சென்னையில் இன்று நடைபெற்ற ஆயுஷ் மருத்துவ மதிப்புப் பயணம் குறித்த தென் பிராந்திய உச்சிமாநாடு, முழுமையான மற்றும் ஒருங்கிணைந்த சுகாதாரப் பராமரிப்புக்கான உலகளாவிய மையமாக நாட்டை நிறுவுவதற்கான  பிரதமர் திரு நரேந்திர மோடியின் தொலைநோக்குப் பார்வையை நிறைவேற்றுவதற்கான ஒரு குறிப்பிடத்தக்க நடவடிக்கையாக அமைந்தது.

‘ஆயுஷ் மருத்துவ மதிப்புப் பயணம் - நல்வாழ்வை ஊக்குவித்தல், உலகளாவிய உறவுகளை வலுப்படுத்துதல்’ என்ற கருப்பொருளின் கீழ், இயற்கை, தடுப்பு மற்றும் நோயாளிகளை மையமாகக் கொண்ட சுகாதார தீர்வுகளுக்கான அதிகரித்து வரும் உலகளாவிய தேவையை பூர்த்தி செய்வதில் இந்தியாவின் விரிவடையும் பங்கை இந்த உச்சிமாநாடு எடுத்துக்காட்டுகிறது. கேரளாவில் பஞ்சகர்மா மையங்கள், தமிழ்நாடு மற்றும் கர்நாடகாவில் சித்தா மற்றும் இயற்கை மருத்துவ நிறுவனங்கள் ஆகியவற்றின் வளமான பாரம்பரியத்துடன், ஆந்திரா, தெலுங்கானா மற்றும் புதுச்சேரியில் வளர்ந்து வரும் ஆராய்ச்சி மற்றும் நல்வாழ்வு உள்கட்டமைப்புடன், தென்னிந்தியா, நாடு முழுவதும் முழுமையான பராமரிப்புக்கு ஒரு முன்மாதிரியாக நிற்கிறது.

 

இந்த நிகழ்வின் தலைமை விருந்தினராகக் கலந்து கொண்ட மத்திய இணையமைச்சர், ஆயுஷ், பாதுகாப்பான, அறிவியல் பூர்வமாக ஆதரிக்கப்பட்ட மற்றும் நிலையான சுகாதார அணுகுமுறைகளைக் கொண்டது என்றார்.  இந்தியாவின் பாரம்பரிய முறைகளான ஆயுர்வேதம், சித்தா, யோகா மற்றும் இயற்கை மருத்துவம், யுனானி, சோவா ரிக்பா மற்றும் ஹோமியோபதி ஆகியவற்றின் முக்கியத்துவத்தை அவர் வலியுறுத்தினார். ஆயுஷ் அடிப்படையிலான மருத்துவ மதிப்பு பயணத்தில் இந்தியாவின் தலைமையை வலுப்படுத்தி, உலகளாவிய சுகாதாரம் மற்றும் பொருளாதார வளர்ச்சிக்கு பங்களிக்கும் வகையில், கலாச்சார ரீதியாக வேரூன்றிய மற்றும் உலகளவில் பொருத்தமான நல்வாழ்வு மாதிரிகளை உருவாக்க அனைத்து மாநிலங்களையும் அவர் வலியுறுத்தினார்.

 

சிறப்புரையாற்றிய ஆந்திர அரசின் சுகாதாரம், குடும்ப நலன் மற்றும் மருத்துவக் கல்வி அமைச்சர் திரு சத்ய குமார் யாதவ், உலகளாவிய நல்வாழ்வு மையமாக இந்தியாவின் நிலையை வலுப்படுத்துவதில் இந்த முயற்சிகளின் ஆற்றலை எடுத்துரைத்தார்.

 

நிகழ்வில் பேசிய ஆயுஷ் அமைச்சகத்தின் இணைச் செயலாளர் திருமதி மோனலிசா தாஷ், ஆயுஷ் அடிப்படையிலான மருத்துவ மதிப்பு பயணம் உலகளவில் ஒருங்கிணைந்த, நோயாளிகளை மையமாகக் கொண்ட சுகாதாரப் பராமரிப்பை மேம்படுத்துவதற்கான இந்திய உத்தியின் முக்கிய தூணாகும். பாரம்பரிய சிகிச்சைகளைத் தேடும் சர்வதேச நோயாளிகளுக்கு எளிதான அணுகலை நாங்கள் வழங்குகிறோம். தர உறுதி, மருத்துவ தரப்படுத்தல் மற்றும் டிஜிட்டல் ஒருங்கிணைப்பு ஆகியவற்றில் கவனம் செலுத்தி, தென் மாநிலங்கள் தங்கள் வளமான ஆயுஷ் பாரம்பரியத்துடன் ஒரு வலுவான அடித்தளத்தை வழங்குகின்றன என்று கூறினார்.

