بھارتی ساحلی گارڈ (آئی سی جی) کے ڈائریکٹر جنرل (ڈی جی) پرامیش سیوامنی نے 7 جون 2025 کو کیرالہ کے ویژنجم بندرگاہ پر آئی سی جی کے لیے ایک نئی مخصوص جیٹی کا افتتاح کیا۔ 76.7 میٹر طویل یہ جدید سہولت، آئی سی جی کے جہازوں کی تیز تر تعیناتی اور واپسی کو ممکن بنائے گی، جس سے ساحلی نگرانی، تلاش و بچاؤ، اسمگلنگ مخالف کارروائیوں اور ماہی گیری کے تحفظ کے لیے مشن کی تیاری میں اضافہ ہوگا۔

یہ جیٹی ایک اسٹریٹجک مقام پر واقع ہے، جو بین الاقوامی شپنگ لائنز سے محض 10 ناٹیکل میل کے فاصلے پر اور ویژنجم انٹرنیشنل ٹرانس شپمنٹ ڈیپ واٹر پورٹ کے قریب واقع ہے، اور توقع کی جا رہی ہے کہ یہ بھارت کے جنوب مغربی ساحل کی سکیورٹی کو مضبوط بنانے میں ایک کلیدی کردار ادا کرے گی۔

ڈی جی پرامیش سیوامنی نے اس نئی سہولت کی اسٹریٹجک اہمیت پر زور دیتے ہوئے اسے ساحلی سکیورٹی کے نظام کو مضبوط بنانے اور خطے میں فوری ردعمل کی صلاحیتوں کو بہتر بنانے کی سمت ایک بڑا قدم قرار دیا۔ اس موقع پر انڈین کوسٹ گارڈ ریجن (مغرب) کے کمانڈر انسپکٹر جنرل بھیشم شرما کے ساتھ ویژنجم انٹرنیشنل سی پورٹ لمیٹڈ، حکومت کیرالہ، کیرالہ میری ٹائم بورڈ، ریاستی پولیس، بندرگاہی حکام، بھارتی فوج، اڈانی پورٹس پرائیویٹ لمیٹڈ، اور محکمہ ماہی پروری کے اعلیٰ افسران بھی موجود تھے۔

******

ش ح۔ ش ا ر۔ ول

Uno- 1565