مرکزی وزیر جناب سربانند سونووال نے اوسلو میں منعقدہ انڈیا @نور-شپنگ تقریب میں انڈیا کنٹری سیشن کے دوران کلیدی تقریر کی۔ سیشن میں، مرکزی وزیر نے ہندوستان کی بڑھتی ہوئی سمندری صلاحیتوں پر روشنی ڈالی جس میں سازگار پالیسی کی حوصلہ افزائی سرمایہ کاری کا ماحول، ثابت شدہ جہاز سازی کی قوت ، مدور معیشت کی کوششیں، اور شعبہ جاتی ترقی کو تیز کرنے کے لیے جدید مالیاتی منصوبے شامل ہیں۔

اس موقع پر اظہار خیال کرتے ہوئے مرکزی وزیر جناب سربانند سونووال نے کہا، ’’ عزت مآب وزیر اعظم جناب نریندر مودی جی کی قابل اور دور اندیش قیادت میں، ہندوستان فیصلہ کن طور پر وکشت بھارت اور اتمنیر بھر بھارت کے اہداف کی طرف بڑھ رہا ہے۔ یہ اہداف ہندوستان کو ایک جدید، خود انحصاری، جامع اور عالمی سطح پر مصروف معیشت کے طور پر تصور کرتے ہیں۔ اس سفر میں، بحری شعبہ مرکزی حیثیت رکھتا ہے - نہ صرف ترقی کے محرک کے طور پر، بلکہ لچک، پائیداری، اور اسٹریٹجک رابطے کے قابل بنانے والے کے طور پر۔ ہندوستان نے بندرگاہ کے بنیادی ڈھانچے کو وسعت دینے، لاجسٹک نظام کو مربوط کرنے اور نجی شعبے کے لیے کاروبار کرنے میں آسانی کو بہتر بنانے کے لیے وسیع پیمانے پر کوششیں شروع کی ہیں۔ یہ اصلاحات پہلے ہی بندرگاہوں کی کارکردگی میں اضافے، کارگو کے مضبوط بہاؤ اور سرمایہ کاروں کے بڑھتے ہوئے اعتماد کی صورت میں پھل دے رہی ہیں۔ ‘‘

بھارت کے جہازرانی کے وزیر نے بھارت – مشرق وسطیٰ-یوروپ اقتصادی گلیارے (آئی ایم ای ای سی)، مشرقی بحری گلیارے (ای ایم سی)، اور بین الاقوامی شمال-جنوب نقل و حمل گلیارے (آئی این ایس ٹی سی) جیسے اہم گلیاروں کے ساتھ بحری کنکٹیویٹی اور سپلائی چینوں کی مضبوطی پر بھی روشنی ڈالی۔

جناب سربانند سونووال نے مزید کہا، ’’ ان کوششوں کی حمایت کرنے کے لیے، ہندوستان نے بنیادی ڈھانچے کی ترقی کے لیے 20 بلین امریکی ڈالر کا عہد کیا ہے جس میں ملٹی موڈل لاجسٹکس، پورٹ کنیکٹیویٹی، اور تجارتی سہولت کو بڑھانا ہے۔ ہندوستان ایک قابل اعتماد اور مسابقتی متبادل بننے کے لیے کام کر رہا ہے۔ پالیسی ترغیبات، کاروبار کرنے میں آسانی، اور بنیادی ڈھانچے میں اضافہ کے ذریعے، ہم 2047 تک ہندوستان کو جہاز سازی کے اعلیٰ پانچ ممالک میں سے ایک کے طور پر ابھرنے کی بنیاد رکھ رہے ہیں۔‘‘

