پروجیکٹ ایلیفینٹ  کی 21ویں اسٹیئرنگ کمیٹی کی میٹنگ 26 جون 2025 کو اندرا گاندھی نیشنل فارسٹ اکیڈمی (آئی جی این ایف اے) دہرادون میں ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو کی صدارت میں منعقد ہوئی۔اس  میٹنگ میں  ہاتھیوں کی رینج والی ریاستوں کے سینئر حکام، سائنس دانوں اور فیلڈ ماہرین کو، اہم تحفظاتی اداروں کے نمائندوں کے ساتھ، پروجیکٹ ایلیفینٹ کی پیش رفت کا جائزہ لینے اور ہندوستان میں ہاتھیوں کے تحفظ کے لیے آگے بڑھنے کے راستے پر غور کرنے کے لیے ایک ساتھ جمع ہوئے۔ میٹنگ میں انسانوں کے ساتھ ہاتھیوں کے ٹکراو سے متعلق مسئلے کو اجاگر کیاگیا، جو  انسانی تحفظ  اور ہاتھیوں کے تحفظ کے لیے ایک چیلنج  ہے۔ بات چیت میں انسانوں اور  ہاتھی کے ٹکراو کے انتظام میں کمیونٹی کی شمولیت پر زور دیا گیا۔

Chaired the 21st meeting of the Steering Committee of Project Elephant at Indira Gandhi National Forest Academy in Dehradun, Uttarakhand.

On the occasion released a report on how to mitigate Asian Elephant-Train Collision. A report was also released on human-elephant conflict… pic.twitter.com/LJHzhKq4DJ

— Bhupender Yadav (@byadavbjp) June 26, 2025

جناب بھوپیندر یادو نے جنگلی حیات کے تحفظ میں مقامی برادریوں کو فعال شراکت دار بنانے کی اہمیت پر زور دیا، خاص طور پر ان علاقوں میں جو انسانی جنگلی حیات کے تصادم سے شدید متاثر ہیں۔ انہوں نے اس بات پر زور دیا کہ جنگلی حیات کے تحفظ کے پروگراموں کی کامیابی کے لیے انسانی جنگلی حیات کے تنازعات کا موثر انتظام اہم ہے۔ وزیرموصوف  نے کام کی  نوعیت کو بہتر بنانے اور فرنٹ لائن فارسٹ اسٹاف اور زمینی سطح کے تحفظ کے کارکنوں کی سماجی تحفظ کو یقینی بنانے پر بھی زور دیا۔

بیداری پیدا کرنے کی اہمیت پر زور دیتے ہوئے، جناب  یادو نے ہندوستانی ریلوے، بجلی کی وزارت، این ایچ اے آئی اور مائن ڈیولپرز کے ساتھ انسانی و جنگلی حیات کے ٹکراو کو کم کرنے کے لیے مربوط کوششوں پر زور دیا۔ انہوں نے اس بات پر زور دیا کہ سلیم علی سنٹر فار آرنیتھولوجی اینڈ نیچرل ہسٹری( ایس اے  سی او این)، انڈین انسٹی ٹیوٹ آف فارسٹ مینجمنٹ (آئی آئی ایف ایم) ، وائلڈ لائف انسٹی ٹیوٹ آف انڈیا (ڈبلیو آئی آئی) اور ریاستی جنگلات کے تربیتی اداروں کو بیداری اور آؤٹ ریچ پروگراموں کے موثر نفاذ کو یقینی بنانے کے لیے مل کر کام کرنا چاہیے۔ وزیرموصوف  نے ریلوے حادثات کی وجہ سے ہاتھیوں کی اموات کے اعداد و شمار کو منظم طریقے سے اکٹھا کرنے اور تجزیہ کرنے کی ضرورت پر بھی زور دیا اور ریاستوں، اداروں اور ماہرین کے درمیان تمام خطوں میں بہترین طریقوں کو بڑھانے کے لیے علم کے اشتراک کی اہمیت پر بھی زور دیا۔

میٹنگ میں اہم اقدامات جیسے کہ جنوبی اور شمال مشرقی ہندوستان میں انسانی ہاتھیوں کے تصادم پر علاقائی ایکشن پلان کی تیاری، 3,452.4 کلومیٹر کے حساس ریلوے راستوں کا احاطہ کرنے والے سروے کی تکمیل، جس میں تخفیف کے لیے 77 ہائی رسک علاقوں کی نشاندہی کی گئی تھی، کے بارے میں اور 22 ریاستوں میں 1,911 جینیاتی پروفائلز کے ساتھ پکڑے گئے ہاتھیوں کی ڈی این اے پروفائلنگ کی پیش رفت سے متعلق اپ ڈیٹس شامل تھے۔ کمیٹی نے ذکر  کیا کہ شمال مشرقی ریاستوں میں ہاتھیوں کی آبادی کے تخمینے کا مرحلہ 1 مکمل ہو چکا ہے، جس میں 16,500 سے زیادہ گوبر کے نمونے جمع کیے گئے ہیں۔ نیلگیری ہاتھی ریزرو کے لیے ماڈل ایلیفینٹ کنزرویشن پلان (ای سی پی) پر بھی کام جاری ہے، جسے دسمبر 2025 تک حتمی شکل دینے کی امید ہے۔

میٹنگ کے دوران اہم دستاویزات جاری کی گئیں، جن میں ہاتھی اور ٹرین کے تصادم کو کم کرنے کے لیے تجویز کردہ اقدامات پر آسام، جھارکھنڈ اور چھتیس گڑھ میں انسانی ہاتھی کے 23 سال کے ٹکراو پر ایک جامع مطالعہ، پکڑے گئے ہاتھیوں کے لیے محفوظ ٹسک تراشنے کے طریقوں پر ایک ایڈوائزری، اور ٹرمپیٹ کا تازہ ترین ایڈیشن، پروجیکٹ ایلیفینٹ سہ ماہی نیوز لیٹر ایک رپورٹ بھی شامل ہے۔

مستقبل کے پیش نظر، کمیٹی نے 12 اگست 2025 کو تمل ناڈوکے  کوئمبٹور  میں ہاتھیوں کے عالمی دن کی تقریبات کی تیاریوں پر تبادلہ خیال کیا، جہاں گج گورو ایوارڈز بھی پیش کیے جائیں گے۔ آئندہ کئے جانے والے اہم اقدامات میں نیلگیری ای سی پی کو حتمی شکل دینا، بندھو گڑھ ٹائیگر ریزرو میں ہاتھیوں سے باخبر رہنے کے تین سالہ مطالعہ کا آغاز، سی اے ایم پی اے کی مدد سے ہاتھیوں کی تعداد  میں انتظامی افادیت کی تشخیص (ایم ای ای) کا انعقاد، اورریپو-چیرانگ ہاتھی کے لیے ایک مربوط تحفظ کی حکمت عملی تیار کرنا شامل ہے۔  اسٹیئرنگ کمیٹی نے جنگلی حیات کے تحفظ کے لیے کمیونٹی پر مبنی، اور روایتی علم پر مبنی جامع نقطہ نظر کے لیے اپنی وابستگی کا اعادہ کیا۔

***

ش ح۔ ک ا۔ م ذ

U.NO.2179

(Release ID: 2139849)