زراعت اور کسانوں کی بہبود اور دیہی ترقیات کے مرکزی وزیر جناب شیوراج سنگھ چوہان کی قیادت میں‘ وکست  کرشی سنکلپ  ابھیان’ کی تیاریاں اب آخری مراحل میں ہیں۔ اس بڑے پیمانے پر مہم 29 مئی کو شری جگناتھ پوری، اڈیشہ کی مقدس سرزمین سے شروع کی جائے گی۔ انڈین کونسل آف اگریکلچرل ریسرچ اور وزارت زراعت اور کسانوں کی بہبود کا پورا عملہ ریاستوں کے تعاون سے اس کی تیاریوں میں مصروف ہے۔ آج اس سلسلہ میں  جناب  شیوراج سنگھ چوہان نے پوسا کیمپس میں واقع سبرامنیم ہال میں ملک بھر کے زرعی سائنسدانوں سے بات چیت کی۔ اس موقع پر زراعت کے سکریٹری  جناب  دیویش چترویدی، آئی سی اے آر کے ڈائریکٹر جنرل ڈاکٹر ایم ایل جاٹ ، انڈین کونسل آف ایگریکلچرل ریسرچ کے تمام 113 اداروں، انڈین کونسل آف ایگریکلچرل ریسرچ، انڈین ایگریکلچرل ریسرچ انسٹی ٹیوٹ کے ساتھ ساتھ مرکزی اور ریاستی حکومتوں کے 731 کرشی وگیان کیندروں اور زرعی یونیورسٹیوں کے سائنسدانوں اور پروفیسروں نے بڑی تعداد میں آڈیٹوریم میں موجود  رہ کر اور ورچوول جوائننگ کے ذریعے اس ڈائیلاگ پروگرام میں جوش و خروش سے حصہ لیا۔

یہاں مرکزی وزیر زراعت شیوراج سنگھ چوہان نے کہا کہ میں اقتدار کی آسائشوں کے لیے وزیر زراعت نہیں بنا بلکہ میری زندگی کسانوں کی خدمت، پیداوار بڑھانے، پیداواری لاگت کو کم کرنے، غذائی تحفظ کو یقینی بنانے، ملک میں غذائی ذخائر کو بھرنے اور آنے والی نسلوں کے زراعت سے متعلق مفادات کے تحفظ کے لیے وقف ہے۔ مسٹر چوہان نے کہا کہ کھادوں کا متوازن استعمال، مقامی حالات، درست  اور صحیح تحقیقی معلومات اور اچھے بیج یقینی طور پر کاشتکاروں کو پیداواری صلاحیت بڑھانے میں مدد دے سکتے ہیں۔

زرعی سائنسدانوں، محکمہ کے عملے اور کسانوں کو جوڑنے پر زور دیتے ہوئے جناب شیو راج سنگھ چوہان نے کہا کہ اس مہم کے ذریعے کسانوں کو جوڑنے کی ایک بڑی کوشش کی جا رہی ہے۔

انہوں نے کہا کہ کھیتی باڑی دل اور شوق کا معاملہ ہے۔ کھیتی کو جیا جاتا ہے۔ میری ہر سانس میں زراعت ہے اور میرے جسم کا ہر رگ و ریشہ  کسان ہیں۔ جب فصل اچھی یا بری ہوتی ہے تو جذبات شامل ہو جاتے ہیں۔

جناب  چوہان نے کہا کہ حکومت زرعی تحقیق کو آگے بڑھانے کی پوری کوشش کر رہی ہے۔ وزیر اعظم جناب نریندر مودی کی قیادت میں ہماری حکومت تحقیق اور  ریسرچ  کے لیے فنڈز کی کوئی کمی نہیں آنے دے گی۔

 جناب  شیوراج سنگھ نے یہ بھی کہا کہ یہ مہم ایک نتیجہ خیز پروگرام ہے، جس کے نتائج جلد ہی اس خریف سیزن میں پیداوار میں اضافے اور پیداواری لاگت میں کمی کی صورت میں نظر آئیں گے۔

جناب  چوہان نے ملک کے سائنسدانوں سے بھی اپیل کی کہ وہ عالمی سطح پر اپنی تحقیقی صلاحیتوں کو ثابت کریں۔ انہوں نے کہا کہ ہمارے زرعی اداروں میں اتنی طاقت ہے کہ پوری دنیا اس کا اعتراف کرے گی۔

 جناب  چوہان نے سائنسدانوں کی کوششوں کی تعریف کی اور کہا کہ اس مہم کے مکمل ہونے کے بعد ملک سائنسدانوں کے تئیں اظہار تشکر کرے گا۔ یہ مہم 29 مئی سے 12 جون تک ملک گیر سطح پر چلائی جا رہی ہے جس میں سائنسدانوں کی ٹیمیں گاؤں گاؤں جائیں گی اور کسانوں سے براہ راست بات چیت کریں گی۔ اس مہم میں 731 کرشی وگیان کیندروں (کے وی کے) اور آئی سی اے آر کے 113 اداروں کے ماہرین اور ریاستی اور زراعت کے دیگر محکموں کا عملہ بھی اس مہم میں شامل ہوگا۔ یہ مہم 700 سے زائد اضلاع میں چلائی جائے گی۔ اس کے علاوہ محکمہ زراعت، باغبانی، مویشی پالن، ماہی پروری وغیرہ کے افسران، سائنسدان اور اختراعی کسانوں کو بھی اس مہم  میں شامل کیا جائے گا۔ اس مہم کا مقصد 1.5 کروڑ (15ملین) کسانوں سے براہ راست رابطہ کرنا ہے۔

*******

ش ح-۔ ظ ا- ش ب ن

UR  No.1082