہر فلکیات اور وہ لوگ لائیں گے جو پوری دنیا کی تقدیر کو سنواریں گے؟

آپ کا شکریہ

۔۔۔۔۔۔۔۔۔۔۔

ش ح۔م ع ۔ ن م۔

U-2219

(Release ID: 2140244)