فٹ انڈیا سنڈے آن سائیکل کا 25 واں ایڈیشن، جسے ترنگا سائیکلنگ ریلی کے طور پر منایا جاتا ہے، آج صبح پورے ملک میں کامیابی کے ساتھ منعقد ہوا۔ حب الوطنی، تندرستی اور ماحولیاتی بیداری کے ایک طاقتور امتزاج کو اجاگر کرتے ہوئے، 5000 سے زیادہ مقامات سے 15000 سے زیادہ سائیکل سوار ہندوستان کی مسلح افواج کو ملک گیر خراج تحسین پیش کرنے میں شامل ہوئے۔

نوجوانوں کے امور اور کھیل کے عزت مآب مرکزی وزیر ڈاکٹر منسکھ مانڈویہ نے یہاں میجر دھیان چند نیشنل اسٹیڈیم میں 1500 سے زیادہ سائیکل سواروں کی قیادت کی۔ ہری رنجن راؤ، اسپورٹس آئیکنز - اولمپک میڈلسٹ یوگیشور دت، کرکٹر صبا کریم، ریسلر سریتا مور، بالی ووڈ اداکارہ شروری اور ہندوستانی سائیکلنگ ٹیم اس میں شامل ہوئی ۔

اتوار کی صبح کی اہم جھلکیوں میں سے ایک جموں و کشمیر کے کئی علاقوں بشمول جموں، پونچھ، کشتواڑ، کولگام، بانڈی پورہ، شوپیاں، بارہمولہ، بڈگام، سانبہ اور دیگر علاقوں سے سائیکل سواروں کی بھرپور شرکت رہی۔ یہ سائیکلنگ ڈرائیوز کئی کھیلو انڈیا سینٹرز کھیلو انڈیا اسٹیٹ سینٹرز آف ایکسی لینس  اور SAI ٹریننگ سینٹرز (ایس ٹی سی ) کے ذریعے کی گئیں۔

مسلح افواج کو خراج تحسین پیش کرتے ہوئے، خاص طور پر حالیہ کامیاب آپریشن سندھ کی روشنی میں، ڈاکٹر منڈاویہ نے اس ایڈیشن کی گہری اہمیت پر زور دیا۔وزیع موصوف نے کہا کہ ’یہ ترنگا ریلی ہمارے جوانوں اور ان کی قربانیوں کو سلام ہے۔ فٹنس اور حب الوطنی ساتھ ساتھ چلتے ہیں۔‘

اس تاریخی ایڈیشن میں دو اہم اقدامات کا آغاز دیکھا گیا فٹ انڈیا نیوز لیٹر اور کاربن کریڈٹ فیچر فٹ انڈیا  موبائل ایپ پر، جہاں سائیکل سوار اب باقاعدگی سے سائیکل چلا کر کاربن کریڈٹس کو ٹریک کر سکتے ہیں۔ ’ایپ کا ایک ڈاؤن لوڈ آپ کو فٹ انڈیا تحریک کا حصہ بنا دے گا،‘ڈاکٹر مانڈویہ نے مزید کہا۔’آپ کی رفتار — 7 سے 34 کلومیٹر فی گھنٹہ تک — اور آپ کا فاصلہ ریکارڈ کیا جائے گا، اور آپ کے کاربن کریڈٹ شامل کیے جائیں گے۔

نیا شروع کیا گیا فٹ انڈیا نیوز لیٹر ایک ماہانہ ڈائجسٹ کے طور پر بھی کام کرے گا، جس میں متاثر کن خبروں کے ساتھ ساتھ مختلف فٹنس پر اثر انداز کرنے والوں کی اپ ڈیٹس اور تربیتی تجاویز بھی شامل ہیں۔

اداکارہ شروری، جنہیں آنے والے سپر اسٹار کے طور پر سراہا گیا ہے اور انہیں مونجیا اور مہاراجہ جیسی فلموں کا سہرا دیا جاتا ہے، اس تقریب میں ڈاکٹر مانڈویہ کے ذریعہ ’ینگ فٹ انڈیا آئیکون‘ کے خطاب سے نوازا گیا۔ یہ تحریک بہت بڑی ہے اور فٹ انڈیا کا آئیکون بننا ایک اعزاز کی بات ہے۔ سائیکل چلانا مجھے اسکول کی گرمیوں کی چھٹیوں کی یاد دلاتا ہے - ہم سب سائیکل کرایہ پر لے کر نکلتے تھےانہوں نےیہ بھی  کہا یہ سائیکل ریلی میرے لیے اور بھی اہم ہے کیونکہ یہ ہمارے بہادر سپاہیوں کے لیے ہے۔ ان کی وجہ سے ہم اپنے گھروں میں سکون سے سو سکتے ہیں اور یہ میرے لیے اعزاز کی بات ہے کہ میں ان کے لیے خراج تحسین پیش کروں۔

