مرکزی وزیر مملکت برائے اقلیتی امور اور ماہی پروری، حیوانات اور ڈیری پروری جناب جارج کورین نے مرکز کے زیر انتظام علاقہ لکشدیپ کے جزیرہ کاوارٹی میں ایک پریس کانفرنس سے خطاب کرتے ہوئے عزت مآب وزیر اعظم جناب نریندر مودی کی قیادت میں  گزشتہ  11  برسوں میں اٹھائے گئے تبدیلی کے ترقیاتی اقدامات پر روشنی ڈالی۔

جناب کورین نے کہا کہ مودی حکومت کے دور کو ہندوستان کی تاریخ میں سنہری حروف سے ایک ترقی یافتہ اور خود انحصار ہندوستان کی طرف ‘‘سنکلپ سے سدھی’’ کے سنہری دور کے طور پر لکھا جا رہا ہے۔ انہوں نے زور دے کر کہا کہ تبدیلی کا یہ سفر وزیر اعظم  مودی کے مضبوط ویژن سے چلنے والے 140 (ایک سو چالیس )کروڑ ہندوستانیوں کی اجتماعی کوششوں، خوابوں اور عزائم کی وجہ سے ممکن ہوا ہے۔

ماہی  پروری: لکشدیپ کی معیشت کی ریڑھ کی ہڈی :

ماہی پروری کو لکشدیپ کے لیے ایک اہم شعبے اور لائف لائن کے طور پر تسلیم کرتے ہوئے جناب جارج  کورین نے بتایا کہ مرکز کے زیر انتظام علاقے کے پانیوں میں سالانہ 1 لاکھ میٹرک ٹن مچھلی پکڑنے کی صلاحیت ہے۔ اس کے علاوہ، مرکز نے مرکزکے  زیر انتظام علاقہ لکشدیپ کے لیے ‘پردھان منتری متسیہ سمپدا یوجنا’ (پی ایم- ایم ایس وائی) کے تحت 14.06 کروڑ روپے کی منظوری دی ہے۔ لکشدیپ کو سمندری ‘شیوال کلسٹر’ کے طور پر بھی نامزد کیا گیا ہے۔

تعلیم اور صحت کی دیکھ بھال: سماجی بہبود کی بنیاد :

وزیر موصوف  نے لکشدیپ میں 91.65 فیصدخواندگی کی شرح اور اسکول چھوڑنے کی شرح صفر کی تعریف کی۔ پی ایم ایس آر آئی اسکیم کے تحت گیارہ اسکولوں کا انتخاب کیا گیا ہے، جن میں تیز رفتار انٹرنیٹ، کمپیوٹر لیبز اور ڈجیٹل لائبریریاں ہیں جو سیکھنے کے تجربے کو بڑھاتی ہیں۔

صحت کی دیکھ بھال کے شعبے میں :

• 231.96 کروڑ روپے کی لاگت سے تین 30 بستروں کے اسپتال- منی کائے، اینڈروتھ اورکدمت میں تعمیر کیے جا رہے ہیں۔
• وزارت داخلہ نے 127 کروڑ روپے کی لاگت والے نرسنگ اور پیرا میڈیکل کالج پروجیکٹ کو اصولی منظوری دے دی ہے۔

جدید انفراسٹرکچر: بندرگاہیں، جیٹیاں اور سڑکیں

بندرگاہوں، جہاز رانی اور آبی گزرگاہوں کی وزارت ( ایم او پی ایس ڈبلیو) نے کلیدی بنیادی ڈھانچے کو اپ گریڈ کیا ہے:

• کدمت اور کلپینی میں مشرقی اور مغربی جیٹیوں کی ترقی اور 1,664.88 کروڑ روپے کی لاگت سے اندروت میں نئی ​​بندرگاہ کی سہولیات۔
• 2,128.86 کروڑ روپے کی لاگت سے اَگتی، کدمت، کلپینی، کاوارٹی اور منی کائے میں سڑکوں اور برقرار رکھنے والی سکیورٹی وال  سمیت ساحل سمندر کی ترقی کی تجاویز زیر غور ہیں۔

ماحولیاتی سیاحت اور سبز توانائی

810 کروڑ روپے کی کل سرمایہ کاری کے ساتھ نیتی آیوگ کی مشاورت سے منی کائے، کدمت اور سہُیلی میں تین واٹر ولا پروجیکٹوں کے ساتھ ایکو ٹورازم کو  زبر دست فروغ مل رہا ہے۔ ممبئی، کوچی، اَگتی اور تھناکارا کو جوڑنے والے ہفتہ وار کروز لائنر آپریشن بھی جاری ہیں۔

