سماجی انصاف اور بااختیار بنانے کی مرکزی وزارت کے ذریعے ’نیشنل ایکشن پلان فار میکانائزڈ سین یٹیشن ایکو سسٹم (نمستے) پر توجہ مرکوز کرنے والے ایک خصوصی پروگرام کا انعقاد 5 مئی 2025 کو اتر پردیش کے بڈاؤن میں ڈائیٹ آڈیٹوریم میں کیا گیا۔ سماجی انصاف اور بااختیار بنانے کے مرکزی وزیر مملکت جناب بی ایل ورما نے اس موقع پر مہمان خصوصی کی حیثیت سے شرکت کی اور صفائی کے کارکنوں کو اعزاز سے نوازا۔

نمستے  پروگرام کا مقصد صفائی کے کام میں مصروف کارکنوں کو سماجی اور اقتصادی طور پر بااختیار بنانا ہے، تاکہ انہیں محفوظ، باوقار اور پائیدار معاش حاصل کرنے کے قابل بنایا جا سکے۔

اس موقع پر اجتماع سے خطاب کرتے ہوئے وزیر موصوف نے کہا کہ یہ صرف ایک سرکاری اسکیم نہیں ہے بلکہ معاشرے کے ان لوگوں کی زندگیوں میں حقیقی تبدیلی لانے کی قرارداد ہے جو سب سے زیادہ محنت کرتے ہیں۔ انہوں نے سماجی تنظیموں اور شہریوں کو اس عوامی حساس پروگرام میں حصہ لینے اور اس سماجی تبدیلی کا حصہ بننے پر سراہا۔

پروگرام کی اہم جھلکیاں یہ تھیں:

سیور اور سیپٹک ٹینک ورکرز (ایس ایس ڈبلیو ایس ) میں پی پی ای کٹس اور آیوشمان کارڈز کی تقسیم۔

 

مستحقین میں سلائی مشینوں کی تقسیم۔

ڈی آئی ای ٹی  کے اساتذہ اور عملے نے صفائی کے کارکنوں کے اعزاز میں دلکش رنگولی بنائی۔

اب تک، ملک بھر میں 73,768 سیوریج اور سیپٹک ٹینک ورکرز (ایس ایس ڈبلیو ایس ) کی پروفائل کی گئی ہے۔ ان میں سے 45,871 کو پی پی ای کٹس فراہم کی گئی ہیں، 354 کو حفاظتی سامان فراہم کیا گیا ہے، اور 27،103 مستفیدین کو آیوشمان کارڈ ملے ہیں۔ بڈاؤن اور شاہجہاں پور اضلاع میں، کل 324 ایس ایس ڈبلیو ایس کی پروفائلنگ مکمل کی گئی ہے اور پروگرام کے دوران انہیں پی پی ای کٹس اور آیوشمان کارڈ فراہم کیے گئے ہیں۔ شاہجہاں پور کے کچھ مستفیدین کو خود روزگار کے لیے سلائی مشینیں بھی تقسیم کی گئیں۔

ش ح ۔ ال

U-611

 

(Release ID: 2127148)