مرکز کے زیر انتظام علاقے جموں و کشمیر میں اندرون ملک آبی نقل و حمل (آئی ڈبلیو ٹی) کے شعبے کو مضبوط کرنے کے لیے، بندرگاہوں، جہاز رانی اور آبی گزرگاہوں کی وزارت کے تحت اندرون ملک آبی گزرگاہوں کی ہندوستانی  اتھارٹی  (آئی ڈبلیو اے آئی) نے سری نگر کے ٹرانسپورٹ بھون میں اپنا نیا دفتر قائم کیا ہے ۔ دفتر کی جگہ جموں و کشمیر حکومت نے فراہم کی ہے ۔ آج سے کام کرنے والا یہ دفتر خطے میں اتھارٹی کے ذریعے کئے جانے والے تمام آئی ڈبلیو ٹی کاموں کا مرکز ہوگا ۔

آئی ڈبلیو اے آئی نے مرکز کے زیر انتظام علاقے جموں و کشمیر کی حکومت کے ساتھ ایک مفاہمت نامے پر دستخط کیے ہیں تاکہ مرکز کے زیر انتظام علاقے یعنی این ڈبلیو-26(دریائے چیناب)، این ڈبلیو-49(دریائے جہلم)، این ڈبلیو-84 (دریائے راوی) میں تین قومی آبی گزرگاہوں میں ریور نیویگیشن انفراسٹرکچر تیار کیا جاسکے ۔اتھارٹی اب مفاہمت نامے کے فریم ورک کے تحت ترقیاتی کام شروع کرے گی ۔ ان کاموں میں جموں و کشمیر میں دس مقامات پر تیرتی ہوئی جیٹیوں کا قیام ، جہاں بھی ضرورت ہو وہاں ڈریجنگ کے ذریعے نیوی گیشنل فیئر وے کی ترقی ، ان آبی گزرگاہوں میں جہازوں کی محفوظ نقل و حرکت کے لیے نائٹ نیوی گیشنل ایڈز اور باقاعدہ ہائیڈرو گرافک سروے شامل ہیں ۔

وزیر اعظم جناب نریندر مودی کی متحرک قیادت اور بندرگاہوں ، جہاز رانی اور آبی گزرگاہوں کے وزیر جناب سربانند سونووال کی قابل رہنمائی میں ، آئی ڈبلیو اے آئی نے آبی گزرگاہوں کو ترقی کے ایک مضبوط انجن کے طور پر تیار کرنے کے لیے کئی بنیادی ڈھانچوں کے لیے اقدامات کیے ہیں ۔ آئی ڈبلیو ٹی ٹرمینلز اور متعلقہ بنیادی ڈھانچے کی ترقی جیسے فعال اقدامات کے ساتھ ، آئی ڈبلیو اے آئی ملک بھر میں دریاؤں کی بے پناہ صلاحیتوں کو بروئے کار لانے کے لیے کام کر رہا ہے ۔ آئی ڈبلیو اے آئی اور جموں و کشمیر حکومت کے درمیان شراکت داری ایک اہم قدم ہے جو مرکز کے زیر انتظام علاقے میں ماحولیاتی سیاحت کو فروغ دینے کے ساتھ ساتھ مقامی معیشت کو بھی فروغ دینے کا وعدہ کرتی ہے ۔

************

ش ح ۔ ا م۔ ر ب

U. No.752

(Release ID: 2128440)