ای ایس پی ایس  رینا صوفیہ، جس کی کمانڈ سی ڈی آر سیلویڈر مورینو ریگل ، اسپینی بحریہ  اور آئی ٹی ایس انٹو نیو مارکگیلا ، سی ڈی آر البرٹ مورٹیلینو، اطالوی بحریہ کے زیر قیادت، 26 مئی سے 01 جون 2025 تک آپریشنل موڑ کے لیے ممبئی میں ہیں۔ دونوں جہاز اس وقت یورپی یونین نیول فورس کے تحت کام کرتے ہیں۔ یہ دورہ یورپی یونین کے زیراہتمام ہندوستان کا اس طرح کا پہلا دورہ ہونے کی وجہ سے اہم ہے۔ یہ ہندوستان کے عزت مآب وزیر اعظم جناب نریندر مودی اور یوروپی یونین کی صدر محترمہ ارسلا وان ڈیر لیین کے درمیان ہونے والی بات چیت کا ایک فالو اپ ہے جس میں بین الاقوامی امن اور سلامتی کے تئیں ان کی مشترکہ عزم کو اجاگر کیا گیا ہے۔

یورپی یونین نیول فورس کی طرف سے، ریئر ایڈمرل ڈیوڈے دا پوزو، فورس کمانڈر، او پی اٹلانٹا  کی قیادت میں، ریئر ایڈمرل ودیادھر ہارکے وی ایس ایم ، چیف اسٹاف آفیسر (آپریشنز)، ہندوستانی بحریہ کے مغربی نیول کمان کے ہیڈ کوارٹر، ویسٹرن نیول کمانڈ کے ساتھ بات چیت کی اور دونوں بحری تعاون کو آگے بڑھانے سے متعلق امور پر تبادلہ خیال کیا۔ دونوں فریقین نے ملٹری ڈومین میں توسیعی تعاون کی ضرورت پر اتفاق کیا اور یہ میٹنگ ہندوستانی بحریہ اور یورپی یونین نیول فورس کے درمیان تعاون کی راہوں کو وسعت دینے کے لیے ایک اہم قدم تھی۔

بندرگاہ میں بحری جہاز کے قیام کے دوران، دونوں فریقوں کے درمیان سبجیکٹ میٹر ایکسپرٹ ایکسچینجز اور ٹیبل ٹاپ ایکسرسائز جیسی سرگرمیاں منعقد کی گئیں، جس کا مقصد سمندر میں حکمت عملی کی سطح پر تعاون کے لیے ضروری اہم امور کو بہتر بنانا تھا۔ انسداد بحری قزاقی اور انسداد اسمگلنگ آپریشنز کے دوران حاصل ہونے والے تجربات کے تبادلے سے دونوں فریقوں نے بے حد فائدہ اٹھایا۔ بندرگاہ کی مصروفیات نے ہندوستانی بحریہ اور یورپی یونین نیول فورس کے درمیان مشترکہ مشق کی بنیاد رکھی جس کا منصوبہ 01 جون 2025 کو ممبئی سے جہازوں کی روانگی کے بعد ہے۔

 

سمندر میں ہونے والی مشق میں یورپی یونین نیول فورس کے ای ایس پی ایس رینا صوفیہ  اور آئی ٹی ایس انٹو نیو مارکگیلا اور ہندوستانی بحریہ کے بحری جہاز اور ہوائی جہاز شرکت کریں گے۔ پیچیدہ حکمت عملی کی مشقوں کا مقصد دونوں فریقوں کے درمیان باہمی تعاون کو بڑھانا ہے اور یہ بحر ہند کے علاقے میں غیر روایتی خطرات سے نمٹنے کے لیے تعینات کیے جانے پر بغیر کسی رکاوٹ کے آپریشنز کو قابل بنائے گی۔

ہندوستان اور یورپی یونین دونوں قوانین پر مبنی میری ٹائم آرڈر کے تئیں مضبوط وابستگی رکھتے ہیں، جو ساحلی ریاستوں کی علاقائی سالمیت کا احترام کرتے ہوئے بین الاقوامی پانیوں کے آزادانہ اور کھلے استعمال کی اجازت دیتا ہے۔ موجودہ دورہ جائز تجارت کے تحفظ اور بحری قزاقی، اسمگلنگ اور غیر قانونی، غیر رپورٹ شدہ اور غیر منظم (آئی یو یو ی) ماہی گیری جیسے غیر روایتی خطرات کا مقابلہ کرنے کے مشترکہ مفاد کو ظاہر کرتا ہے، جو کہ چوتھی ہندوستان-یورپی یونین میری ٹائم سیکورٹی ڈائیلاگ کے دوران کی گئی بات چیت کی بھی عکاسی کرتا ہے، جو کہ نئی دہلی میں مارچ 2025 میں منعقد کی گئی ہے۔ ہندوستان اور یورپی یونین، مشترکہ مفادات کو آگے بڑھانے کے مشترکہ مقصد کے ساتھ ہیں ۔

 

 

***

ش ح ۔ ال

U-1337

 

(Release ID: 2133161)