લોકસભા અધ્યક્ષ શ્રી ઓમ બિરલા 12 જૂન 2025ના રોજ મસૂરીમાં લાલ બહાદુર શાસ્ત્રી નેશનલ એકેડેમી ઓફ એડમિનિસ્ટ્રેશન ખાતે 127મા ઇન્ડક્શન તાલીમ કાર્યક્રમના સમાપન સમારોહમાં તાલીમાર્થી અધિકારીઓને સંબોધિત કરશે. તેઓ સવારે 9:45 વાગ્યે જોલી ગ્રાન્ટ એરપોર્ટ પર પહોંચશે અને સવારે 11:30 વાગ્યે મસૂરી પહોંચશે. લોકસભા અધ્યક્ષ તે જ દિવસે દિલ્હી પાછા ફરવાના છે.

મસૂરી સ્થિત એકેડેમી ખાતે 127મો ઇન્ડક્શન તાલીમ કાર્યક્રમ ખાસ કરીને રાજ્ય સિવિલ સર્વિસીસમાંથી ભારતીય વહીવટી સેવામાં બઢતી પામેલા અધિકારીઓ માટે છે. 19 રાજ્યોની સેવાઓમાંથી બઢતી પામેલા કુલ 97 અધિકારીઓ આ કાર્યક્રમમાં ભાગ લઈ રહ્યા છે, જેમાં 73 પુરુષ અધિકારીઓ અને 24 મહિલા અધિકારીઓનો સમાવેશ થાય છે.

આ કાર્યક્રમ "વિકસિત ભારત @2047"ના રાષ્ટ્રીય દ્રષ્ટિકોણ અને "મિશન કર્મયોગી"ના પરિવર્તનશીલ ધ્યેયોથી પ્રેરિત છે. તે અધિકારીઓને રાજ્ય-સ્તરની વહીવટી ભૂમિકાઓથી રાષ્ટ્રીય-સ્તરની નેતૃત્વ જવાબદારીઓમાં સરળતાથી સંક્રમણ કરવા માટે એક માળખાગત પ્લેટફોર્મ પૂરું પાડે છે. ઉદ્દેશ્ય નીતિ-નિર્માણ, આંતર-પ્રાદેશિક સંકલન અને સંસ્થાકીય નેતૃત્વ માટે સજ્જ નૈતિક, સક્ષમ અને ભવિષ્ય માટે તૈયાર સિવિલ સેવકોને ઉછેરવાનો છે.

આ કાર્યક્રમ સાત મુખ્ય વિષયો જેમ કે, સુશાસન, વ્યક્તિત્વ વિકાસ, સહયોગી શિક્ષણ, ટેકનોલોજી, નેતૃત્વ આંતરદૃષ્ટિ, ઉદ્યોગસાહસિકતા અને પ્રાદેશિક સમજણના સ્તંભો પર આધારિત છે.

AP/IJ/GP/JD