اترپردیش کے وزیر اعلی یوگی آدتیہ ناتھ اور سائنس و ٹکنالوجی کے مرکزی وزیر نے آج غازی آباد اترپردیش میں ایک جدید ترین ’’گرین ڈیٹا سینٹر‘‘ کا سنگ بنیاد رکھا اور اس کا بھومی پوجن کیا ، جو وزارت سائنس و ٹکنالوجی کے تحت سی ایس آئی آر سے وابستہ بھارت سرکار کی پی ایس یو سینٹرل الیکٹرانکس لمیٹڈ (سی ای ایل) اور ای ایس ڈی ایس کے اشتراک سے بنایا گیا ہے۔

تیس میگاواٹ صلاحیت کے اس پروجیکٹ میں تقریبا 1000 کروڑ روپئے کی سرمایہ کاری کی گئی ہے۔

ڈاکٹر جتیندر سنگھ نے جدید ترین ڈیٹا سینٹر کو ’’خود کفیل عالمی ڈیجیٹل طاقت بننے کی سمت بھارت کے سفر میں ایک سنگ میل‘‘ قرار دیتے ہوئے اس کی اسٹریٹجک اہمیت پر زور دیا۔

یوگی آدتیہ ناتھ نے سینٹرل الیکٹرانکس لمیٹڈ (سی ای ایل) کو شمسی فوٹو وولٹک ٹکنالوجی میں اس کے قائدانہ تعاون کے لیے سراہا۔ انھوں نے تسلیم کیا کہ سی ای ایل کی جدید سولر پینل ٹکنالوجی نے ریاست کے قبائلی اور دور دراز علاقوں میں شمسی توانائی پر مبنی بجلی کے حل کو نافذ کرنے میں اہم کردار ادا کیا ہے، جس سے قابل تجدید توانائی کو آخری میل تک لانے میں مدد ملی ہے۔ وزیر اعلیٰ نے زور دیا کہ سی ای ایل کا اثر دفاعی شعبے سے کہیں آگے تک پھیلا ہوا ہے اور ڈیجیٹل خواندگی اور ریلوے سیفٹی جیسے شعبوں میں اہم کردار ادا کرتا ہے۔ انھوں نے کہا کہ سی ای ایل کی اختراعات نے ترقی کے خلا کو پر کرنے اور اہم بنیادی ڈھانچے کو مضبوط بنانے میں مدد کی ہے اور بھارت کے جامع ترقی کے سفر میں کلیدی معاون کے طور پر اس کے کردار کی توثیق کی ہے۔

گرین ڈیٹا سینٹر ماحولیاتی اثرات کو کم سے کم کرنے اور توانائی کی کارکردگی کو زیادہ سے زیادہ کرنے پر توجہ مرکوز کرنے کے ساتھ ڈیزائن کیا گیا اور چلایا جا رہا ہے۔ اس میں توانائی کی بچت کرنے والی ٹیکنالوجیز، قابل تجدید توانائی کے ذرائع، اور کاربن فٹ پرنٹ اور وسائل کی کھپت کو کم کرنے کے لیے پائیدار طریقوں کا استعمال شامل ہے۔

سی ای ایل کے تاریخی ورثے کو یاد کرتے ہوئے سائنس و ٹکنالوجی، ارتھ سائنسز کے مرکزی وزیر مملکت ، نیز وزیر اعظم کے دفتر، خلائی اور جوہری توانائی کے وزیر مملکت ڈاکٹر جتیندر سنگھ نے کہا کہ اس کا قیام 1974 میں ملک میں قومی تجربہ گاہوں اور آر اینڈ ڈی اداروں کے ذریعہ تیار کردہ دیسی ٹکنالوجیوں کا تجارتی کو استعمال کرنے کے مقصد سے کیا گیا تھا۔ انھوں نے یہ بات اجاگر کی کہ کس طرح اس سرکردہ پی ایس یو نے 1977 میں بھارت کا پہلا شمسی سیل متعارف کرایا تھا – اس سے بہت پہلے کہ دنیا شمسی توانائی کی صلاحیت کو تسلیم کرے۔ تاہم، حالیہ برسوں میں، سی ای ایل کو شدید مالی بحران کا سامنا کرنا پڑا اور وہ سرمایہ کشی (ڈِس انویسٹمنٹ)کے دہانے پر تھی۔ ایک کامیاب پبلک پرائیویٹ پارٹنرشپ ماڈل کے ذریعے سی ای ایل میں قابل ذکر تبدیلی آئی اور اسے گذشتہ سال منی رتنا کا درجہ دیا گیا۔

ڈاکٹر جتیندر سنگھ نے اسٹریٹجک شعبوں میں سی ای ایل کے تعاون کو بھی اجاگر کیا اور کہا کہ اس نے دفاعی ایپلی کیشنز کے لیے متعدد اہم اجزاء تیار کیے ہیں۔ انھوں نے خاص طور پر آکاش میزائل سسٹم میں استعمال ہونے والے ریڈار کا حوالہ دیا جو آپریشن سندور کے دوران اہم ثابت ہوئے اور بھارت کی تکنیکی طاقت کو ظاہر کرتے ہیں۔ انھوں نے کہا کہ یہ صرف دفاع تک محدود نہیں ہے بلکہ یہ دفاع، ریلوے اور شمسی شعبوں میں جدت طرازی پر مبنی مینوفیکچرنگ میں ایک قابل اعتماد نام ہے۔

