"டிஜிட்டல் இணைப்புக்கான கட்டிடங்கள் அல்லது பகுதிகளின் மதிப்பீடு குறித்த பரிந்துரைகள்" பற்றிய  20.02.2023 தேதியிட்ட டிராயின்  பரிந்துரைகள் தொடர்பாக தொலைத்தொடர்புத் துறையிலிருந்து  பெறப்பட்ட 19.03.2025 தேதியிட்ட பின்-குறிப்புக்கு இந்திய தொலைத்தொடர்பு ஒழுங்குமுறை ஆணையம்  (டிராய்) இன்று தனது பதிலை வெளியிட்டது.

நாம் வாழும் மற்றும் பணிபுரியும் விதத்திற்கு டிஜிட்டல் இணைப்பு மிக முக்கியமானது. கடந்த இரண்டு தசாப்தங்களில் டிஜிட்டல்மயமாக்கலில் ஏற்பட்ட அதிவேக வளர்ச்சி, பொருளாதாரம், புதுமை, அறிவியல் மற்றும் கல்வி முதல் சுகாதாரம், நீடித்தத்தன்மை, நிர்வாகம் மற்றும் வாழ்க்கை முறை வரை அனைத்திலும் தாக்கத்தை ஏற்படுத்தி  உலகில் புரட்சியை ஏற்படுத்தியுள்ளது.

கடந்த காலங்களில், இந்திய தொலைத்தொடர்பு ஒழுங்குமுறை ஆணையமும் அரசும் தொலைத்தொடர்பு இணைப்பின் தேவைகளைப் பூர்த்தி செய்ய பல்வேறு கொள்கை முயற்சிகளை எடுத்துள்ளன. இது தொடர்பாக டிராய் ஏற்கனவே அளித்த முக்கிய பரிந்துரைகள் மார்ச் 25, 2022 தேதியிட்ட ‘கட்டிடங்கள் அல்லது டிஜிட்டல் இணைப்புக்கான பகுதிகளின் மதிப்பீடு’ குறித்த ஆலோசனைக் கட்டுரையின்  இணைப்பு II இல் கொடுக்கப்பட்டுள்ளன. இந்தக் கொள்கை தலையீடுகள் இணைப்பை மேம்படுத்த உதவியுள்ளன. இருப்பினும், இந்த முயற்சிகள் அனைத்தும் குறிப்பாக கட்டிடங்கள் அல்லது பகுதிகளுக்குள் விரும்பிய அளவிலான டிஜிட்டல் இணைப்பை அடைவதில் தோல்வியடைந்துள்ளதாக ஆணையம் குறிப்பிட்டது.

கட்டிடங்களின் மேம்பாட்டைப் பொறுத்தவரை, நீர், மின்சாரம், எரிவாயு, தீத்தடுப்பு மற்றும்  பாதுகாப்பு, கட்டமைப்பு பாதுகாப்பு மற்றும் பிற விதிகள் போன்ற கட்டிட சேவைகளுக்கான குறைந்தபட்ச அல்லது அத்தியாவசியத் தேவைகளை பரிந்துரைப்பது தொடர்புடைய சட்டங்கள், துணைச் சட்டங்கள் மற்றும் விதிமுறைகள் உள்ளன என்று ஆணையம்  குறிப்பிட்டுள்ளது. கட்டிடங்களின் கட்டுமானத்தின் பல்வேறு கட்டங்களில் ஒப்புதல்களை வழங்குவதன் மூலமும், கட்டுமானத்தின் போது மேற்பார்வையிடுவதன் மூலமும், அத்தகைய வசதிகளைப் பயன்படுத்துவதற்கான ஒப்புதலை வழங்குவதன் மூலமும் அதைச் செயல்படுத்துவதற்கு பொறுப்பான உள்ளூர் அமைப்புகள் மற்றும் அதிகாரிகள் உள்ளனர். வீட்டுவசதி மற்றும் நகர்ப்புற விவகார அமைச்சகத்தின் கீழ் உள்ள நகரம் மற்றும் நாட்டு திட்டமிடல் அமைப்பால்  வெளியிடப்பட்ட மாதிரி கட்டிட துணைச் சட்டங்கள்  அனைத்து கட்டிட சேவைகளுக்கான விதிகளையும் கொண்டுள்ளது. கட்டிட மேம்பாடு தொடர்பான நடவடிக்கைகளுக்கு மாநிலங்கள் அந்தந்த மாநில துணைச் சட்டங்களில் விதிகளை ஏற்றுக்கொள்கின்றன.

இந்தச் சூழலில், கட்டிடத்திற்குள் உள்ள டிஜிட்டல் இணைப்பு தொடர்பான சிக்கல்களை கூட்டு முறையில் நிவர்த்தி செய்வதற்காக, 'கட்டிடங்கள் அல்லது டிஜிட்டல் இணைப்புக்கான பகுதிகளின் மதிப்பீடு' குறித்து 20.02.2023 தேதியிட்ட விரிவான பரிந்துரைகளை ஆணையம் அரசுக்கு சமர்ப்பித்துள்ளது. தற்போதைய சூழலில், கட்டிடங்களுக்குள் தடையற்ற 5ஜி மற்றும் வரவிருக்கும் 6ஜி சேவைகளை அடைவதற்கும், அவற்றை எதிர்காலத்திற்குத் தயார்படுத்துவதற்கும் இந்தப் பரிந்துரைகள் மிகவும் பொருத்தமானதாகின்றன.

அதைத் தொடர்ந்து, 19.03.2025 தேதியிட்ட பின் குறிப்பு மூலம், , 20.02.2023 தேதியிட்ட “கட்டிடங்கள் அல்லது டிஜிட்டல் இணைப்புக்கான பகுதிகளின் மதிப்பீடு குறித்த பரிந்துரை”யில் உள்ள சில பரிந்துரைகள் குறித்து டிராயிடம்  தொலைத்தொடர்புத் துறை  விளக்கம் கோரியது.

டிராய் தனது பதிலை இறுதி செய்துள்ளது. இது டிராயின் வலைத்தளத்தில் (www.trai.gov.in) வைக்கப்பட்டுள்ளது.

----

(Release ID: 2130494)

AD/SM/PKV/KPG/KR

(Release ID: 2130548)