مرکز نے خام خوردنی تیلوں یعنی خام سورج مکھی، سویا بین اور پام آئل پر بنیادی کسٹم ڈیوٹی (بی سی ڈی) کو 20فیصد سے کم کر کے 10فیصد کر دیا ہے،جس کے نتیجے میں خام اور ریفائنڈ خوردنی تیل کے درمیان درآمدی ڈیوٹی کا فرق 8.75فیصد سے 19.25فیصد ہو گیا ہے۔

اس ایڈجسٹمنٹ کا مقصد ستمبر 2024 میں ڈیوٹی میں اضافے اور بین الاقوامی مارکیٹ کی قیمتوں میں ایک ساتھ اضافے کے نتیجے میں خوردنی تیل کی بڑھتی ہوئی قیمتوں پر قابوپانا ہے۔ خوردنی تیل کی ایسوسی ایشنز اور صنعت کے فریقوں  کو ایک ایڈوائزری جاری کی گئی ہے تاکہ اس بات کو یقینی بنایا جا سکے کہ ڈیوٹی میں کمی کا پورا فائدہ صارفین تک پہنچایا جائے۔

خام اور ریفائنڈ تیل کے درمیان 19.25 فیصد ڈیوٹی کا فرق گھریلو ریفائننگ کی صلاحیت کے استعمال کی حوصلہ افزائی اور ریفائنڈ تیل کی درآمدات کو کم کرنے میں مدد گار ہے۔

خوردنی تیل پر درآمدی ڈیوٹی ان اہم عوامل میں سے ایک ہے، جس نے خوردنی تیل کی مجموعی  قیمت اور اس طرح مقامی قیمتوں کو متاثر کیا۔ خام تیل پر درآمدی ڈیوٹی کم کرکے،حکومت کا مقصد خوردنی تیل کی مجموعی  لاگت اور خردہ قیمتوں کو کم کرنا، صارفین کو راحت  فراہم کرنا اور مجموعی افراط زر کو کم  کرنے میں مدد کرنا ہے۔ ڈیوٹی میں کمی سے گھریلو ریفائننگ کی حوصلہ افزائی ہوگی اور کسانوں کے لیے مناسب معاوضہ برقرار رہے گا۔

ڈیوٹی کا نظرثانی شدہ ڈھانچہ ریفائنڈ پامولین کی درآمد کی حوصلہ شکنی کرے گا اور مانگ کو خام خوردنی تیل خاص طور پر خام پام آئل کی طرف لے جائے گا، اس طرح ملکی ریفائننگ سیکٹر کو تقویت ملے گی اور اس کا احیاء ہوگا۔ یہ اہم پالیسی مداخلت نہ صرف گھریلو ریفائنرز کے لیے آسانی  کو یقینی بناتی ہے، بلکہ ہندوستانی صارفین کے لیے خوردنی تیل کی قیمتوں کے استحکام میں بھی معاون ہے۔

سرکردہ خوردنی تیل کی صنعت کی انجمنوں اور صنعت کے ساتھ ایک میٹنگ سکریٹری، محکمہ خوراک اور عوامی نظام  تقسیم، حکومت ہند کی صدارت میں منعقد کی گئی اور انہیں اس ڈیوٹی میں کمی کے فوائد کو صارفین تک پہنچانے کے لیے ایڈوائزری جاری کی گئی۔ صنعت کے اسٹیک ہولڈرز سے توقع کی جاتی ہے کہ وہ قیمت کو تقسیم کاروں (پی ٹی ڈی) اور زیادہ سے زیادہ خردہ قیمت (ایم آر پی) کو فوری اثر کے ساتھ کم مجموعی  قیمتوں کے مطابق ایڈجسٹ کریں گے۔ ایسوسی ایشنز سے درخواست کی گئی ہے کہ وہ اپنے ممبران کو مشورہ دیں کہ وہ فوری طور پر قیمتوں میں کمی کو لاگو کریں اور تازہ ترین برانڈ کے مطابق ایم آر پی شیٹس کو ہفتہ وار بنیادوں پر محکمہ کے ساتھ شیئر کریں۔ڈی ایف پی ڈی نے کم ایم آر پی اورپی ٹی ڈی ڈیٹا کا اشتراک کرنے کے لیے خوردنی تیل کی صنعت کے ساتھ فارمیٹ کا اشتراک کیا۔

سپلائی چین میں اس فائدے کی بروقت منتقلی اس بات کو یقینی بنانے کے لیے ضروری ہے کہ صارفین خردہ قیمتوں میں اسی طرح کمی کا تجربہ کریں۔

یہ فیصلہ گزشتہ سال ڈیوٹی میں اضافے کے بعد خوردنی تیل کی قیمتوں میں تیزی سے اضافے کا تفصیلی جائزہ لینے کے بعد کیا گیا ہے۔ اس اضافے سے صارفین پر مہنگائی کا خاصا دباؤ پڑا، خردہ خوردنی تیل کی قیمتوں میں اضافہ ہوا اور غذائی اشیا کی مہنگائی میں اضافہ ہوا۔

 

*******

 

ش ح- ف ا- ن ع

UR No 1687

 

(Release ID: 2135800)