حکومت ہند کے محکمہ سائنس و ٹیکنالوجی (ڈی ایس ٹی) سے منسلک ٹیکنالوجی ڈیولپمنٹ بورڈ (ٹی ڈی بی) نے میسرز بیٹ ایکس انرجیز پرائیویٹ لمیٹڈ، گرو گرام  کو مالی مدد فراہم کی ہے ۔ یہ مدد"بند لوپ کے ذریعے بیٹری گریڈ مٹیریلز کی پیداوار اور ویلیو ایڈیشن کے لیے ٹیکنالوجیز" نامی  پروجیکٹ کے لیے دی گئی ہے ۔  یہ منصوبہ اینڈ آف لائف   لیتھیم آئن بیٹریوں سے بیٹری -گریڈ لیتھیم ، کوبالٹ ، نکل اور مینگنیج نکالنے کے لیے ایک مقامی ، پائیدار بیٹری ری سائیکلنگ کے عمل کو تجارتی بنانے پر مرکوز ہے ۔

بیٹ ایکس انرجیز نے ایک پروپرائیٹری  لو- ٹمپریچر ، لو- پریشر ہائیڈرو میٹالرجیکل پروسز تیار کیا ہے، جولیتھیم آئن بیٹری کیمسٹریوں کے لیے اگنوسٹک ہے۔  اس کی   ڈوئل موڈ (گیلے اور خشک) بلیک ماس  ریکوری  ٹیکنالوجی  97-99 فیصد  ہائی  سپریشن ایفیشی اینسی اور  ریکوری ریٹس کو یقینی بناتی ہے۔ انڈ ٹو انڈ پروسس جس میں  کلیکشن ، شیڈنگ ، میٹل لیچنگ ، اور ڈاون اسٹریم پیوریفکیشن  شامل ہے  اور  جسے  مقامی طور پر تیار اور پیٹنٹ کیا گیا ہے ، درآمد شدہ ری سائیکلنگ آلات پر انحصارکو  نمایاں طور پر کم کر تا ہے ۔  اس کے علاوہ ، اس کا مقصد ملک کے اندر پہلے سے دستیاب معدنیات کو ری سائیکل کرکے اہم معدنیات کی درآمد کو کم کرنا ہے ۔

مجوزہ مرکز موجودہ پائلٹ یونٹ سے ایک مکمل تجارتی آپریشن تک بڑھے گی ، جس سے متعدد بیٹری کیمسٹریوں کو پروسیس کرنے اور دوبارہ استعمال کے لیے ہائی  پیوریٹی میٹریل تیار کرنے کی ہندوستان کی صلاحیت مستحکم ہو گی ۔  یہ ہندوستان کے آتم نربھر بھارت کے اہداف ، سرکلر اکانومی ماڈلز کو فروغ دینے اور توانائی ذخیرہ کرنے کے نظام میں استعمال ہونے والے درآمد شدہ اہم خام مال پر انحصار کو کم کرنے سے عبارت  ہے ۔

پروجیکٹ کے بارے میں بات کرتے ہوئے ، ٹی ڈی بی کے سکریٹری ، جناب راجیش کمار پاٹھک نے کہا کہ "برقی نقل و حرکت اور قابل تجدید توانائی کی طرف تبدیلی کو یکساں طور پر مضبوط ری سائیکلنگ انفرااسٹرکچر کے ساتھ  ہم آہنگ ہونا چاہیے ۔  بی ٹی ایکس انرجیز جیسی مقامی ٹیکنالوجیز کی حمایت ہماری صاف توانائی کی سپلائی چین کو مضبوط کرتی ہے ، اسٹریٹجک معدنیات کی آزادی کو بڑھاتی  ہے   اور ہندوستان کو پائیدار صنعتی اختراع میں قیادت کرنے کے لائق بناتی  ہے ۔

بیٹ ایکس انرجیز کے شریک بانی اور سی ای او جناب اتکرش سنگھ نے  کہا کہ "ٹی ڈی بی کی حمایت ہمارے لیے گیم چینجر ہے ۔  یہ سبز ٹیکنالوجی کے تئیں ہماری وابستگی کی توثیق کرتا ہے اور ہمیں بیٹری کی ری سائیکلنگ کے لیے حقیقی معنوں میں مقامی حل کو بڑھانے  کے قابل بناتا ہے ۔  ہمیں یقین ہے کہ یہ پہل نہ صرف ہماری اہم معدنی درآمدات کو کم کرے گی بلکہ عالمی سطح پر کلین ٹیک اختراع میں نئے معیارات بھی قائم کرے گی ۔

بازیافت شدہ بیٹری گریڈ مرکبات-جیسے لیتھیم کاربونیٹ اور کوبالٹ سلفیٹ-عالمی خصوصیات پر پورا اترتے ہیں اور گھریلو کھپت اور برآمد ات دونوں کو پورا کریں گے ۔  سات پیٹنٹ فائل کیے جانے (جن میں دو منظور شدہ بھی شامل ہیں) اور مکمل ان ہاؤس پروسیس ڈیولپمنٹ کی بدولت  بیٹ ایکس ابھرتی ہوئی بیٹری کی ری سائیکلنگ اور اہم معدنیات کی بازیابی کے شعبے میں ہندوستان کی قیادت میں حصہ ڈالنے کے لیے اچھی پوزیشن میں ہے ۔

یہ پروجیکٹ صاف ستھری توانائی اور اہم میٹریل کے لیے خود کفیل ، پائیدار اور ٹیکنالوجی سے چلنے والے ماحولیاتی نظام کو فروغ دینے والے  ایک اہم قدم کی نمائندگی کرتا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م م۔ ق ر)

U. No.2095

(Release ID: 2139219)