মেদিয়া অমসুং ইন্তরতেনমেন্ত ইন্দস্ত্রিগী অনৌবা অমসুং পুন্না থবক তৌমিন্নবা হরাওবা ফোঙদোক্লিবা মালেমগী অচৌবা থৌরম অমা ওইরবা ৱার্ল্দ ওদিও ভিজুএল এন্দ ইন্তরতেনমেন্ত সম্মিৎ (ৱেবস) ২০২৬ না মালেমগী নাৎ উৎনবা থৌরাং তৌরে। থৌরম অসি মুম্বাইগী জিও ৱার্ল্দ কনভেন্সন সেন্তরদা মে ১-মে ৪, ২০২৫ ফাওবা পাংথোক্কনি। থৌরম অসিদা অৱাং-নোংপোক ভারতকী কলা অমসুং চৎনবীশিং অমসুং নাৎশিং উৎকনি।

“কন্নেক্তিং ক্রিয়েতরস, কন্নেক্তিং কন্ত্রিস” হায়বা থিমগী মখাদা অৱাং-নোংপোক ভারতকী রাজ্য নিপালগী ফজরবা নাৎকী থৌরমশিং উৎকনি। অসামদগী গুৱাহাতিগী সাত্রিয়া কেন্দ্রগী সাত্রিয়া জগোয় অমসুং গুমরাগ লৌরোক জগোয়না মীয়াম শুমহৎকনি। মেঘালয়গী ৱাঙ্গালা জগোয়, সিক্কিমগী তমাং সেলো অমসুং ১৮শুবা চহিচাগী সিঙ্গি ছাম-স্নো লাইওন দান্স উৎকনি। ত্রিপুরাগী হোজাগিরি জগোয় অমসুং মনিপুরগী জৱাহরলাল নেহরু মনিপুরি দান্স একাদেমিগী মনিপুরগী জগোয় অমসুং থাং-তা উৎকনি।

তেতসিও সিস্তরসগী থৌরম অমসুং লোথা নাগা নুপীশিংগী থৌরম নজান্তাগা লোয়ননা নাগালেন্দনা নাৎকী থৌরমশিং হৌদোক্কনি। মিজোরমগী বেম্বু দান্স হায়রগা মীয়াম্না খঙনবা চেরৌ অমসুং অরুনাচল প্রদেসকী ৱাহোংগী জগোয় কা কিংনারা কিংনারি জগোয় উৎকনি।

ইনফোর্মেসন অমসুং ব্রোদকাস্তিং মিনিস্ত্রি, কলচর মিনিস্ত্রি, মহারাস্ত্রা সরকার অমসুং য়ুতুব, স্পোতিফাই অমসুং বুকমাইসোনা পুন্না শীনবা ৱেবস ২০২৫ দা নাৎকী থৌরমশিংগী লোয়ননা মালেমগী কলাগী হৈথোই-শিংথোইবশিং উৎকনি। নুমিৎ খুদিংগী পাংথোক্কদবা থৌরমশিং কেলেন্দর অসিদা উবা ফংগনি।

****