மோரன் சமூகத்தின் தைரியம், ஒழுக்கம் மற்றும் கலாச்சார செழுமையை மத்திய துறைமுகங்கள், கப்பல் போக்குவரத்து மற்றும் நீர்வழிகள் அமைச்சர் திரு சர்பானந்த சோனோவால் பாராட்டினார், அவர்களின் பங்களிப்புகள் அசாமுக்கு மட்டுமல்ல, இந்தியா முழுவதும் போற்றப்படுகின்றன, என்றார்.

டூம்தூமாவில் இன்று அனைத்து மோரன் மாணவர் சங்கத்தின் 57 வது நிறுவன தின கொண்டாட்டங்களில் பேசிய திரு சோனோவால், மோரன் சமூகத்தின் பாரம்பரியம், கலை மற்றும் கலாச்சாரத்தைப் பாதுகாக்கவும் ஊக்குவிக்கவும் பாஜக தலைமையிலான அரசு தொடர்ந்து முயற்சிகளை மேற்கொண்டு வருவதை எடுத்துரைத்தார்.

"மோரன் சமூகத்தைச் சேர்ந்த இளைஞர்கள் அபரிமிதமான திறமை:மற்றும் மனவுறுதி ஆகியவற்றைக் கொண்டுள்ளனர். இன்றைய போட்டி நிறைந்த உலகில் அவர்கள் செழித்து வளரும் வகையில் நவீன சிந்தனை, அறிவியல் அறிவு மற்றும் தொழில்நுட்ப கருவிகளை நாம் அவர்களுக்கு வழங்க வேண்டும்" என்று திரு சர்பானந்த சோனோவால் கூறினார். மத்திய அமைச்சர் மேலும் கூறுகையில், "அசாமின் பொது வாழ்க்கைக்கு மோரன் சமூகத்தின் பங்களிப்பு விலைமதிப்பற்றது. அசாமிய அடையாளத்தை உருவாக்கும் செயல்பாட்டில் அவர்கள் தொடர்ந்து முக்கிய பங்கு வகித்துள்ளனர். அவர்களின் ஈடு இணையற்ற தியாகங்கள், துணிச்சல், தேசப்பற்று மற்றும் பணிக் கலாச்சாரம் ஆகியவை நமது தேசத்தின் பெருமையை அடையாளப்படுத்துகின்றன. ஆட்சிக்கு வந்ததிலிருந்து, பாஜக அரசு மோரன் பாரம்பரியம் மற்றும் கலாச்சார பாரம்பரியத்தின் பாதுகாப்பு மற்றும் ஊக்குவிப்புக்கு முன்னுரிமை அளித்துள்ளது, அதே நேரத்தில் சமூகத்தின் அனைத்து சுற்று வளர்ச்சியையும் நோக்கி செயல்படுகிறது. அவர்களின் பங்களிப்புகள் உரிய அங்கீகாரத்தையும் மரியாதையையும் பெற்றுள்ளன. இன்றைய போட்டி நிறைந்த உலகில், நமது புதிய தலைமுறையினரை நவீன கண்ணோட்டம், அறிவியல் சிந்தனை மற்றும் தொழில்நுட்ப தேர்ச்சி ஆகியவற்றுடன் சித்தப்படுத்த வேண்டும்.

மோரன் சமூகத்தின் இளைஞர்கள் குறிப்பிடத்தக்க திறமை, நிபுணத்துவம் மற்றும் உறுதியைக் கொண்டுள்ளனர். இந்த பண்புகளை அங்கீகரித்து, அவர்களின் முன்னேற்றத்திற்காக தொடர்ந்து பணியாற்றி, சமூகம்  பிரகாசிக்க வழிவகுக்க வேண்டியது எங்கள் கூட்டுப் பொறுப்பாகும்”, என்று தெரிவித்தார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2127146

 

***

(Release ID: 2127146)

RB/DL

(Release ID: 2127171)