ڈاکٹر سنگھ نے کہا، ’’سی ای ایل کی یہ تبدیلی دیگر پی ایس یو کے لیے ایک نمونہ ہے – اسٹریٹجک تعاون کے ذریعے بحالی، لچک اور ذمہ داری کی کہانی۔‘‘

مرکز ی طور پر پائیداری اور کارکردگی کے ساتھ ڈیزائن کردہ، مذکورہ ڈیٹا سینٹر 30 میگاواٹ کی صلاحیت کے ساتھ اسکیل ایبل انفراسٹرکچر پیش کرے گا ، جو فی منزل 200 اعلی کثافت والے ریکس کو ایڈجسٹ کرنے کی صلاحیت رکھتا ہے۔ یہ ٹیئر تھری / ٹی آئی اے / اپ ٹائم کے مطابق معیارات کو پورا کرنے کے لیے تیار کیا جارہا ہے ، نیز اعلی دستیابی اور آپریشنل لچک کو یقینی بناتا ہے۔ یہ مرکز 40 جی بی پی ایس رنگ فائبر نیٹ ورک سے لیس ہوگا جسے متعدد آئی ایس پیز کی حمایت حاصل ہوگی اور یہ ہموار کلاؤڈ انضمام اور آفات کی بازیابی کی نقل کے لیے 10 جی بی پی ایس کے دوہرے لنکس پیش کرے گا۔ گرین انفراسٹرکچر کے اصولوں کے مطابق ، اس میں بارش کے پانی کو جمع کرنا ، ریفلیکٹو چھت ، اور اسمارٹ کولنگ سسٹم شامل ہوں گے - جو اسے توانائی کی بچت اور ماحولیاتی طور پر ذمہ دار بناتے ہیں۔ یہ مرکز اسٹارٹ اپس، انٹرپرائزز اور سرکاری ایجنسیوں کو راغب کرنے، ہنرمند ملازمتیں پیدا کرنے اور مقامی جدت طرازی کو فروغ دینے کے لیے ڈیزائن کیا گیا ہے۔

ڈاکٹر جتیندر سنگھ نے یوم آزادی کی تقریبات کے بعد لکھنؤ میں بائیوٹیکنالوجی انڈسٹریل پارک کے قیام اور اترپردیش میں اسٹارٹ اپ کنکلیو کی میزبانی کا اعلان کرتے ہوئے ریاست کی جدت طرازی اور انٹرپرینیورشپ مرکز کے طور پر بڑھتی ہوئی اہمیت کو اجاگر کیا۔ انھوں نے سائنس اور جدت طرازی کے لیے وزیر اعلی یوگی آدتیہ ناتھ کی غیر متزلزل حمایت کے لیے ان کا شکریہ ادا کیا اور لکھنؤ کے گومتی نگر میں سینٹرل ایڈمنسٹریٹو ٹریبونل (سی اے ٹی) کی عمارت کا افتتاح کرنے میں ان کے کردار کو یاد کیا۔

سائنس اور ٹکنالوجی میں بھارت کی تیز رفتار ترقی پر روشنی ڈالتے ہوئے ڈاکٹر جتیندر سنگھ نے کئی قابل ذکر مثالیں پیش کیں جنہوں نے قومی اور بین الاقوامی توجہ حاصل کی ہے۔ انھوں نے جینیاتی طور پر 108 پتیوں والا کمل تیار کرنے میں سی ایس آئی آر-این بی آر آئی کی کامیابی کا ذکر کیا ، جس نے سوشل میڈیا اور کوئز شوز کے ذریعہ مقبولیت حاصل کی۔ انھوں نے پالم پور انسٹی ٹیوٹ کے ذریعے ایودھیا میں رام مندر کی پوجا کے دوران پیش کیے جانے والے ٹیولپس کی ترقی کو بھی اجاگر کیا۔ ایک اور اہم کارنامہ بھگوان رام کی مورتی پر سوریہ تلک کا مظہر تھا ، جسے انڈین انسٹی ٹیوٹ آف ایسٹروفزکس کے ذریعہ عین فلکیاتی انجینئرنگ کے ذریعہ ممکن بنایا گیا تھا۔ مزید برآں، محکمہ جوہری توانائی نے اس سال کمبھ میلے کے دوران تین فضلہ کیچڑ ٹریٹمنٹ پلانٹ قائم کیے، جس نے حفظان صحت کو یقینی بنانے اور دنیا کے سب سے بڑے انسانی مجمع میں بیماریوں کو پھیلنے سے روکنے کے لیے 1.5 ملین ٹن فضلے کو ٹریٹ کیا ۔

ڈاکٹر جتیندر سنگھ نے بھارت کے ’’وکاس بھارت @ 2047‘‘ کے وژن پر زور دیتے ہوئے مشترکہ قومی کوششوں پر زور دیا: ’’سائنس، ٹکنالوجی اور جدت طرازی ایک مشترکہ مشن ہونا چاہیے۔ ہمیں حکومت اور نجی شعبے کی صلاحیتوں کو ہم آہنگ کرنے کی ضرورت ہے تاکہ بھارت کی حقیقی صلاحیتوں کو منکشف  کیا جا سکے۔‘‘

***

(ش ح – ع ا)

U. No. 2192

(Release ID: 2139976)