لکشدیپ ڈیزل پر انحصار کم کرنے کے لیے قابل تجدید توانائی کی طرف گامزن:

• سولر انرجی کارپوریشن آف انڈیا ( ایس ای سی آئی) کے ساتھ مفاہمت نامے پر دستخط۔
• 450 سے زیادہ گھروں میں چھتوں پر شمسی نظام نصب کئے گئے۔
• اگتی (0.3 میگاواٹ) اور کاوارٹی (1.4 میگاواٹ) میں شمسی توانائی کے پلانٹ شروع ہوئے۔

پانی کی حفاظت اور بنیادی ڈھانچہ

پینے کے پانی تک رسائی کو یقینی بنانے کے لیے:

• چھ جزیروں میں 1.5 لاکھ لیٹر فی دن کی گنجائش والے ڈی سیلی نیشن پلانٹ لگائے گئے ہیں۔
• جل جیون مشن کے تحت تمام جزیروں میں فنکشنل گھریلو نل کنکشن ( ایف ایچ ٹی سی) فراہم کرنے کے لیے 268.81 کروڑ روپے مختص کیے گئے ہیں۔
• اب تمام گھرانوں میں پائپ پانی کا کنکشن دستیاب  ہے۔

پی ایم مودی کے دور میں قومی کامیابیاں

• مسٹر کورین نے امرت  کال کے دوران کی گئی قومی ترقی کو دہرایا، جس میں شامل ہیں:
• آپریشن سندور دہشت گردی کے خلاف بھارت کی زیرو ٹالرنس پالیسی کی عکاسی کرتا ہے۔
• ایس - 400 سسٹم، برہموس، آکاش میزائل، تیجس جیٹس اور آئی این ایس وکرانت کے ساتھ دفاعی جدید کاری۔
• دفاعی برآمدات 34 گنا بڑھ کر 23,622 کروڑ روپے ہوگئیں۔
• سماجی اسکیمیں جیسے پی ایم غریب کلیان ان یوجنا، پی ایم آواس یوجنا (4 کروڑ گھر) اور جل جیون مشن (15 کروڑ خاندانوں کا احاطہ)۔
• ہندوستان چوتھی سب سے بڑی معیشت بننے کی راہ پر گامزن ہے۔
• یوپی آئی کا اب ڈجیٹل ادائیگیوں میں 83 فیصد حصہ ہے، جس نے 2024 میں ڈجیٹل لین دین میں 24 لاکھ کروڑ روپے کا حصہ ڈالا ہے۔
• کاروبار کرنے میں آسانی کی درجہ بندی 142 سے بہتر ہو کر 63 ہو گئی۔
• 2023-24 میں 1.8 لاکھ سے زیادہ نئی کمپنیاں رجسٹر کی جائیں گی۔
• ایم ایس ایم ایز کو ہنگامی قرض کے طور پر 2.39 لاکھ کروڑ روپے ملے۔
• دنیا کا بلند ترین ریلوے پل- چناب پل، جدید انفراسٹرکچر کے لیے ہندوستان کے عزائم کی علامت ہے۔
• ودھاون بندرگاہ میں 7,600 کروڑ روپے کی سرمایہ کاری اور عمودی لفٹ سمندری پلوں کی ترقی۔

خواتین کو بااختیار بنانا: ناری شکتی کا عروج

ناری شکتی وندنا ایکٹ خواتین کے لیے مقننہ میں 33 فیصد ریزرویشن کی ضمانت دیتا ہے۔ دیگر اقدامات جیسے مدرا یوجنا، میٹرنٹی بینیفٹ اسکیم اور 90 لاکھ سیلف ہیلپ گروپ ہندوستانی خواتین کی زندگیوں کو بدل رہے ہیں۔ خواتین اب مستقل طور پر مسلح افواج میں خدمات انجام دے رہی ہیں،  جس میں  لائن آف کنٹرول پر اور ایس ٹی ای ایم-اسٹیم اور ہوا بازی جیسے شعبوں میں قیادت کر رہی ہیں۔

امکانات کا ایک نیا دور

مسٹر کورین نے یہ کہتے ہوئے اپنی باتوں کا  اختتام کیا:

‘‘مودی ہے تو ممکن ہے صرف ایک نعرہ نہیں ہے - یہ ایک ثابت شدہ حقیقت ہے۔ سیاست اب وعدوں کے بارے میں  نہیں بلکہ کام کے بارے  میں ہے۔"

*****

 ش ح – ظ ا – م ش

UR No. 1646

(Release ID: 2135543)