ہندوستانی بحریہ ناویکا ساگر پریکرما –II کےکامیاب ٹیم  کا استقبال کرنے کے لئے پوری طرح تیار ہے، جس نے ہندوستانی بحریہ کے سیلنگ ویسل ترینی پر سوار ہوکر  دنیا کا  چکر لگانے کا کارنامہ انجام دیا ہے ۔ ڈبل ہینڈڈ موڈ میں اس نایاب کارنامے کو انجام دیتے ہوئے لیفٹیننٹ کمانڈر روپا اے اور لیفٹیننٹ کمانڈر دلنا کے 29 مئی 2025 کو گوا کے ساحل  تک پہنچنے کے لئے  تیار ہیں۔ اس غیر معمولی کشتی رانی کی مہم کو 24 اکتوبر2025 کو نیول اوشین سیلنگ نوڈ، گوا سے جھنڈی دکھا کر روانہ کیا گیا تھا ۔

(https://www.pib.gov.in/PressReleasePage.aspx?PRID=2061255)

اس تاریخی تقریب کی پرچم کشائی کی تقریب کی صدارت عزت مآب  وزیر دفاع جناب راج ناتھ سنگھ مورمگاؤ پورٹ، گوا پر کریں گے، جس میں پریکرما (چکر) کے اختتام کو باضابطہ طور پر نشان زد کیا جائے گا۔ یہ مہم ہندوستان کی بحری کوششوں کی علامت ہے، جس میں عالمی سمندری سرگرمیوں میں ملک کی اہمیت اور ہندوستانی بحریہ کی  برتری  اور ناری شکتی کے عزائم کو ظاہر کرتی ہے جو ‘‘ کوریجس ہرٹس باؤنڈلیس سی’’کے نعرے کی نشاندہی کرتی ہے۔

آٹھ مہینوں کے عرصے میں بحریہ کی جوڑی (جسے دل رو # کہا جاتا ہے) نے 25,400  این ایم (تقریباً 50,000 کلومیٹر) کا فاصلہ چار براعظموں، تین سمندروں اور تین  گریٹ  کیپس میں طے کیا اور انتہائی موسمی حالات اور چیلنجنگ سمندروں کا مقابلہ کرتے ہوئے صرف جہازوں اور ہوا کی طاقت پر انحصار کیا۔ (https://x.com/indiannavy/status/1905540042698952954).

 ایک  بارپھر سر اٹھانے والے ہندوستان کے قابل فخر پرچم برداروں کے طور پر دونوں نے فری مینٹل (آسٹریلیا)، لٹ لیٹن (نیوزی لینڈ)، پورٹ اسٹینلے (فاک لینڈ جزائر) اور کیپ ٹاؤن (جنوبی افریقہ) میں پورٹس کالز کے ساتھ اپنے چکر کا آغاز کیا۔ یہ افسران متعدد سفارتی اور آؤٹ ریچ مصروفیات میں  سرگرم عمل  رہے تھے، پارلیمنٹیرینز، ہندوستانی تارکین وطن، اسکول کے بچوں، نیول کیڈٹس اور دنیا بھر میں یونیورسٹی فیکلٹی کے ساتھ بات چیت کرتے رہے تھے۔ غیر معمولی طور  پر  انہیں مغربی آسٹریلیا کی پارلیمنٹ میں خصوصی طور پر  مدعو  کیا گیا۔ (https://x.com/HCICanberra/status/1857257399968743574) ان کی کامیابیوںاور ان کے کارناموں کے اعتراف میں مقامی کمیونٹیز، بین الاقوامی سیلنگ باڈیز اور خواتین کو بااختیار بنانے، سمندری  برتری  اور قومی فخر کی علامت کے طور پر کام کرنے والی غیر ملکی پارلیمانوں کی جانب سے  انہیں زبردست  پذیرائی ملی۔

عملے نے سفر کے دوران طوفانی موسمی حالات اور انتہائی سرد درجہ حرارت کے ساتھ 50 ناٹ (93 کلومیٹر فی گھنٹہ) کی رفتار سے چلنے والی ہواؤں کا سامنا کیا، جس سے انسانی برداشت، استقامت اور جہاز رانی کی مہارت کا آخری امتحان ہوتاہے۔ اگرچہ ہر پیر کے اپنے اپنے چیلنج تھے، لیکن لٹ لیٹن سے پورٹ اسٹینلے تک کے سفر کا تیسرا مرحلہ سب سے مشکل تھا۔ (https://x.com/indiannavy/status/1890656337962442836) عملے نے تین  سائیکلون  کا سامنا کیا اور خطرناک ڈریک پیسیج سے گزر کر کیپ ہارن کو کامیابی سے  عبور کیا۔ یہ  پریکرما، سمندر اور فطرت کے مشکل حالات کے درمیان افسروں کے غیر متزلزل جذبے، غیر معمولی بہادری، ہمت اور استقامت کو اجاگر کرتا ہے۔

سفر کے دوران، عملے کو خواتین کے عالمی دن کے موقع پر عزت مآب  وزیر دفاع  جناب راج ناتھ سنگھ  کے ساتھ بات چیت کرنے کا موقع ملا۔ انہوں نے عملے کو ان کے قابل ذکر سنگ میل حاصل کرنے کے لیے مبارکباد دی اور قومی سلامتی کو تقویت دینے میں خواتین کے  بے مثال  کردار کا اعتراف کیا اور دفاعی شعبہ میں خواتین کے لیے مواقع کو بڑھانے کے لیے ہندوستان کے عزائم کا اعادہ کیا۔   (https://www.pib.gov.in/PressReleasePage.aspx?PRID=2109200)  اس کے علاوہ بحریہ کے سربراہ اے ڈی ایم دنیش کے ترپاٹھی نے بھی مختلف مواقع پر عملے کے ساتھ بات چیت کی اور ان کی مثالی مہارت، پیشہ ورانہ  صلاحیت، دوستی اور ٹیم ورک کی تعریف و ستائش  کی۔

ملک  ، ناویکا ساگر پرکرما- II کے  پرعزم   اور بہادرعملے کی آمد کا بے صبری سے انتظار کر رہا ہے، یہ مہم ہندوستان کی سمندری تاریخ کا ایک اہم باب ہے۔ عملے نے عالمی سطح پر سمندری سفر کی مہارت کو ظاہر کرتے ہوئے دریافت  کے جذبے کی مثال  پیش کی۔ یہ ایک روشن اور بااختیار مستقبل کے لیے نئی راہیں طے کرتے ہوئے ہندوستان کے سمندری ورثے کے لیے بااختیار بنانے اور اختراع اور وابستگی کا سفر رہا ہے۔ یہ ہندوستانی بحریہ کے دنیا کے سمندروں کے وسیع پیمانے پر پیشہ ورانہ مہارت اور ذمہ داری کے اعلیٰ معیار کو برقرار رکھنے کے عہد کی تصدیق کرتا ہے۔

 

*******

ش ح۔ ظ ا-ن ع

UR  No.1147

(Release ID: 2131710)