لوک سبھا کے اسپیکر جناب اوم برلا نے آج کہا کہ وزیر اعظم جناب نریندر مودی کی قیادت میں ہندوستان کی مسلح افواج جدید ٹیکنالوجی اور اسٹریٹجک ویژن دونوں لحاظ سے مضبوط ہوئی ہیں۔ جناب برلا نے اس بات پر زور دیا کہ ہندوستانی فوج ہمیشہ ہمت وحوصلہ اور بہادری کی علامت رہی ہے اور آج اگر ملک کی سرحدیں محفوظ ہیں تو یہ نوجوان ہندوستانیوں کی بہادری اور لگن کی وجہ سے ہے، جن کا ہمت  وحوصلہ قوم کو ہمیشہ تحریک دیتا ہے۔ انہوں نے کہا کہ گزشتہ دہائی میں ہندوستان نے عالمی سطح پر ایک خاص مقام حاصل کیا ہے۔ جناب برلا نے یہ باتیں دہلی یونیورسٹی کے شیام لال کالج (شام) کے سالانہ دن کی تقریب سے خطاب کرتے ہوئے کہیں۔

انہوں نے کہا کہ نوجوانوں کا اعتماد، نظریات اور عزم ہی قوم کی اصل طاقت ہے اور انہیں ہر عمل، طرز عمل، مطالعہ اور اختراع میں ’’ملک مقدم ‘‘ کی ذہنیت کو اپنانے کی تلقین کی۔ جناب برلا نے کہا کہ نوجوانوں کو اختراع پر توجہ مرکوز کرتے ہوئے Viksit Bharat@2047.کے وژن کو پورا کرنے کے لیے سخت محنت کرنے کی ضرورت ہے۔

भारत की सेना अपने सामर्थ्य से दुनिया में देश का गौरव और सम्मान बढ़ा रही है। आज सीमा पर हम मजबूत हैं, तो भारत की मुस्तैद सेना और नौजवानों के कारण हैं।

दिल्ली विश्वविद्यालय के प्रतिष्ठित श्याम लाल कॉलेज (Evening) के वार्षिक उत्सव में ऊर्जावान विद्यार्थियों को संबोधित कर हमारे… pic.twitter.com/gRhY3FVzWO

— Om Birla (@ombirlakota) May 9, 2025

جناب برلا نے اس بات پر زور دیا کہ قوم کو آگے بڑھانے کی ذمہ داری نوجوانوں پر عائد ہوتی ہے کیونکہ وہ نئے خیالات اور پختہ عزم کے ساتھ آگے بڑھتے ہیں۔ جناب برلا نے نہ صرف معیاری تعلیم بلکہ مضبوط ثقافتی اقدار کی فراہمی میں شیام لال کالج کے تعاون کی ستائش  کی، جو قوم کو آگے لے جانے کے لیے تیار ایک تعلیم یافتہ، نظم و ضبط اور محب وطن نسل کی تشکیل میں مدد کرتی ہے۔

جناب برلا نے تبصرہ کیا کہ گزشتہ 75 برسوں میں ہندوستان نے قابل ذکر ترقی کی ہے۔ انہوں نے مزید کہا کہ قوم کی عظمت اور عالمی شناخت میں نمایاں اضافہ ہوا ہے اور اس کامیابی میں سب سے نمایاں حصہ اس کے نوجوانوں کا ہے۔ انہوں نے کہاکہ یہ ان کے لیے باعث مسرت ہے کہ ہندوستان کے نوجوان ذہن اپنی قابل ستائش دانشورانہ صلاحیت، نقطہ نظر اور لگن کے ساتھ عالمی چیلنجوں کو حل کر رہے ہیں۔ انہوں نے ذکر کیا کہ قدیم ہندوستانی تعلیمی نظام، جیسا کہ تکشاشیلا اور نالندہ، نے ثقافتی ورثے  اور علم کے خوبصورت امتزاج  کی تشکیل کی ہے ۔

انہیں یہ جان کر خوشی ہوئی کہ آج ہمارا جدید تعلیمی نظام اسی وراثت پر استوار ہے،  جو جدت اور تحقیق کی حوصلہ افزائی کرتا ہے۔ جناب برلا نے اس حقیقت کی تعریف کی کہ یونیورسٹیاں اختراع کے مراکز بن رہی ہیں اور مستقبل کے چیلنجوں کا حل فراہم کر رہی ہیں۔ انہوں نے کہا کہ ہندوستانی نوجوانوں کی تکنیکی مہارت، پیشہ ورانہ مہارت اور کام کی اخلاقیات   کے سبب دنیا بھر میں بہت زیادہ مانگ ہے،جو انہیں عالمی سطح پر نمایاں  حیثیت عطا کرتی ہیں۔

اس موقع پر ممبر پارلیمنٹ جناب منوج تیواری بھی موجود تھے۔

****

ش ح۔ش ب۔ش ت

U NO: 736

(Release ID: 2128327)