آل انڈیا انسٹی ٹیوٹ آف آیوروید (اے آئی آئی اے) نئی دہلی نے ماحولیات ، جنگلات اور موسمیاتی تبدیلی کی وزارت (ایم او ای ایف سی سی) حکومت ہند کی طرف سے شروع کی گئی قومی مہم ‘‘میری لائف’’ (ماحولیاتی طرز زندگی) کے تحت بڑے جوش و خروش اور ادارہ جاتی عزم کے ساتھ عالمی یوم ماحولیات 2025 منایا ۔ تمام سرگرمیاں پروفیسر (ڈاکٹر) منجوشا راجگوپالا ، ڈائریکٹر آئی/سی اے آئی آئی اے کی رہنمائی میں انجام دی گئیں ۔ یہ ماحولیاتی پائیداری پر قومی ترجیحات کے ساتھ اے آئی آئی اے کی صف بندی کی بھی عکاسی کرتا ہے ۔ اس سال کا موضوع ‘‘پلاسٹک آلودگی کا خاتمہ’’ تمام اقدامات کا مرکزی نقطہ رہا۔

تقریب میں درویہ گن وگیان شعبہ کی جانب سے کئی مؤثر سرگرمیاں منعقد کی گئیں، جن میں ایک شاندار ماحولیاتی آگاہی ریلی بھی شامل تھی۔ اس ریلی میں پی جی اور پی ایچ ڈی اسکالرز، فیکلٹی ممبران، ادارے کے عملے اور مقامی پولیس اہلکاروں نے فعال شرکت کی، جس کا مقصد اجتماعی شہری ذمہ داری کو فروغ دینا تھا۔

طلباء نے ایک مؤثر نُکّڑ ناٹک ‘‘پلاسٹک کی دُنیا، پراکرتی کاویناش’’ پیش کیا، جس میں پلاسٹک آلودگی کے خطرات کو اُجاگر کیا گیا اور آیورویدک حکمت کو ایک پائیدار متبادل کے طور پر پیش کیا گیا۔ اس پرفارمنس نے عوام اور صحت کے شعبے سے آنے والے مہمانوں کی توجہ اور داد حاصل کی۔

ایک بڑے شجرکاری مہم کے تحت، اے آئی آئی اے کیمپس میں 500 سے زائد ادویاتی اور مقامی پودے لگائے گئے، جبکہ 200 پودے مریضوں میں تقسیم کیے گئے تاکہ گھریلو سطح پر جڑی بوٹیوں کی کاشت کی حوصلہ افزائی کی جا سکے۔ ان سبز اقدامات میں اساتذہ، محققین، اور کمیونٹی اسٹیک ہولڈرزنے پرجوش شرکت کی۔

22 مئی سے 5 جون کے درمیان ادارے نے پلاسٹک کی آلودگی، پائیدار طریقہ کار، اور آیورویدک ماحولیاتی نظام سے متعلق شعور اجاگر کرنے کے لیے ہدفی آگاہی مہمات کے ذریعے 5,000 سے زائد مریضوں سے کامیابی کے ساتھ رابطہ کیا۔ مضمون نویسی کا مقابلہ اور ماڈل بنانے کا مقابلہ جیسے تعلیمی پروگرام منعقد کئے گئے ، جن کا مقصد طلباء کو پلاسٹک کے قدرتی متبادل تجویز کرنے اور ان کا تصور پیش کرنے کی ترغیب دینا تھا۔

یہ مرکزی پروگرام 5 جون 2025 کو اے آئی آئی اے  کے منی آڈیٹوریم میں منعقد ہوا، جس کی صدارت پروفیسر ایم ایم راؤ ،میڈیکل سپرنٹنڈنٹ، پروفیسر یوگیش بدوے ڈین پی جی، اور ڈاکٹر مینا ایس دیوگاڑے ،سربراہ شعبہ درویہ گن وگیان اور میری لائف مہم کی نوڈل آفیسرنے کی۔پروگرام میں ماحولیاتی حلف، قبل ازیں منعقدہ سرگرمیوں کا خلاصہ، مقابلوں کے انعامات کی تقسیم، اور معزز مہمانوں کی جانب سے بصیرت افروز خطابات شامل تھے۔

پروگرام میں مختلف شعبہ جات کے سربراہان، فیکلٹی ممبران، عملہ، اور طلباء کی شرکت دیکھی گئی، جو ماحولیاتی ذمہ داری کے پیغام کو فروغ دینے میں ادارہ جاتی یکجہتی کی عکاسی کرتی ہے۔

یہ تقریب روایتی علم اور کمیونٹی کی شمولیت کے ذریعے ایک پائیدار، سرسبز اور پلاسٹک سے پاک بھارت کی قومی تحریک کے لیے اے آئی آئی اے کے عزم کی تصدیق کی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح۔ ش آ۔ص ج)

U. No.1507

(Release ID: 2134446)