سیاحت کے میدان میں خواتین کی حفاظت اور انھیں با اختیار بنانے کی جاری کوششوں کے ایک حصے کے طور پر، نیشنل انسٹی ٹیوٹ آف پبلک کوآپریشن اینڈ چائلڈ ڈیولپمنٹ (این آئی پی سی سی ڈی) کے اندور کیمپس میں ایک جائزہ میٹنگ کا انعقاد کیا گیا، جہاں خواتین اور بچوں کی ترقی کی وزیر مملکت محترمہ ساوتری ٹھاکر نے سیاحت کے محکمے، حکومت مدھیہ پردیش کے سینیئر افسران کی موجودگی میں ہونے والی بات چیت کی صدارت کی۔

میٹنگ میں خواتین اور بچوں کی ترقی کی وزارت کے ذریعے نربھیا فنڈ کے تحت مالی اعانت فراہم کرنے والے اور مدھیہ پردیش کے محکمہ سیاحت کے ذریعہ سیف ٹورزم ڈیسٹینیشن فار ویمن پروجیکٹ کے نفاذ پر توجہ مرکوز کی گئی۔ یہ پروجیکٹ 33 اضلاع میں 50 سیاحتی مقامات پر پھیلا ہوا ہے، جس کا مقصد ٹارگٹڈ انفراسٹرکچر، ہنر مندی، اور حساسیت اور ایڈوکیسی اقدامات یعنی ”سنکلپ سرکشت پریتن کا“ کے ذریعے خواتین کے لیے محفوظ، جامع اور اقتصادی طور پر با اختیار بنانے کی جگہیں تیار کرنا ہے۔

 

 

جائزہ لینے کے بعد، وزیر نے اندور، اجین، کھنڈوا (اومکاریشور) اور کھرگون (مہیشور) کے اضلاع میں پروجیکٹ کی سرگرمیوں کا سائٹ پر معائنہ کیا۔ ان فیلڈ دوروں میں اپراجیتا مہیلا سنگھ، کارڈ، بائی پاس، سنگینی، سمرتھ اور سیاحت سے منسلک مختلف کرداروں جیسے ای رکشہ چلانے والے، اسٹریٹ فوڈ فروش، مہندی آرٹسٹ، سووینئر بنانے والی خواتین، سووینئر بنانے والی خواتین، سیاحت سے منسلک مختلف کرداروں میں مصروف آئی جی ایس خواتین کے استفادہ کنندگان سے براہ راست بات چیت شامل تھی۔

 

 

ان خواتین کو پروجیکٹ کے تحت اسکل ڈویلپمنٹ اور سیلف ڈیفنس ماڈیول کے ذریعے تربیت دی گئی ہے اور اب وہ سیاحت کی معیشت میں بڑھ چڑھ کر حصہ لے رہی ہیں۔ دوروں میں حفاظتی انفراسٹرکچر، کمیونٹی کی شرکت اور طویل مدتی پائیداری کو یقینی بنانے کے لیے دیگر سرکاری محکموں کے ساتھ ہم آہنگی کی کوششوں کا بھی جائزہ لیا گیا۔ مہیشور میں انھوں نے ہنر کی تربیت حاصل کرنے کے بعد سیاحتی سہولت مرکز کے تحت کام کرنے والی لڑکیوں سے بات چیت کی۔

 

 

جائزے نے سیاحتی ماحول کو فروغ دینے کے لیے وزارت کے عزم کی توثیق کی جو نہ صرف خواتین کے لیے محفوظ ہے بلکہ انھیں مقامی اقتصادی ترقی میں کلیدی اسٹیک ہولڈر بننے کے قابل بھی بناتا ہے۔

                                               **************

ش ح۔ ف ش ع

 

                                                                                                                                       U: 1876

 

(Release ID: 2137484)