چیف الیکشن کمشنر شری گیانیش کمار نے الیکشن کمشنروں ڈاکٹر سکھبیر سنگھ سندھو اور ڈاکٹر وویک جوشی کی موجودگی میں آئی آئی آئی ڈی ای ایم، نئی دہلی میں الیکشن کمیشن آف انڈیا کی نمائندگی کرنے والے مشیروں کی قومی کانفرنس کا افتتاح کیا۔ ہندوستان کی سپریم کورٹ اور 28 ہائی کورٹس کے سینئر وکلاء بشمول ملک بھر میں اس کے بنچوں کے ساتھ ساتھ تمام ریاستوں/ مرکز کے زیر انتظام علاقوں کے عہدیداروں اور 36 سی ای اوز نے کانفرنس میں شرکت کی۔ اس اقدام کا مقصد ہم آہنگی حاصل کرکے، ابھرتے ہوئے چیلنجوں کا زیادہ مؤثر طریقے سے مقابلہ کرنے کے لیے کمیشن کے قانونی ڈھانچے کو مضبوط اور نئے سرے سے ترتیب دینا ہے۔ کانفرنس میں مخالفانہ نہ ہونے اور سامعین کو وسیع مواقع فراہم کرنے پر زور دیا گیا ۔

ایک روزہ کانفرنس نے ملک بھر کے ممتاز قانونی ماہرین اور کمیشن کے درمیان مکالمے اور تبادلہ خیال کے لیے ایک اہم پلیٹ فارم فراہم کیا۔ یہ تزویراتی شراکت داری الیکشن کمیشن کی جانب سے انتخابی فقہ کے متحرک منظرنامے کے ساتھ اپنے قانونی وسائل کو ہم آہنگ کرنے کی ایک نمایاں کوشش ہے۔ گفتگو کا محور کمیشن کی قانونی ٹیم کی تیاری، کارکردگی، اور ہم آہنگی کو بہتر بنانا تھا، خاص طور پر انتخابی قوانین، عدالتی کارروائیوں اور قانونی اصلاحات سے متعلق امور پر۔ اس باہمی رابطے کے ذریعے، کمیشن نے مختلف عدالتی فورمز میں اپنی قانونی نمائندگی کو مزید مؤثر بنانے کی کوشش کی۔

جمعہ کے روز الیکشن کمیشن نے نئی دہلی میں واقع آئی آئی آئی ڈی ای ایم میں چیف الیکٹورل آفیسرز کی ایک کانفرنس منعقد کی۔ اس کانفرنس کا مقصد الیکشن کمیشن آف انڈیا (ای سی آئی) کی آئی ٹی سے متعلقہ پہلوؤں کے لیے ایک مؤثر لائحہ عمل تیار کرنا اور ان اقدامات کو مستحکم بنانا تھا۔الیکشن کمیشن نے 2025 میں ایک نئی پہل کا آغاز کیا ہے جس کے تحت ایک مربوط ڈیش بورڈ ’ای سی آئی نیٹ‘تیار کیا جا رہا ہے۔ اس کا مقصد تمام متعلقہ فریقوں کو قانونی دائرہ کار کے تحت درکار معلومات تک یکساں اور آسان رسائی فراہم کرنا ہے۔یہ منفرد اقدام ای سی آئی کی تمام آئی سی ٹی  پہلوں کو ایک ہی پلیٹ فارم کے تحت یکجا کرے گا، جس سے شفافیت، کارکردگی اور رابطے کو فروغ ملے گا۔

-----------------------------------------------------

ش ح۔  ش ت۔ص ج

UN-NO-1091

(Release ID: 2131237)