آلودگی کو کنٹرول  کرنے سے متعلق مرکزی بورڈ (سی پی سی بی) کے ذریعہ فراہم کردہ یومیہ اے کیو آئی بلیٹن یعنی ہوا کے معیار کے اشاریے سے متعلق بلیٹن کے مطابق آج دہلی کا دن کاہوا کے معیار کا اشاریہ (اے کیو آئی) 184 رہا ۔دہلی کے یومیہ اوسط  ہوا کے معیار کے اشاریہ میں نمایاں بہتری کے پیش نظر اور آئی آئی ٹی ایم،آئی ایم ڈی کی طرف سے  موسم سے متعلق پیش گوئیوں پر غور کرتے ہوئے ، این سی آر اور ملحقہ علاقوں میں ایئر کوالٹی مینجمنٹ کمیشن (سی اے کیو ایم) کی گریڈیڈ رسپانس ایکشن پلان (جی آر اے پی) سے متعلق  ذیلی کمیٹی نے خطے میں موجودہ ہوا کے معیار کے منظر نامے کا جائزہ لینے اور اس کے مطابق 02.05.2025 سے پورے قومی راجدھانی خطے (این سی آر) میں جی آر اے پی کے مرحلہ-1 کے تحت اقدامات پر مناسب فیصلہ لینے کے لئے آج میٹنگ کی ۔دہلی-این سی آر کے مجموعی ہوا کے معیار کے پیرامیٹرز اور دیگر پہلوؤں کا جامع طور پر جائزہ لیتے ہوئے ذیلی کمیٹی نے مندرجہ ذیل نکات کی نشاندہی کی ہے۔

تیز ہواؤں اور سازگار موسمی حالات کی وجہ سے ، دہلی کے ہوا کے معیار کے اشاریے میں بہتری آئی ہے اور اسے 01.05.2025 کو 184 ریکارڈ کیا گیا ہے ('معتدل' زمرے میں)مزید برآں ، آئی ایم ڈی اورآئی آئی ٹی ایم کی پیش گوئی میں آنے والے دنوں میں ہوا کے معیار کے اشاریے کے 'معتدل' زمرے میں رہنے کی پیش گوئی کی گئی ہے ۔

لہٰذا ، دہلی کے ہوا کے معیار کے اشاریے میں بہتری کے اس رجحان اور آئی ایم ڈی اورآئی آئی ٹی ایم کی طرف سے آنے والے دنوں میں دہلی کی اوسط ہوا کے معیار کے 'معتدل' زمرے میں رہنے کی پیش گوئی کو مدنظر رکھتے ہوئے (جس کے لیے پیش گوئی دستیاب ہے) جی آر پی اے سےمتعلق  سی اے کیو ایم ذیلی کمیٹی نے متفقہ طور پر پورے این سی آر میں جی آر اے پی کے موجودہ شیڈول کے مرحلہ-1 کو فوری طور سے منسوخ کرنے کا فیصلہ کیا  ہے۔

این سی آر میں متعلقہ ریاستی حکومتوں اورجی این سی ٹی ڈی کی تمام ایجنسیاں ، اس وقت کے مشاہدت کے  مطابق بہتر ہوا کے اشاریے کی سطح  کو برقرار رکھنے اور ہوا کے معیار کو 'خراب' زمرے میں نہ آنے دینے کی کوشش  کررہی ہیں ، تاہم اس بات کو یقینی بنانے کی ضرورت ہے کہ تمام قانونی ہدایات ، مشورے ، احکامات وغیرہ  اور کمیشن کے ذریعہ جاری کردہ قواعد و ضوابط کی پیروی کی جارہی ہے اور ان پر عمل درآمد کیا جارہا ہے،جس میں ایم او ای ایف اینڈ سی سی اور  آلودگی کو کنٹرول کرنے سے متعلق مرکزی بورڈ کے ذریعہ جاری کردہ قواعد و ضوابط،رہنما خطوط اور متعلقہ ریاستی حکومتوں،جی این سی ٹی ڈی اور آلودگی کو کنٹرول  کرنے سے متعلق بورڈز اورڈی پی سی سی کے ذریعہ جاری کردہ متعلقہ ہدایات اوررہنما خطوط شامل ہیں ۔

اس تناظر میں ، تمام متعلقہ ایجنسیوں سے اپیل کی جارہی ہے کہ وہ این سی آر میں فضائی آلودگی کو روکنے کے لیے کمیشن کی طرف سے جاری کردہ جامع پالیسی میں تجویز کردہ مختلف اقدامات اور ٹارگٹڈ ٹائم لائنز کا نوٹس لیں اور اس کے مطابق مناسب اقدامات کریں ، خاص طور پر سی اینڈ ڈی سرگرمیوں اور سڑکوں اورکھلے علاقوں کے لیے دھول  اور گردوغبارکو کم کرنے کے اقدامات  کریں، جو آنے والے مہینوں میں دہلی-این سی آر میں ہوا کے معیار کا تعین کرنے کا ایک اہم عنصر بن جاتے ہیں ۔

ذیلی کمیٹی ، ہوا کے معیار کے منظر نامے پر قریبی نظر رکھے گی اور دہلی میں ہوا کے معیار اور آئی ایم ڈی اورآئی آئی ٹی ایم کی طرف سے کی گئی پیش گوئی کے لحاظ سے مزید مناسب فیصلے کے لیے وقتا فوقتا صورتحال کا جائزہ لے گی۔

*******

ش ح۔ م م ع۔م ذ

(U.N. 448)

(Release ID: 2125887) Visitor Counter : 18