سبز اور پائیدار بحری مستقبل کی ضرورت پر زور دیتے ہوئے، مرکزی وزیر جناب سربانند سونووال نے کہا، ’’بھارت تین سبز ہائیڈروجن ہب بندرگاہیں –کاندلا، ٹوٹی کورِن اور پارادیپ- قائم کر رہا ہے جس کا مقصد سبز ہائیڈروجن اور اس کی مصنوعات کے لیے تعاون فراہم کرنا اور بحری شعبے میں متبادل ایندھنوں کے استعمال کو فروغ دینا ہے۔ ہمیں آئی ایم او کی گرین ووئج 2025 پہل قدمی  کے تحت قیادت کرنے پر بھی فخر ہے، ہم ترقی پذیر ممالک کو ان کے توانائی تغیر میں تعاون فراہم کر رہے ہیں۔‘‘

’’بھارت: جہاز سازی کے لیے ازسر نو ابھرتی ہوئی منزل‘‘ کے عنوان سے ایک خصوصی سیشن  کے دوران مندوبین کو بھارت کے توسیع پزیر جہاز سازی کے ایکونظام سے متعارف کرایا گیا۔ اس سیشن نے جدید انفراسٹرکچر، قابل توسیع صلاحیت، اور بین الاقوامی تعاون کی مدد سے نئے دور کے، پائیدار جہازوں کے لیے ایک عالمی مرکز میں ہندوستان کی تبدیلی پر روشنی ڈالی۔ اس بات پر زور دیا گیا کہ کس طرح ہندوستان اپنے پیمانے سے فائدہ اٹھا رہا ہے اور خود کو جہاز سازی کے پاور ہاؤس کے طور پر پوزیشن میں لانے کے لیے پالیسی اصلاحات کر رہا ہے۔

جناب سربانند سونووال نے کہا، ’’ ہندوستان کا بحری ڈیجیٹل ماحولیاتی نظام ایک تبدیلی کے دور سے گزر رہا ہے۔ او این او پی (ون نیشن - ون پورٹ پروسیس)، نیشنل لاجسٹک پورٹل (بحری) اور میتری- ورچوئل ٹریڈ کوریڈور جیسی پہل قدمیاں پورٹ سروسز اور ایگزم تجارت کے لیے ایک متحد قومی پلیٹ فارم تشکیل دے رہی ہیں۔ یہ کوششیں آپریشنل شفافیت کو بہتر بنا رہی ہیں، لین دین کا وقت کم کر رہی ہیں اور ریئل ٹائم ڈیٹا سسٹم بنا رہی ہیں۔ ہم ورچوئل ٹریڈ کوریڈورز کے قیام کے لیے عالمی شراکت داروں کے ساتھ بھی مشغول ہیں جو بندرگاہوں کو ڈیجیٹل طور پر جوڑیں گے، بغیر کسی رکاوٹ کے کارگو کی نقل و حرکت کو فعال کریں گے اور رکاوٹوں کو کم کریں گے۔‘‘

’’شپ ری سائیکلنگ- مدور معیشت اور پائیدار میری ٹائم‘‘ کے موضوع پر ایک اور سیشن کے دوران، بھارت نے ہانگ کانگ کنونشن (ایچ کے سی) کے مطابق جہاز ری  سائیکلنگ کا اپنا جامع فریم ورک پیش کیا۔ ملک کے ماحولیاتی طور پر ریگولیٹڈ اور اعلیٰ صلاحیت والے جہاز کی ری سائیکلنگ ایکو سسٹم کو عالمی سرکلر اکانومی کی کوششوں میں کلیدی معاون کے طور پر دکھایا گیا تھا۔ اس تقریب میں ہندوستان کی بندرگاہ کی قیادت میں ڈیکاربونائزیشن کی حکمت عملی پر ایک اسٹریٹجک پیشکش بھی پیش کی گئی۔ اس میں ہندوستانی بندرگاہوں پر گرین ہائیڈروجن اور امونیا کی پیداوار کے مرکزوں کی ترقی شامل ہے تاکہ گرین فیول بنکرنگ، شپنگ کوریڈورز، اور مجموعی طور پر میری ٹائم ڈیکاربونائزیشن کے اہداف کو سپورٹ کیا جا سکے۔

