ایئر مارشل تیجندر سنگھ نے یکم مئی 2025 کو ٹریننگ کمانڈ کے ایئر آفیسر کمانڈنگ ان چیف(اے او سی – ان-سی) کے طور پر عہدہ سنبھال لیا۔ اپنی نئی تقرری سنبھالنے کے بعد، ایئر مارشل نے ٹریننگ کمانڈ وار میموریل پر پھولوں کی چادر چڑھا کر بہادر شہیدوں کو خراج عقیدت پیش کیا۔

نیشنل ڈیفنس اکیڈمی کے سابق طالب علم، ایئر مارشل تیجندر کو 13 جون 1987 کو ہندوستانی فضائیہ(آئی اے ایف) کے فائٹر اسٹریم میں شامل کیا گیا تھا۔ وہ کیٹیگری ’اے‘ کوالیفائیڈ فلائنگ انسٹرکٹر ہیں جن کے پاس 4500 گھنٹوں سے زائد پرواز کا تجربہ ہے، اور وہ ڈیفنس سروسز اسٹاف کالج اور نیشنل ڈیفنس کالج کے سابق طالب علم ہیں۔ انہوں نے ایک فائٹر اسکواڈرن، ایک ریڈار اسٹیشن، ایک اہم فائٹر بیس کی کمانڈ کی، اور جموں و کشمیر کے ایئر آفیسر کمانڈنگ رہے۔ ان کے متنوع اسٹاف عہدوں میں کمانڈ ہیڈکوارٹر میں آپریشنل اسٹاف، ایئر ہیڈکوارٹر میں ایئر کموڈور (پرسنل آفیسرز-1)، ہیڈکوارٹر مربوط ڈیفنس اسٹاف میں ڈپٹی اسسٹنٹ چیف آف انٹیگریٹڈ ڈیفنس اسٹاف، فنانشل (پلاننگ)، ایئر کموڈور (ایرو اسپیس سیفٹی)، اسسٹنٹ چیف آف ایئر اسٹاف آپریشنز (آفینسیو)، اے سی اے ایس آپس (اسٹریٹجی)، اور شیلانگ، میگھالے میں ایسٹرن ایئر کمانڈ کے سینئر ایئر اسٹاف آفیسر شامل ہیں۔ موجودہ تقرری سے قبل، وہ ایئر ہیڈکوارٹر (وی بی) میں ڈپٹی چیف آف ایئر اسٹاف تھے۔

ان کی شاندار خدمات کے اعتراف میں، انہیں 2007 میں وایو سینا میڈل اور 2022 میں اتی وششٹ سیوا میڈل سے ہندوستان کے معزز صدر کے ہاتھوں نوازا گیا۔

 

************

ش ح ۔   م  د ۔  م  ص

(U : 455)

(Release ID: 2125932) Visitor Counter : 17