ଜାତିସଂଘର ଭେସାକ ଦିବସ (ୟୁଏନଡିଭି- ୨୦୨୫) ପାଳନ କରିବା ପାଇଁ ହୋ ଚି ମିନ୍ ସିଟିର ଭିଏତନାମ ବୌଦ୍ଧ ଏକାଡେମୀରେ ବୁଦ୍ଧ ଧାମ ଉପରେ ଏକ ପ୍ରାଣବନ୍ତ ପ୍ରଦର୍ଶନୀ ଉଦ୍ଘାଟିତ ହୋଇଛି। ଯେଉଁଥିରେ ବୌଦ୍ଧ ପରମ୍ପରାର ବିଭିନ୍ନ ଦିଗକୁ ପ୍ରଦର୍ଶିତ କରାଯାଇଛି। ଆଡମ୍ବର ଏବଂ ପରମ୍ପରା ସହିତ ଭିଏତନାମ ସଂସ୍କୃତିର ପ୍ରଦର୍ଶନୀ ଉଦଘାଟନ ଉତ୍ସବରେ ଚମତ୍କାର ପ୍ରଦର୍ଶନ କରାଯାଇଥିଲା। ଭାରତ, ଶ୍ରୀଲଙ୍କା, କାମ୍ବୋଡିଆ, ଲାଓସ, ଥାଇଲ୍ୟାଣ୍ଡ, ଫିଲିପାଇନ୍ସ ଏବଂ ବାହାରର ସଂଘ ସଦସ୍ୟଙ୍କ ଅଂଶଗ୍ରହଣ ସହଭାଗୀ ଐତିହ୍ୟ ଏବଂ ଆଧ୍ୟାତ୍ମିକ ସମନ୍ୱୟର ଏକ ପ୍ରକୃତ ଉତ୍ସବକୁ ପ୍ରତିଫଳିତ କରିଥିଲା। ୟୁଏନଡିଭି ୨୦୨୫ ପ୍ରଦର୍ଶନୀର ଉଦଘାଟନ ସମୟରେ ବରିଷ୍ଠ ସଂଘ ସଦସ୍ୟମାନେ "ବୁଦ୍ଧଙ୍କ ସ୍ନାନ ସମାରୋହ"ରେ ଅଂଶଗ୍ରହଣ କରିଥିଲେ।

ଆନ୍ତର୍ଜାତୀୟ ବୌଦ୍ଧ ମହାସଂଘ (IBC) ଭାରତରୁ ଭିଏତନାମ ପର୍ଯ୍ୟନ୍ତ ବୁଦ୍ଧ ଧାମ ଏବଂ ଏହାର ସାଂସ୍କୃତିକ ଅଭ୍ୟାସର ପ୍ରସାର ଉପରେ ତିନୋଟି ପ୍ରଦର୍ଶନୀ ମଧ୍ୟ ଆୟୋଜନ କରୁଛି। ଏଗୁଡ଼ିକ ହେଉଛି ଜାତକ କାହାଣୀର ବୈଦ୍ୟୁତିକ ପ୍ରଦର୍ଶନ, ବୁଦ୍ଧଙ୍କ ବିଭିନ୍ନ ରୂପକୁ ଚିତ୍ରଣ କରୁଥିବା ମୂର୍ତ୍ତି ଏବଂ ଭାରତ ଓ ଭିଏତନାମରୁ ବୌଦ୍ଧ କଳାକୃତିର ଏକ ତୁଳନାତ୍ମକ ଅଧ୍ୟୟନ। ଏହି ବିଶ୍ଳେଷଣ ସମୃଦ୍ଧ ସାଂସ୍କୃତିକ ଆଦାନପ୍ରଦାନକୁ ଗଭୀର କରିବା ପାଇଁ ଆକର୍ଷିତ କରେ, ଯେଉଁଥିରେ ଶିଳାଲେଖ, ଐତିହାସିକ ପାଠ୍ୟ ଏବଂ ଦୃଶ୍ୟ କଳାକୃତି ଅନ୍ତର୍ଭୁକ୍ତ। ଏହି ବହୁମୁଖୀ ପଦ୍ଧତି ଭିଏତନାମରେ ବୁଦ୍ଧ ଧାମର ବିବର୍ତ୍ତନର ଏକ ବ୍ୟାପକ ବର୍ଣ୍ଣନା ପ୍ରଦାନ କରିବା ଲକ୍ଷ୍ୟ ରଖିଛି, ଯାହା ସମଗ୍ର ଇତିହାସରେ କଳା, ଆଧ୍ୟାତ୍ମିକତା ଏବଂ ସାଂସ୍କୃତିକ ପରିଚୟ ଉପରେ ଏହାର ଗଭୀର ପ୍ରଭାବକୁ ପ୍ରତିଫଳିତ କରେ। ମୁଖ୍ୟ ଆକର୍ଷଣ ହେଉଛି ଅଜନ୍ତା ଗୁମ୍ଫା ଭୂତଳଚିତ୍ରର ଡିଜିଟାଲ ପୁନରୁଦ୍ଧାରର ଏକ ପ୍ରଦର୍ଶନ, ଯାହା ପ୍ରାଚୀନ ଜାତକ କଥାଗୁଡ଼ିକୁ ଆଲୋକିତ କରେ।