فٹ انڈیا سنڈے آن سائیکل پہل دسمبر 2024 میں 150 سے زائد سائیکل سواروں کے ساتھ شروع ہوئی تھی اور شرکت کرنے والوں کی تعداد چھ ماہ کے عرصے میں چھلانگ لگا کر بڑھی ہے۔ اس بڑے اضافے کا سہرا سی آئی ایس ایف، انڈین میڈیکل ایسوسی ایشن، جرنلسٹ ایسوسی ایشنز، اساتذہ، کارپوریٹس اور زندگی کے کئی دیگر شعبوں سے تعلق رکھنے والے پیشہ ور افراد کو جاتا ہے جنہوں نے یہ ممکن بنایا ہے۔ اس ایڈیشن میں، خصوصی شراکت داروں میں سائیکلنگ فیڈریشن آف انڈیا، یوگاسنا بھارت، ایسوسی ایشن آف انڈین یونیورسٹیز، بی وائی سی  انڈیا، کلٹ فٹ  اور ریڈ ایف ایم  تھے۔

اولمپیئن اور ریسلنگ چیمپیئن یوگیشور دت نے اس اقدام کو ’ایک ایسی تحریک قرار دیا جو قومی صحت کو قومی فخر سے جوڑتا ہے‘۔ انہوں نے بھی کہا کہ، اگر ہم صحت مند ہوں گے تو ملک صحت مند رہے گا۔ چھوٹے بچے، بزرگ شہری، سبھی حصہ لے رہے ہیں۔ یہی اس مہم کی طاقت ہے۔

سنڈے آف سائیکل کے تاریخی 25ویں ایڈیشن کو شاندار کامیابی سے ہمکنار کرنے کے لیے پورے ہندوستان میں کئی ایتھلیٹس بھی شامل ہوئے۔ اولمپیئن اور ارجن ایوارڈ یافتہ دیپا کرماکر نے ایس اے آئی  ٹریننگ سینٹر (ایس ٹی سی ) اگرتلہ میں ریلی کو جھنڈی دکھا کر روانہ کیا، جبکہ ایس اے آئی  سونی پت میں، دیپیکا کماری (پدم شری ایوارڈ یافتہ آرچر)، پورنیما مہاتو (پدم شری آرچری کوچ)، ارجن ایوارڈ یافتہ سمیت انٹیل، پیرا اولمپکس کے ڈبل کھلاڑی اور گولڈل ایوڈی گیمز میں گولڈ میڈل جیو کے کھلاڑی شامل تھے۔ اوجس دیوتلے، ادیتی گوپی چند سوامی، پیرا اولمپئن سندر گرجر اور پشپندر نے حصہ لیا۔ مشہور ہندوستانی ہاکی کھلاڑی ایس کے اتھپا بھی ایس اے آئی  بنگلورو میں موجود تھے۔ اس دوران ایس اے آئی  روہتک میں آل انڈیا پولیس فورس کی ایک بڑی نمائندگی موجود تھی۔

محترمہ ریکھا آریہ، اتراکھنڈ کی وزیر کھیل، اور اتر پردیش کے وزیر کھیل گریش یادو نے اتراکھنڈ اور وارانسی کے متعلقہ پروگراموں میں شرکت کی۔ سابق کرکٹر اور اسپورٹس ایڈمنسٹریٹر صبا کریم نے اس اقدام کی جامعیت کی تعریف کی۔ یہ ایس اے آئی  کی طرف سے ایک شاندار قدم ہے۔ سائیکل چلانا ہمیں فٹ اور ہمارے اردگرد کو سرسبز رکھتا ہے۔ میں خود سائیکل چلا کر اسکول جاتا تھا۔ یہاں کوئی دیکھ بھال نہیں، کوئی آلودگی نہیں ہے۔ صحت اور ماحول کے لیے ایک بہترین ٹول ہے۔

ریسلر سریتا مور نے بھی جذباتی انداز میں کہا: ’میں وزیر اعظم نریندر مودی کی طرف سے شروع کی گئی اس پہل کا حصہ بن کر خود کو خوش قسمت سمجھتی ہوں۔ سائیکل چلانا پہلے سے ہی میرے تربیتی معمول کا حصہ ہے۔ آج اس ریلی کے ساتھ ہم آپریشن سندور کے اپنے بہادر سپاہیوں کو بھی یاد کرتے ہیں۔ ان کی وجہ سے ہی ہم آج محفوظ ہیں۔‘

ش ح ۔ ال

U-1334