نئی دہلی ، 6 مئی:ناگالینڈ کے وزیر اعلیٰ جناب نیفیو ریو نے آج نئی دہلی میں سائنس اور ٹیکنالوجی اور ارضیاتی سائنس کے وزیر مملکت (آزادانہ چارج)؛وزیر مملکت برائے پی ایم او، ایٹمی توانائی، محکمہ خلاء، عملہ اور عوامی شکایات اور پنشن ڈاکٹر جتندر سنگھ سے ملاقات کی ۔

جناب وائی پٹن،ناگالینڈ کے نائب وزیر اعلیٰ اور وزیر داخلہ اور محترمہ باغبانی اور انسانی وسائل کی ترقی کی وزیر صلاحوتونو کروز بھی میٹنگ کے دوران وزیر اعلیٰ کے ہمراہ موجود تھیں۔

میٹنگ میں حکومت ہند کے کلیدی اقدامات کے ذریعے ناگالینڈ میں ترقی کو مزید تیز کرنے کے لیے مشترکہ کوششوں خاص طور پر سائنس اور ٹیکنالوجی، انتظامی اصلاحات اور اچھی حکمرانی سے متعلق شعبوں پر توجہ مرکوز کی گئی۔

وزیر اعظم جناب نریندر مودی کی طرف سے شمال مشرق کو دی گئی اعلیٰ ترین ترجیح کا اعادہ کرتے ہوئے ڈاکٹر جتیندر سنگھ نے شمال مشرقی خطے میں اختراع ، سائنسی تحقیق اور ٹیکنالوجی پر مبنی ترقی کو فروغ دینے کے لیے مرکز کی ترجیح پر زور دیا ۔بات چیت میں ریاست میں سائنس اور ٹیکنالوجی کے بنیادی ڈھانچے کو وسعت دینے ، اسٹارٹ اپس اور انکیوبیشن مراکز کو فروغ دینے اور سائنس اور ٹیکنالوجی کے محکمے (ڈی ایس ٹی) اور محکمہ بائیو ٹیکنالوجی (ڈی بی ٹی) کے پروگراموں کے ذریعے نوجوانوں میں سائنسی مزاج کو فروغ دینے کے امکانات شامل تھے ۔

مرکزی وزیر نے وزیر اعلیٰ کو محکمہ خلائی اور محکمہ جوہری توانائی کے تحت مختلف اسکیموں کے بارے میں بھی آگاہ کیا، جن کا فائدہ دور دراز اور پہاڑی علاقوں میں ترقیاتی ایپلی کیشنز کے لیے لیا جا سکتا ہے، بشمول منصوبہ بندی، آفات کے انتظام اور زرعی پیداوار کے لیے جغرافیائی ٹیکنالوجی کا استعمال۔

انتظامی اصلاحات اور سول سروس کی استعداد کار بڑھانے سے متعلق امور پر بھی تبادلہ خیال کیا گیا۔

ڈاکٹر جتیندر سنگھ نے کہا کہ محکمہ برائے عملہ اور تربیت(ڈی او پی ٹی) خطے کے عہدیداروں کے لیے باقاعدہ تربیت، درمیانی کیریئر کے اقدامات اور ڈیجیٹل صلاحیت سازی کے پروگراموں کے ذریعے شمال مشرق میں حکمرانی کے معیار کو بڑھانے کے لیے پرعزم ہے۔

وزیر اعلیٰ نے شمال مشرق پر حکومت ہند کی مسلسل توجہ کے لیے تعریف کی اور ناگالینڈ کی قومی مشنوں میں زیادہ فعال طور پر شراکت داری کے لیے آمادگی کا اظہار کیا۔ انہوں نے ہنر مندی، کاروبار کو فروغ دینے اور علاقے کے لیے تیار کردہ عوامی شکایات کے ازالے کے طریقہ کار کے لیے مزید مدد کی کوشش کی۔

دونوں لیڈروں نے اہم اقدامات کے موثر نفاذ کو یقینی بنانے اور ناگالینڈ اور وسیع شمال مشرقی خطہ کی ترقی کی مکمل صلاحیت کو کھولنے کے لیے مستقل مرکز-ریاست تال میل کی اہمیت پر اتفاق کیا۔

****

ش ح۔ا ک۔ن ع

U-631

(Release ID: 2127320)