کوئلہ/لگنائٹ پی ایس یوز نے وزارت کوئلہ کی رہنمائی میں بڑے پیمانے پر شجرکاری مہم اور پلاسٹک مخالف مہموں کے ساتھ عالمی یوم ماحولیات 2025 منایا۔ ہندوستان کے ماحولیاتی وژن کی ایک طاقتور توثیق میں، کوئلہ اور لگنائٹ سرکاری دائرہ کار کی اکائیوں(پی ایس یوز) نے عالمی یوم ماحولیات (ڈبلیو ای ڈی)2025 بڑے پیمانے پر "ایک قوم، ایک مشن: پلاسٹک کی آلودگی کا خاتمہ" کے موضوع کے تحت بڑے پیمانے پر منایا۔ وزیر اعظم جناب نریندر مودی کی جانب سے شروع کی گئی جذباتی اور ماحولیاتی مہم "ایک پیڑ ماں کے نام" پر خصوصی توجہ مرکوز کرتے ہوئے یہ تقریبات کوئلہ کی وزارت کی رہنمائی میں منعقد کی گئیں۔

کولکاتہ میں سی آئی ایل کے بورڈ آف ڈائرکٹرس کے ذریعہ شجرکار

اس تقریب میں 11 کوئلہ/لگنائٹ والی ریاستوں کے 47 اضلاع میں تقریباً 350 مقامات پر بیک وقت جشن کا مشاہدہ کیا گیا، جہاں "ایک پیڑماں  کے نام" مہم کے تحت بڑے پیمانے پر شجرکاری مہم کا انعقاد کیا گیا جو کہ شکرگزاری، ترقی اور سبز وعدوں کی علامت ہے۔

اس سال کے ڈبلیو ای ڈی جشن نے کوئلے کے شعبے کی طرف سے دوہری عزم کو نشان زد کیا جیسا کہ آب و ہوا کی لچک کے لیے درخت لگانا، اور ماحولیاتی تحفظ کے لیے واحد استعمال پلاسٹک کو ختم کرنا۔ کول/لگنائٹ پی ایس یوز نے بیداری کی مہمات، پلاسٹک ویسٹ اکٹھا کرنے کی مہم، ایکو ریلیاں، پلاسٹک سے پاک کام کی جگہ کے وعدے، اور کمیونٹی آؤٹ ریچ ایونٹس کا اہتمام کیا — جس میں ہزاروں ملازمین، اسکول کے بچوں اور مقامی باشندوں کو شامل کیا گیا۔

بی سی سی ایل، دھنباد میں شجرکاری مہم

کوئلے کی بڑھتی ہوئی پیداوار کے ذریعے ہندوستان کی بڑھتی ہوئی توانائی کی ضروریات کو پورا کرتے ہوئے، کوئلہ/لگنائٹ پی ایس یوز بھی پائیدار ترقی میں رہنما کے طور پر ابھرے ہیں۔ گذشتہ چھ برسوں میں، ان پی ایس یوز نے کوئلہ اور لگنائٹ کان کنی والے علاقوں میں اور اس کے آس پاس 13,400 ہیکٹر پر 29 ملین پودے لگائے ہیں، جس سے کان کنی سے باہر اور بنجر زمینوں کو سرسبز و شاداب ماحولیاتی نظام میں تبدیل کیا گیا ہے۔

اب، وہ ان کوششوں کو جدید ترین سبز ٹیکنالوجیز کے ساتھ تیز کر رہے ہیں جن میں میاواکی طریقہ، سیڈ بال براڈکاسٹنگ، اور ڈرون پر مبنی شجرکاری شامل ہیں تاکہ شجرکاری کی کارکردگی اور ماحولیاتی اثرات کو بڑھایا جا سکے۔ پی ایس یوز نے آئندہ پانچ سالوں میں 16,000 ہیکٹر کو گرین کور کے تحت رکھنے کا ایک اولوالعزم ہدف مقرر کیا ہے، جس میں مالی سال 2025-26 کے لیے 2,800 ہیکٹر کا منصوبہ ہے۔

عالمی یوم ماحولیات کے موقع پر وزارت کوئلہ کے اقدامات قدرتی کاربن سنک بنانے، ہوا اور پانی کے معیار کو بہتر بنانے اور کوئلے کی کان کنی والے علاقوں میں ماحولیاتی توازن کی بحالی کے ذریعے، ہندوستان کے نیٹ-زیرو 2070 کے ہدف کے ساتھ اس کی اسٹریٹجک صف بندی کی بھی عکاسی کرتے ہیں۔ پلاسٹک سے پاک تحریک، جب بڑے پیمانے پر شجرکاری کے ساتھ مل جاتی ہے، تو ماحولیاتی بحران میں تخفیف اور موافقت، کمیونٹی کی فلاح و بہبود کو بڑھانے، اور کمزور خطوں میں حیاتیاتی تنوع کو فروغ دینے کے لیے ایک جامع راستے کی نمائندگی کرتی ہے۔

کوئلہ/لگنائٹ پی ایس یوز کے ذریعہ اس سال عالمی یوم ماحولیات کا انعقاد علامتی سے زیادہ ہے - یہ تبدیلی کا زندہ ثبوت ہے۔ کاربن فوٹ پرنٹس کو کم کرنے اور ہری بیلٹ بنانے سے لے کر دفاتر اور کمیونٹیز سے پلاسٹک کے فضلے کو ختم کرنے تک، یہ کوششیں کوئلے کے شعبے کو منتقلی میں شامل کرتی ہیں، جہاں معاشی ترقی اور ماحولیاتی سالمیت ساتھ ساتھ چلتی ہے۔

اب جبکہ ہر ایک پودا جڑ پکڑ رہا ہے اور ہر پلاسٹک ختم ہو رہا ہے، کول/لگنائٹ پی ایس یوز آئندہ نسلوں کے لیے ایک پائیدار میراث کی پرورش کر رہے ہیں، اور یہ ثابت کر رہے ہیں کہ نکالنے سے بحالی تک کا راستہ نہ صرف ممکن ہے بلکہ طاقتور ہے۔

**********

 (ش ح –ا ب ن-ع ر)

U.No:1497

(Release ID: 2134381)