ایمرجنسی کے نفاذ کے 50 سال مکمل ہونے کے موقع پر، حکومت ہند کی ثقافت کی وزارت نے آج دہلی کے تیاگ راج  اسٹیڈیم میں سمویدھان ہتیا دیوس 2025 پروگرام کا اہتمام کیا۔ اس پروگرام میں داخلی امور اور امداد باہمی کےمرکزی وزیر جناب امت شاہ اور ثقافت و سیاحت کے مرکزی وزیر جناب گجیندر سنگھ شیخاوت سمیت  دیگر معززین موجود تھے۔

داخلی امور اور امداد باہمی کے مرکزی وزیر جناب امت شاہ نے مہمان خصوصی کی حیثیت سے خطاب کرتے ہوئے اس طرح کے تاریخی واقعات کو یاد کرنے کی اہمیت پر روشنی ڈالی۔ انہوں نے کہا، "اگرچہ برے واقعات کو عام طور پر وقت گزرنے کے ساتھ ساتھ  فراموش کر دیا جاتا ہے، لیکن قومی اور سماجی زندگی سے متعلق واقعات کو ہمیشہ یاد رکھنا چاہئے تاکہ ایک ذمہ دار، منظم اور چوکس نوجوان ہماری جمہوریت کے دفاع کے لیے تیار ہوسکیں۔" جناب شاہ نے بتایا  کہ اس جذبے نے وزیر اعظم جناب نریندر مودی کے ہر سال 25 جون کو'سمودھان ہتیا  دیوس' کے طور پر منانے کا فیصلہ کیا، جس کے بعد مرکزی وزارت داخلہ نے  باضابطہ نوٹیفکیشن جاری کیا۔

انہوں نے ایمرجنسی کے سیاہ دنوں کو بھی یاد کیا، جب ملک کو  ایک طرح سے  جیل میں تبدیل کر دیا  گیا تھا — ملک کی آواز کو خاموش کردیاگیا تھا، عدالتیں بے اختیار ہو گئیں اور مصنفین پر سینسر کے ذریعے  بندش لگا دی گئی تھی۔ ان واقعات کو یاد کرتے ہوئے، انہوں نے کہا، "یہ باتیں آنے والی نسلوں کے لیے ایک یادگار اور نصیحت دونوں  کا کام کرتی ہیں۔"

اجتماع سے خطاب کرتے ہوئے ثقافت اور سیاحت کے مرکزی وزیر جناب گجیندر سنگھ شیخاوت نے جمہوریت کی اولین اہمیت پر زور دیا۔ انہوں نے یاد دلایا کہ 25 جون 1975 ہندوستان کی جمہوری تاریخ کا ایک سیاہ باب تھا، جب ایمرجنسی نافذ کی گئی تھی اور شہریوں کے بنیادی حقوق معطل کردیئے گئے تھے۔ جناب شیخاوت نے نوجوانوں میں بیداری پیدا کرنے کے لیے اس دن کو منانے کی ضرورت پر زور دیا تاکہ اس بات کو یقینی بنایا جا سکے کہ آئینی حقوق اور جمہوری اصولوں کی خلاف ورزیاں کبھی نہ دہرائی جائیں گی۔

تقریب کے دوران ایک اہم لمحے میں، مرکزی وزیر داخلہ جناب امت شاہ نے 'دی ایمرجنسی ڈائریز – ایئرز دیٹ فورجڈ اے لیڈر' نامی کتاب  کا اجرا بھی کیا، جس میں  ایمرجنسی مخالف تحریک کے دوران وزیر اعظم جناب نریندر مودی کے تجربات کو مرتب کیاگیا ہے۔

اس تقریب میں الیکٹرانک اور اطلاعاتی ٹیکنالوجی، ریلویز اور اطلاعات  ونشریات کے مرکزی وزیر جناب  اشونی ویشنو، دلی کے لیفٹیننٹ گورنر جناب ونے کمار سکسینہ ، دلی کی وزیراعلیٰ محترمہ ریکھا گپتا اور کئی دیگر معززین بھی موجود تھے۔

केंद्रीय संस्कृति एवं पर्यटन मंत्री श्री गजेन्द्र सिंह शेखावत जी ने दिल्ली के त्यागराज स्टेडियम में आयोजित #SamvidhaanHatyaDiwas 2025 कार्यक्रम को संबोधित करते हुए लोकतंत्र के महत्व पर प्रकाश डाला। (1/3)#लोकतंत्र_ज़िंदाबाद #LongLiveDemocracy pic.twitter.com/oSktjF6zrr

— Ministry of Culture (@MinOfCultureGoI) June 25, 2025

“आपातकाल केवल एक राजनीतिक निर्णय नहीं था, बल्कि यह संविधान और नागरिक स्वतंत्रता की खुलेआम हत्या थी।”

आज आपातकाल के 50 वर्ष पूरे होने पर दिल्ली के त्यागराज स्टेडियम में माननीय गृह एवं सहकारिता मंत्री श्री अमित शाह जी की अत्यंत गरिमामय उपस्थिति में ‘संविधान हत्या दिवस 2025’ नामक… pic.twitter.com/q4eqITxGBq

— Gajendra Singh Shekhawat (@gssjodhpur) June 25, 2025

***

ش ح۔ ک ا۔ م ذ

U.NO.2171

(Release ID: 2139806)