ନାସିକର ପ୍ରସାଦ ପାୱାର ଫାଉଣ୍ଡେସନ ସହିତ ଆଇବିସି ମିଳିତ ଭାବରେ ୮ଟି ପ୍ୟାନେଲ ଉନ୍ମୋଚନ କରିବ ଏବଂ ପୃଥକ ଟିଭି ସ୍କ୍ରିନରେ ପ୍ରସିଦ୍ଧ ବୋଧିସତ୍ୱ ପଦ୍ମପାଣିଙ୍କ ଡିଜିଟାଲ୍ ପୁନରୁଦ୍ଧାର ପ୍ରକ୍ରିୟା ପ୍ରଦର୍ଶନ କରିବ, ଯାହା ୫ମ ଶତାବ୍ଦୀର ଶେଷ ଭାଗର ଏକ ପ୍ରାଚୀର ଚିତ୍ର। ଏହି ପ୍ରାଚୀର ଚିତ୍ର ମହାରାଷ୍ଟ୍ରର ଅଜନ୍ତା ଗୁମ୍ଫାର ଗୁମ୍ଫା ୧ରେ ଅବସ୍ଥିତ ଏବଂ ଏହା ଭାରତର ଗୁପ୍ତ ରାଜବଂଶର କଳାର ସୌନ୍ଦର୍ଯ୍ୟ ଏବଂ ଶାସ୍ତ୍ରୀୟ ସୁଗଠନକୁ ପ୍ରତିଫଳିତ କରେ। ଏହି ପ୍ରଦର୍ଶନୀ ପରିଦର୍ଶକମାନଙ୍କୁ ବୋଧିସତ୍ୱ ଦର୍ଶନ ମଧ୍ୟରେ ଚାଲିବାକୁ ଆମନ୍ତ୍ରଣ କରେ, ଯେପରି ପ୍ରାଚୀନ କାହାଣୀଗୁଡ଼ିକ ଧୀରେ ଧୀରେ ପ୍ରକାଶିତ ହୁଏ। ଏହି କାହାଣୀଗୁଡ଼ିକ ଆମକୁ ମନେ ପକାଇ ଦିଏ ଯେ କରୁଣା କୌଣସି ସୀମା ଜାଣେ ନାହିଁ, ଜ୍ଞାନ ସମସ୍ତଙ୍କର ଏବଂ ଶାନ୍ତି ପ୍ରତ୍ୟେକ ଜୀବର ସହଭାଗୀ ମର୍ଯ୍ୟାଦାରୁ ଜନ୍ମ ନିଏ।

୮ ମଇ ୨୦୨୫ ପର୍ଯ୍ୟନ୍ତ  ହୋ ଚି ମିନ୍ ସିଟିର ହାନହତାମ୍ ମଠରେ ସଂଗୃହିତ ପବିତ୍ର ଅବଶେଷଗୁଡ଼ିକୁ ପୂଜା କରାଯାଇଥିଲା। ଯାହା ୨୦୨୫ ମସିହାର ଜାତିସଂଘର ଭେସାକ୍ ଦିବସ ସହିତ ମେଳ ଖାଉଛି। ଏହା ପରେ ୯ରୁ ୧୩ ମଇ (ଦକ୍ଷିଣ ଭିଏତନାମର ଜାତୀୟ ଆଧ୍ୟାତ୍ମିକ ତୀର୍ଥସ୍ଥଳ) ପର୍ଯ୍ୟନ୍ତ ତାୟନିନ୍ ପ୍ରଦେଶର ବାଡେନ୍ ପର୍ବତରେ ରଖାଯିବ । ଏଠାରୁ ପବିତ୍ର ଅବଶେଷକୁ ନେଇ୧୪ରୁ ୧୮ ମଇ ୨୦୨୫ ପର୍ଯ୍ୟନ୍ତ ହାନୋଇର କ୍ୱାନସି ମଠରେ (ଭିଏତନାମ ବୌଦ୍ଧ ସଂଘର ମୁଖ୍ୟାଳୟ) ପ୍ରଦର୍ଶନ ପାଇଁ ରଖାଯିବ। ଶେଷରେ ୧୮ରୁ ୨୧ ମଇ ୨୦୨୫ ପର୍ଯ୍ୟନ୍ତ ଦକ୍ଷିଣ ପୂର୍ବ ଏସିଆର ସର୍ବବୃହତ ବୌଦ୍ଧ କେନ୍ଦ୍ର ହା ନାମ ପ୍ରଦେଶର ତାମ୍ ଚୁକ୍ ମଠରେ ପ୍ରଦର୍ଶନ କରାଯିବ।

 

sws

 

 

 

 

 

 

 

 

(Release ID: 2127306)