آئی این ایس ٹیگ، جو جنوبی مغربی بحر ہند کے خطے میں اپنی آپریشنل تعیناتی پر ہے، 19 سے 22 جون 2025 تک پورٹ لوئس، ماریشس کا دورہ کر رہی ہے۔ یہ بحری جہاز ماریشس کی قومی کوسٹ گارڈ (این سی جی) کے بحری جہازوں اور ہوائی جہازوں کے ساتھ مل کر ماریشس کے ایکوسسٹم کے مشترکہ نگرانی کے مشن پر کام کرے گا، جو عالمی سمندری حدود کی حفاظت کے لیے بھارت کے عزم کو مضبوط کرتا ہے اور غیر قانونی، غیر رپورٹ شدہ اور غیر منظم ماہی گیری (آئی ایل یو یو) کے خلاف لڑائی کو یقینی بناتا ہے۔ یہ خطے میں تعاون پر مبنی بحری سلامتی کے لیے بھارتی بحریہ کے مشترکہ عزم کو بھی مضبوط کرتا ہے۔جہاز 21 جون 2025 کو بین الاقوامی یوم یوگا کی مناسبت سے مشترکہ یوگا سیشن کا انعقاد بھی کرے گا، جس میں بھارتی بحریہ، این سی جی اور بھارتی تارکین وطن کے ارکان حصہ لیں گے۔

آئی این ایس ٹیگ، جو بھارتی بحریہ کے ویسٹرن فلیٹ کی ایک اسٹیلتھ فریگیٹ ہے، کو 27 اپریل 2012 کو کمیشن کیا گیا تھا۔ پورٹ لوئس آمد کے دوران، جہاز کی مصروفیات میں پیشہ ورانہ اور سماجی روابط کی ایک وسیع رینج شامل ہے، جن میں ماریشس نیشنل کوسٹ گارڈ (این سی جی) کے عملے کی تربیت، کمیونٹی سروس، اور کھیلوں کی سرگرمیاں شامل ہیں۔

19 جون کو پورٹ لوئس پہنچنے پر، کمانڈنگ آفیسر نے چیف آف میری ٹائم کوسٹ گارڈ (سی او ایم سی جی)، کمشنر پولیس، اور سیکریٹری ٹو کیبنٹ سے ملاقات کی، اور بھارت اور ماریشس کے درمیان بحری تعاون کو مزید مضبوط بنانے کے عزم کا اعادہ کیا۔

ماریشس نیشنل کوسٹ گارڈ (این سی جی) کے اہلکاروں کو آئی این ایس ٹیگ پر مختلف شعبہ جات میں تربیت دی جائے گی، جن میں آگ بجھانے، نقصانات پر قابو پانے، اور بنیادی جہاز رانی کی مہارتیں شامل ہیں۔ اس کے ساتھ ہی، آئی این ایس ٹیگ کے عملے کو این سی جی کی سہولیات سے بھی متعارف کروایا جائے گا۔

جہاز کے عملے اور این سی جی کے اہلکاروں کے درمیان دوستانہ کھیلوں کے مقابلے اور تفریحی سرگرمیاں بھی منصوبہ بندی میں شامل ہیں۔

اس دورے کا مقصد دونوں ممالک کے درمیان بحری سلامتی کے تعاون اور دو طرفہ تعلقات کو مزید مضبوط بنانا ہے۔

****

(ش ح۔ اس ک۔ش ب ن )

UR-1939

(Release ID: 2138038)