بھارت کی ثابت شدہ بحری افرادی قوت کے بارے میں بات کرتے ہوئے جناب سربانند سونووال نے کہا، ’’ ہندوستان اس وقت ناروے کے زیر ملکیت بحری جہازوں کو سمندری افرادی قوت فراہم کرنے والا دوسرا بڑا ملک ہے۔ اس پلیٹ فارم کے ذریعے، میں ناروے اور ہندوستانی ایجنسیوں کے درمیان بحری جہازوں کی بھرتی کے لیے وسیع تر شراکت کی حوصلہ افزائی کرنا چاہوں گا۔ ہندوستان تیار ہے - ایک قابل اعتماد، ذمہ دار، اور مستقبل کے حوالے سے میری ٹائم پارٹنر کے طور پر۔ ہم ایک سمندری مستقبل کی تشکیل کے لیے پرعزم ہیں جو سبز، محفوظ، کارآمد، اور جامع ہو۔ ‘‘

سرمایہ کاری کے محاذ پر، مجوزہ میری ٹائم ڈیولپمنٹ فنڈ کے بارے میں بصیرت کے ساتھ "بحری نمو کے لیے اختراعی سرمایہ فراہمی" کے موضوع پر بات چیت ہوئی۔ آمیزش کے حامل مالیاتی ماڈل کا مقصد نجی سرمایہ کاری کو غیر مقفل کرنے کے لیے حکومت کی جانب سے رعایتی سرمایہ استعمال کرنا ہے۔ ہندوستان نے اپنے بڑھتے ہوئے بحری شعبے میں سرمایہ کاری کو متحرک کرنے کے لیے رسک شیئرنگ اور پارٹنرشپ ماڈلز کے لیے ادارہ جاتی میکانزم کو بھی اجاگر کیا۔

ان سیشنوں میں عالمی بحری قائدین ، پالیسی سازوں، تکنیکی ماہرین، اور صنعتی نمائندوں نے شرکت کی، جنہوں نے ایک پائیدار، جدید اور مبنی بر شمولیت بحری مستقبل کے بھارت کے وژن کو تقویت بخشی۔ اس تقریب میں مختلف معروف شخصیات جیسے ناروے کی شپ اونرس ایسوسی ایشن (این ایس اے) کی ہیلن توفتے؛ ٹون کنوڈسن فسکیستھ؛ سویننگ آفٹیڈل، ناروے کی موسمیات اور ماحولیات کی وزارت کے خصوصی ڈائرکٹر؛ پدمنابھن رکمنی ہری، چیئرمین اور منیجنگ ڈائرکٹر، گارڈن ریچ شپ بلڈرس اینڈ انجینئرس (جی آر ایس ای)؛ ریئر ایڈمیرل جی کے ہرش (سبکدوش)، نائب صدر اور سربراہ ایل اینڈ ٹی؛ وویک مرچنٹ، ڈائرکٹر سوان ڈفینس اینڈ ہیوی انڈسٹریز؛ اینیٹ ہولٹے، صدر اور کنٹری منیجر کونگسبرگ میری ٹائم انڈیا؛ وینکٹیش پتی ایس، جوائنٹ سکریٹری  ، بھارت کی بندرگاہوں، جہازرانی اور آبی گزرگاہوں کی وزارت؛ انگوار ایم متھیسن، پورٹ آف اوسلو اور نارویجن پورٹس ایسو سی ایشن کے پورٹ ڈائرکٹر ؛ اُدے چیتنیہ، ڈی این وی میں کنٹری منیجر ؛ ترون گلاٹی ، eShipfinance.com کے سی ای او؛ پردیپ پی، مہاراشٹر میری ٹائم بورڈ کے سی ای او؛ اور راجیو نیر، سوان ڈفینس اور بھاری صنعتوں کے مشیر  نے بھی شرکت کی۔

**********

 (ش ح –ا ب ن-ع ر)

U.No:1493

(Release ID: 2134359)