نیٹ ورک پلاننگ گروپ (این پی جی) کا 94 واں اجلاس آج بلایا گیا تاکہ میٹرو ریل اور شہری ہوا بازی کے شعبوں میں بنیادی ڈھانچے کی اہم تجاویز کا جائزہ لیا جا سکے۔ پروجیکٹوں کا تجزیہ پی ایم گتی شکتی قومی ماسٹر پلان (پی ایم جی ایس – این ایم پی) کے اصولوں کے مطابق کیا گیا تھا، جس میں ملٹی موڈل کنیکٹیویٹی، آخری میل تک رابطہ کاری، اور لاجسٹکس کی کارکردگی اور سماجی و اقتصادی نتائج کو بہتر بنانے کے لیے انٹر موڈل کوآرڈینیشن پر توجہ دی گئی تھی۔

مجموعی طور پر پانچ بنیادی ڈھانچے کی تجاویز کا جائزہ لیا گیا - چار میٹرو ریل پروجیکٹ جو ہاؤسنگ اور شہری امور کی وزارت (ایم او ایچ یو اے) کی جانب سے تجویز کیے گئے تھے، اور ایک گرین فیلڈ ہوائی اڈے کا منصوبہ جو شہری ہوا بازی کی وزارت (ایم او سی اے ) نے تجویز کیا تھا۔ توقع کی جاتی ہے کہ ان اقدامات سے سفر کے وقت میں کمی آئے گی، شہری بھیڑ کو کم کرنے میں مدد ملے گی، اور متعلقہ علاقوں میں علاقائی ترقی کو تحریک ملے گی۔

وہ پروجیکٹس جن کا جائزہ لیا گیا:

ہاؤسنگ اور شہری امور کی وزارت (ایم او ایچ یو اے)

1۔ ایرو سٹی سے آئی جی ڈی ٹی-1 تک میٹرو لائن کی توسیع: اندرا گاندھی ڈومیسٹک ٹرمینل-1 (آئی جی ڈی ٹی-1) تک ایروسیٹی – تغلق آباد گلیارے کی 2.16 کلومیٹر زیر زمین توسیع کی تجویز دی گئی ہے۔ اس میں آئی جی ڈی ٹی-1 میں ایک نئے میٹرو اسٹیشن کی ترقی شامل ہے اور یہ اہم رہائشی زونز بشمول تغلق آباد، خانپور، ساکیت، مہرولی، اور وسنت کنج کو مربوط کرے گا۔ اس توسیع سے خاص طور پر فرید آباد سے تغلق آباد انٹرچینج کے ذریعے آنے والے مسافروں کے لیے ہوائی اڈے تک رسائی اور علاقائی نقل و حمل میں اضافہ ہوگا۔

2۔ لائن 8 (میجنٹا لائن)کی توسیع: راما کرشن آشرم مارگ سے اندرپرستھ تک: یہ 9.913 کلومیٹر مکمل طور پر زیر زمین میٹرو کوریڈور مرکزی وسٹا، انڈیا گیٹ، پرگتی میدان، وار میموریل، دہلی ہائی کورٹ، شیواجی اسٹیڈیم، اور دیگر جیسے اہم مقامات کو جوڑ دے گا۔ انڈیا گیٹ پر ایک مجوزہ اسٹیشن زائرین کو ایک محفوظ اور آسان ٹرانسپورٹ متبادل پیش کرے گا۔ اس منصوبے کا مقصد نجی گاڑیوں اور انٹرمیڈیٹ پبلک ٹرانسپورٹ (آئی پی ٹی) پر انحصار کو کم کرنا ہے، جبکہ پائیدار، صاف شہری نقل و حرکت کو فروغ دینا ہے۔

3۔ لائن 10 (گولڈن لائن) کی توسیع: تغلق آباد سے کالندی کنج تک: مجوزہ 9 کلومیٹر سطح زمین سے بلند گلیارہ علی گاؤں، علی وہار اور مدن پور کھدر سے گزرے گا۔ یہ کالندی کنج میں موجودہ میجنٹا لائن کے ساتھ ایک اہم انٹرچینج کی سہولت فراہم کرے گا، جو وایلیٹ اور میجنٹا لائنوں کو جوڑتا ہے۔ یہ کوریڈور نوئیڈا، گریٹر نوئیڈا اور باقی دہلی کے درمیان ہوائی اڈے تک رسائی اور رابطے کو بہتر بنائے گا، سفر کی سہولت اور مسافروں کی کارکردگی میں اضافہ کرے گا۔

4۔ نوئیڈا سیکٹر-51 سے نالیج پارک V، گریٹر نوئیڈا تک میٹرو گلیارہ: 17.435 کلومیٹر (نوئیڈا میں 7.263 کلومیٹر اور گریٹر نوئیڈا میں 10.172 کلومیٹر) کی کل لمبائی پر محیط یہ پروجیکٹ نوئیڈا کو نئی ترقی یافتہ گریٹر نوئیڈا ویسٹ ٹاؤن شپ سے براہ راست جوڑ دے گا۔ توقع ہے کہ اس سے گریٹر نوئیڈا کے بڑھتے ہوئے شہری شعبوں میں مسافروں کو بڑی راحت ملے گی۔

شہری ہوابازی کی وزارت (ایم او سی اے)

5۔ بوندی، کوٹہ (راجستھان) میں گرین فیلڈ ہوائی اڈے کی ترقی: ایم او سی اے نے کوٹا خطے میں ہوائی سفر کی بڑھتی ہوئی مانگ کو پورا کرنے کے لیے تقریباً 400 ایکڑ پر گرین فیلڈ ہوائی اڈے کی تجویز پیش کی ہے۔ ہوائی اڈہ اے 321-200 قسم کے ہوائی جہاز کو ایڈجسٹ کرے گا اور اس میں ایک جدید ٹرمینل عمارت ہے جس میں 500 آنے والوں اور 500 روانگی کے اوقات میں گنجائش ہوگی۔ اضافی انفراسٹرکچر میں رن وے، ایپرن، ٹیکسی ویز، آئسولیشن بے، ٹیکنیکل بلاک، اے ٹی سی ٹاور، فائر اسٹیشن اور سپورٹ سہولیات شامل ہوں گی۔ ہوائی اڈے سے اقتصادی ترقی، سیاحت اور تجارت کو فروغ دینے کی توقع ہے، اور خاص طور پر لاکھوں طلباء اور خاندانوں کو فائدہ پہنچے گا جو کوٹہ کا سفر کرتے ہیں، جو اب مسابقتی امتحان کی تیاری کا ایک قومی مرکز ہے۔

اس میٹنگ کی صدارت جوائنٹ سکریٹری، محکمہ برائے فروغ صنعت اور اندرونی تجارت (ڈی پی آئی آئی ٹی)، جناب پنکج کمار نے کی۔

 

**********

(ش ح –ا ب ن- ت ع )

U.No:1209

(Release ID: 2132224)