این سی ای آر ٹی کی جعلی نصابی کتابیں تیار کرنے کے خلاف نہ برداشت   کرنے کی پالیسی اپناتے ہوئے جو کاپی رائٹ ایکٹ 1957 کے تحت قابل سزا جرم ہے، این سی ای آر ٹی نے متعلقہ پولیس حکام کے ساتھ مل کر گزشتہ 14 مہینوں میں پائریٹڈ این سی ای آر ٹی کی نصابی کتب کی 5 لاکھ سے زیادہ کاپیاں ضبط کیں، جبکہ 2 کروڑ روپے سے زیادہ مالیت کے کاغذات اور پرنٹنگ مشینوں کی بھاری مقدار پرنٹرز، گودام مالکان اور پائریٹڈ این سی ای آر ٹی کی نصابی کتابوں کے خوردہ فروشوں کے خلاف ریکارڈ تعداد میں 29 ایف آئی آر درج کی گئیں۔

ایسے مجرموں کے خلاف اپنی مہم کو جاری رکھتے ہوئے،این سی ای آر ٹی نے اتر پردیش پولیس کے ساتھ مل کر مظفر نگر میں ایک گودام پر چھاپہ مارا اور 2 کروڑ روپے سے زیادہ مالیت کی 1.5 لاکھ سے زیادہ پائریٹڈ این سی ای آر ٹی کی نصابی کتابیں، پائریٹڈ نصابی کتب سے لدا ایک ٹرک اور دو کاریں، نیز بڑی تعداد میں پرنٹنگ پلیٹیں ضبط کیں۔ موقع سے آٹھ افراد  کو بھی گرفتار کر لیا گیا۔

کارروائی کے تسلسل میں، سمالکھا (ہریانہ) میں ایک پرنٹنگ پریس پر بھی چھاپہ مارا گیا اور بڑی تعداد میں پرنٹنگ پلیٹس، پائریٹڈ نصابی کتب کی کاپیاں اور پائیریٹڈ این سی ای آر ٹی نصابی کتب کی چھپائی کے لیے استعمال ہونے والی مشینیں ضبط کی گئی۔ این سی ای آر ٹی نصابی کتب کی تیاری، تقسیم اور فروخت کے ریکیٹ کے پیچھے سرغنہ کی شناخت کے لیے مزید تفتیش جاری ہے۔ پائریٹڈ نصابی کتب کی لعنت کو روکنے کے لیے، جس سے نہ صرف این سی ای آر ٹی اور حکومت کو آمدنی کا نقصان ہوتا ہے بلکہ کاغذ اور سیاہی کے خراب معیار کی وجہ سے اسکولی بچوں کی صحت کے لیے بھی خطرہ ہوتا ہے، این سی ای آر ٹی نے درج ذیل اقدامات کیے ہیں:

1. کاغذ کے معیار اور این سی ای آر ٹی کی نصابی کتب کی طباعت میں نمایاں بہتری؛

2. این سی ای آر ٹی کی نصابی کتب کی بروقت پرنٹنگ اور مارکیٹ میں مناسب تعداد میں ان کی دستیابی کو یقینی بنانا؛

3. پائریٹڈ نصابی کتب کے پرنٹرز، تقسیم کاروں اور خوردہ فروشوں کے خلاف سخت کارروائی؛

4. کاشی پور میں مقیم پیپر مل کے خلاف کارروائی جو غیر قانونی این سی ای آر ٹی واٹر مارک پیپر تیار کرتی ہے۔

5. این سی ای آر ٹی کی نصابی کتابوں کو بڑے ای کامرس پلیٹ فارمز پر بغیر ڈیلیوری چارجز کے ایم آر پی پر دستیاب کرانا؛ اور

6. آئی آئی ٹی کانپور کے ذریعہ تیار کردہ ٹیکنالوجی پر مبنی اینٹی پائریسی حل کو این سی ای آر ٹی کی نصابی کتب میں شامل کرنا۔ ایک ٹائٹل کی 10 لاکھ کاپیوں پر اس کا تجربہ کیا گیا ہے اور اگلے تعلیمی سال میں اسے جاری رکھا جائے گا۔ یہ پرانے واٹر مارک والے کاغذ کی جگہ لے لے گا جو استعمال میں نہیں ہے اور جس کی چوری آسانی سے کی جاتی ہے۔

این سی ای آر ٹی جعلی این سی ای آر ٹی نصابی کتابوں کی طباعت، تقسیم اور فروخت میں ملوث مجرموں کے خلاف کارروائی جاری رکھے گا۔ طلباء، والدین اور اساتذہ سے گزارش ہے کہ براہ کرم پائریٹڈ این سی ای آر ٹی نصابی کتب کی فروخت کے معاملے کو pd.ncert[at]nic[dot]in پر این سی ای آر ٹی کے نوٹس میں لائیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح – ع و-ع ن)

U. No. 1383