மத்திய வேளாண்மை மற்றும் விவசாயிகள் நலத்துறை அமைச்சர் திரு சிவராஜ் சிங் சவுகான் போபாலில் உள்ள ஐசிஏஆர்-மத்திய வேளாண் பொறியியல் நிறுவனத்தை (சிஐஏஇ) பார்வையிட்டார்.

விஞ்ஞானிகள், மாணவர்கள் மற்றும் ஊழியர்களிடம் உரையாற்றிய அமைச்சர், விவசாய வளர்ச்சிக்கு நிறுவனத்தின் பங்களிப்பைப் பாராட்டினார். விவசாயிகளுக்கு உகந்த தொழில்நுட்பங்களை விரைவாக மேம்படுத்துவதன் அவசியத்தையும், விவசாயிகளுக்கு, குறிப்பாக சிறு விவசாயிகளுக்கு, மேம்பட்ட தொழில்நுட்பங்களைக் கொண்டு செல்வதன் அவசியத்தையும் எடுத்துரைத்தார்.

திரு சிவராஜ் சிங் சவுகான், சமீப காலங்களில் இந்த நிறுவனம் மேற்கொண்ட பணிகளை ஆய்வு செய்து, அடுத்த பத்து ஆண்டுகளில் இயந்திரமயமாக்கல் தலையீடுகளைத் திட்டமிட வேண்டியதன் அவசியத்தை வலியுறுத்தினார். இதன் மூலம் நாடு வளர்ந்த பாரதத்தை நோக்கி ஒரு பெரிய எழுச்சியை மேற்கொள்ள முடியும். மாற்று எரிசக்தி ஆதாரங்களால் இயக்கப்படும் சிறிய இயந்திரம் அல்லது இயந்திரங்களை உருவாக்குவதன் அவசியத்தையும், சென்சார் அடிப்படையிலான அமைப்புகளைத் தவிர்த்து, அனைத்துப் பிரிவு விவசாயிகளின் உள்ளடக்கிய வளர்ச்சியையும் ஊக்குவிக்க வேண்டியதன் முக்கியத்துவத்தையும் அவர் வலியுறுத்தினார். நாட்டின் பல்வேறு இடங்களில் விவசாயிகள் கண்காட்சியை ஏற்பாடு செய்யவும், எதிர்காலத்தில் நாட்டின் இயந்திரமயமாக்கலுக்கான செயல்திட்டத்தை திட்டமிட அனைத்து பங்குதாரர்களுடனும் ஒரு கருத்து பரிமாற்ற அமர்வை நடத்தவும் அவர் யோசனை தெரிவித்தார். அதைத் தவிர, உணவுப் பாதுகாப்பு, மண் வளம் மற்றும் தொழில்நுட்பங்களை ஆய்வகத்திலிருந்து நிலத்திற்கு மாற்றுவதன் முக்கியத்துவத்தையும் அவர் வலியுறுத்தினார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleseDetail.aspx?PRID=2138754

AD/BR/KR

(Release ID: 2138754)

(Release ID: 2138807)