بھارتی بحریہ کا جدید ترین گائیڈیڈ میزائل ڈسٹرائر، آئی این ایس کوچی، 28 اپریل 2025 کو  مالدیپ کےمالے پہنچا۔ اس کے ساتھ مالدیپ نیشنل ڈیفنس فورسز ( ایم این ڈی ایف) کا جہازسی جی ایس ہورائی بھی تھا، جس کی معمول کی مرمت دسمبر 2024 سے اپریل 2025 تک نیول ڈاک یارڈ، ممبئی میں کی گئی۔

مالدیپ میں ہندوستان کے ہائی کمشنر جناب جی بالاسبرامنین نے ایم این ڈی ایف کوسٹ گارڈ جیٹی میں منعقدہ ایک تقریب میں ایم این ڈی ایف سی جی ایس ہوراوی کو ایم این ڈی ایف کے چیف آف ڈیفنس فورس میجر جنرل ابراہیم ہلمی کے حوالے کیا ۔

آئی این ایس کوچی کا دورہ ہندوستان اور مالدیپ کے درمیان مضبوط سمندری روابط کو اجاگر کرتا ہے اور خطے میں سلامتی ، امن اور جہاز رانی کی آزادی کے لیے ہندوستانی بحریہ کے عزم کا اعادہ کرتا ہے ۔دونوں ممالک کے دوستانہ تعلقات کو مدنظر رکھتے ہوئے مالدیپ کے حکام نے جہاز کا پرتپاک استقبال کیا ۔

جہاز کے دورے کے  تحت آئی این ایس کوچی کے کمانڈنگ آفیسر کیپٹن مہیش سی مودگل نے ایم این ڈی ایف کے چیف آف ڈیفنس فورس میجر جنرل ابراہیم ہلمی اور کوسٹ گارڈ ایم این ڈی ایف کے کمانڈنٹ بریگیڈیئر جنرل محمد سلیم سے ملاقات کی ۔

بندرگاہ میں جہاز کے قیام کے دوران ، ہندوستانی بحریہ اور ایم این ڈی ایف کے درمیان دو طرفہ ملاقاتیں ، کراس ڈیک وزٹ اور کھیل مقابلوں کا منصوبہ بنایا گیا ہے ۔

آئی این ایس کوچی کو 30 ستمبر کو بحریہ کے بیڑے میں شامل کیاگیا تھا اور یہ تب سے ہندوستانی بحریہ کے مغربی بیڑے کا حصہ ہے ، جو مغربی بحریہ کمان کے تحت ممبئی میں واقع ہے ۔

---------------

ش ح۔  م ش۔ص ج

UN-NO-404

(Release ID: 2125584) Visitor Counter : 14