انتظامی اصلاحات اور عوامی شکایات کے محکمے نے ریاستی تعاون پر مبنی اقدامات کی اسکیم کے تحت ایک پروگرامی نقطہ نظر کے ذریعے خدمات کی فراہمی کو بہتر بنانے کے لیے عوامی انتظامیہ میں بہتری کو فروغ دینے اور اس کی حمایت کرنے کے لیے تمام ریاستی/ یو ٹی حکومتوں سے تجاویز طلب کی ہیں۔ یہ ریاستی تعاون کی پہل کے رہنما خطوط ریاستی حکومتوں اور انتظامی اصلاحات اور عوامی شکایات کے محکمے، حکومت ہند کے درمیان تعاون کے عمل کا تعین کرتے ہیں تاکہ اس کی شناخت کی جا سکے اور اس کو آگے بڑھایا جا سکے اور اس اقدام کو نقل کیا جا سکے جسے عوامی نظم و نسق میں بہترین کارکردگی کے لیے پی ایم ایوارڈ اور ایس سی آئی اے کے تحت نیشنل ای گورننس ایوارڈ سے نوازا گیا ہے۔ یہ اسکیم ایک نئے آئیڈیا، تصور، ڈھانچے یا نظام کو پائلٹ کرنے کو بھی فروغ دیتی ہے جس کے لیے علمی معلومات کی صورت میں تکنیکی مدد کی ضرورت ہو گی جو میزبان تنظیم/محکمہ/وزارت کے پاس دستیاب نہیں ہے۔ سکریٹری، ڈی اے آر پی جی، وی سری نواس نے 27 مئی 2025 کو تمام ریاستوں/ مرکز زیر انتظام علاقوں کے اے آر/ آئی ٹی محکموں کے سکریٹریوں کے ساتھ ایس سی آئی اسکیم کے تحت تمام ریاستوں/ مرکز زیر انتظام علاقوں سے تجاویز طلب کرنے کے لیے ایک آؤٹ ریچ میٹنگ کی صدارت کی۔ میٹنگ کے دوران، سکریٹری نے تمام ریاستوں/ مرکز کے زیر انتظام علاقوں پر زور دیا کہ وہ فعال طور پر تجاویز پیش کریں جن کا مقصد شہریوں پر مبنی خدمات کی فراہمی کے طریقہ کار کو بڑھانا ہے۔

ایس سی آئی کے رہنما خطوط ریاستی حکومتوں کے لیے ڈی اے ار پی جی کے ساتھ تعاون کرنے کے لیے ایک منظم طریقہ کار کا خاکہ پیش کرتے ہیں (a) ان اقدامات کو بڑھانا جن کو پبلک ایڈمنسٹریشن میں وزیر اعظم کا ایوارڈ برائے ایکسیلنس اور نیشنل ای گورننس ایوارڈ ملا ہے؛ (b) جدید نظریات، تصورات، یا سسٹم کو پائلٹ کرنا جن کے لیے تکنیکی مدد اور علمی معلومات کی ضرورت ہوتی ہے؛ (c) انتظامی کارکردگی اور ڈیجیٹل گورننس میں اصلاحات لانے کے لیے کامیاب ماڈل کا فائدہ اٹھانا۔ 2024 میں، ایس سی آئی اسکیم کے تحت میگھالیہ، ہماچل پردیش، کیرالہ، اتر پردیش، اور ناگالینڈ میں نئے منصوبوں کی مالی امداد کی گئی۔ یہ پروجیکٹ کلیدی شعبوں پر محیط ہیں جیسے ای-آفس کا نفاذ، انتظامی اصلاحات، دہلیز پر خدمات کی فراہمی اور قانونی چارہ جوئی کا انتظام۔ قابل ذکر بات یہ ہے کہ میزورم میں ای-آفس کے نفاذ کے لیے بھی فنڈ مختص کیے گئے تھے۔ ریاستوں اور مرکز زیر انتظام علاقوں کو مقامی ضروریات کے مطابق عوامی خدمت کی فراہمی کے ماڈل کو آگے بڑھانے کے لیے اسکیم کا فائدہ اٹھانے کی ترغیب دی جاتی ہے۔

********

ش ح۔ ف ش ع

U: 1160

(Release ID: 2131806)