 

இந்த உச்சிமாநாடு, ஆயுஷ் சார்ந்த மருத்துவ மதிப்பு பயணத்தை விரிவுபடுத்துவதற்காக மாநில அரசுகள், தொழில் தலைவர்கள் மற்றும் சுகாதார வழங்குநர்களுக்கு இடையேயான ஒத்துழைப்பை வளர்க்கிறது. இந்த முயற்சி சர்வதேச நோயாளிகளை ஈர்ப்பதை மட்டுமல்லாமல், இந்தியாவின் பாரம்பரிய குணப்படுத்தும் ஞானத்தை நவீன விநியோக முறைகளுடன் கலக்கும் ஒரு நிலையான மற்றும் ஒருங்கிணைந்த சுகாதார சுற்றுச்சூழல் அமைப்பை உருவாக்குவதையும் நோக்கமாகக் கொண்டுள்ளது.

 

தென் பிராந்திய உச்சிமாநாட்டில் ஆயுஷ் சுகாதார மையங்கள், ஆயுஷ் கல்லூரிகள் மற்றும் ஆராய்ச்சி நிறுவனங்கள், சுகாதார தொழில்நுட்ப தொடக்க நிறுவனங்கள், மருத்துவ சுற்றுலா வல்லுநர்கள், நல்வாழ்வு பயண வசதியாளர்கள், ஊடகங்கள் மற்றும் நல்வாழ்வு செல்வாக்கு செலுத்துபவர்கள், அத்துடன் ஓய்வு விடுதிகள், ஸ்பாக்கள், நல்வாழ்வு ரிசார்ட்டுகள் மற்றும் பிற தொடர்புடைய துறைகளின் பிரதிநிதிகள் உட்பட 325 பிரதிநிதிகள் பங்கேற்றனர்.

 

இந்த உச்சிமாநாட்டின் அமர்வுகள், "ஆயுஷ் & நல்வாழ்வு பயணத்தை மேம்படுத்துதல்: ஆயுஷ் அடிப்படையிலான மருத்துவ மதிப்பு பயணத்தை ஊக்குவிப்பதற்கான தேசிய & மாநில அரசு உத்திகள்" என்பதை ஆராய்ந்தன, இது இந்தியாவின் பாரம்பரிய சுகாதார சேவைகளை உலகளவில் அளவிடுவதில் அரசுத் தலைமையின் பங்கை மையமாகக் கொண்டது. ஆயுஷ் அடிப்படையிலான மருத்துவ மதிப்பு பயணத்தை ஊக்குவித்தல், நல்வாழ்வு உள்கட்டமைப்பை வலுப்படுத்துதல் மற்றும் ஒரு முழுமையான சுகாதார இடமாக இந்தியாவின் ஈர்ப்பை மேம்படுத்துதல் ஆகியவற்றை நோக்கமாகக் கொண்ட முக்கிய முயற்சிகளை கேரளா, கர்நாடகா, தமிழ்நாடு மற்றும் புதுச்சேரி அரசுகள் மூலம் மாநில அரசு வழங்கும் செயல்பாடுகளை இந்த அமர்வு எடுத்துக்காட்டுகிறது.

 

தரம், பாதுகாப்பு மற்றும் நோயாளி திருப்தி ஆகியவற்றில் மேலும் கவனம் செலுத்தவும், மருத்துவ சுகாதார சேவைகளை வழங்குவதில் ஆயுஷ் துறையின் திறனை ஆராய்வதன் மூலம் ஆயுஷின் குணப்படுத்தும் திறன் உலகளாவிய சமூகத்தை சென்றடைவதை உறுதி செய்யவும் நடவடிக்கைக்கான அழைப்புடன் நிகழ்வு நிறைவடைந்தது.

***

AD/SM/PKV/DL

(रिलीज़ आईडी: 2131438) आगंतुक पटल : 6