اندرا گاندھی نیشنل سینٹر فار آرٹس (آئی جی این سی اے) میں منگل کے روز آرٹ اور مندر کےفن تعمیر کے شعبوں میں شاندار خدمات کے لیے پدم شری ایوارڈ یافتہ پانچ ممتاز شخصیات کو اعزاز دینے کے لیے شاندار تقریب کا انعقاد کیا گیا ۔آئی جی این سی اے نے ان ممتاز شخصیات کو اپنے  مثالی کاموں کے اعتراف میں اور ان کا جشن منانے کے لیے خصوصی طور پر مدعو کیا ۔تقریب میں اعزاز پانے والوں میں مندرجہ ذیل شخصیات شامل ہیں:  آرٹ کے معروف مورخ پروفیسر رتن پریمو فن، جن کو آرٹ کے میدان میں اپنی شاندار  خدمات کے لیے ایوارڈ سے نوازا گیا ہے ؛ نامور موسیقار اور ماہر تعلیم پروفیسر بھرت گپت ، جن کو کلاسیکی فنون کے میدان میں اپنے کاموں کے لیے ایوارڈ ملا ہے ؛ معروف مجسمہ ساز جناب  ادویت چرن گدانائک ؛ مندر کے ممتاز معمار جناب  رادھا کرشنن استھاپتی ؛ اور روایتی موسیقی کے تحفظ اور کارکردگی میں اپنی خدمات کے لیے مشہور مانڈ اور بھجن گلوکارہ بیگم بتول ۔اس تقریب کا وژن ڈاکٹر سچچدانند جوشی نے تیارکیا تھا ، جن کی پہل سے ممتاز شخصیات کے اعزاز میں اس جشن کا اہتمام کیا گیا ۔تقریب کی صدارت پدم وبھوشن ، معروف نرتیہ گرو ، اسکالر ، اور سابق راجیہ سبھا ممبر ڈاکٹر سونل مان سنگھ نے کی ، جنہوں نے شائستگی اور بصیرت کے ساتھ اجلاس کی صدارت کی ۔

اپنے خطاب میں ، ڈاکٹر سونل مان سنگھ نے پدم ایوارڈ یافتگان کو گرم جوشی سے مبارکباد دیتے ہوئے تقریب کا آغاز کیا اور ہندوستان کے ثقافتی وراثت کے ایک لازمی حصے کے طور پر ان کے کرداروں  کو تسلیم کیا ۔انہوں نے کہا کہ ایسے افراد معاشرے کے لیے تحریک کا کام کرتے ہیں اور ہماری روایات کے تحفظ اور برقرار رکھنے میں اہم کردار ادا کرتے ہیں ۔آئی جی این سی اے کے منفرد جذبے کو اجاگر کرتے ہوئے ، ڈاکٹر سونل مان سنگھ نے کہا کہ جو لوگ اس ادارے سے وابستہ ہو جاتے ہیں وہ اکثر ایسا رشتہ استوار کرتے ہیں جو زندگی بھر قائم رہتا ہے ۔انہوں نے عمدہ  کارکردگی کے مرکز کے طور پر آئی جی این سی اے کے مقام کی تصدیق کی ، جسے درستگی ، مستقل مزاجی اور پختہ عزم  کے ساتھ اپنی ذمہ داریوں کو پورا کرنے کے لیے تسلیم کیا گیا ہے۔انہوں مزید نے کہا کہ یہاں تک کہ سب سے زیادہ مطلوبہ کاموں کو بھی آئی جی این سی اے میں غیر معمولی کارکردگی اور دیانتداری کے ساتھ انجام دیا جاتا ہے۔

'نیشنل سینٹر فار دی آرٹس' ہندوستانی فن کے   حقیقی نشان کی مانند کھڑا ہے۔

اس موقع پر آئی جی این سی اے کے ممبر سکریٹری ڈاکٹر سچدانند جوشی نے اپنے استقبالیہ خطاب میں کہا کہ پدم شری ایوارڈ یافتگان میں سے ہر ایک کو کسی نہ کسی طرح اندرا گاندھی نیشنل سینٹر فار آرٹس کے ساتھ گہرا تعلق حاصل ہے ۔انہوں نے اظہار خیال کیا کہ ایسے ممتاز اسکالرز کو اپنے پلیٹ فارم سے اعزاز دینا آئی جی این سی اے کے لیے فخر اور اعزاز کی بات ہے ۔ادویت گدانائک کا تذکر کرتے ہوئے انہوں نے کہا ، "ادویت واقعی ادویتیہ (نرالے) ہیں" ۔ڈاکٹر جوشی نے پیار سے بیگم بتول کو بڑی بہن کہہ کر مخاطب کیا اور اس بات پر روشنی ڈالی کہ رادھا کرشنن استھاپتی ، اگرچہ پیشے کے لحاظ سے تربیت یافتہ انجینئر تھے ، انہوں نے مندر کے فن تعمیر کی اپنے والد کی روایت کو آگے بڑھانے کے لیے انجینئرنگ کو خیرباد کہنے کا فیصلہ کیا ۔انہوں نے اس بات پر زور دیا کہ آج جس وابستگی کا جشن منایا جا رہا ہے وہ محض پہچان کا نہیں ہے ، بلکہ آئی جی این سی اے کے ساتھ گہرے خاندانی اور جذباتی تعلق کا ہے 

اس سال کے پدم ایوارڈز کی اہمیت پر بات کرتے ہوئے  ، ڈاکٹر جوشی نے مزید کہا کہ اگرچہ سالانہ اعلانات سے ہمیشہ فخر ملتا  ہے، لیکن یہ سال خاص طور پر کچھ ذاتی نوعیت کامحسوس ہوا ۔جس رات ایوارڈس کا اعلان کیا گیا  تو انہوں نے ذاتی طور پر 22 افراد کو فون کر کے مبارکباد پیش کی ۔ایوارڈ کے لیے منتخب  افراد میں آئی جی این سی اے کے صدر جناب رام بہادر رائے  شامل تھے، جنہیں پدم بھوشن سے نوازا گیا ، اور آئی جی این سی اے کے ٹرسٹی جناب واسودیو کامتھ کے ساتھ ساتھ پروفیسر بھرت گپت بھی نامزد افراد میں شامل تھے، جنہیں پدم شری ایوارڈ دیا گیا ہے ۔ دوسرے ایوارڈ یافتگان کی مانند ، آئی جی این سی اے کے ساتھ ان کی دیرینہ اور بامعنی وابستگی نے   اس جشن کو خاص طور پر یادگار بنا دیا ۔

کلاکوش ڈویژن ، آئی جی این سی اے  کے صدر شعبہ پروفیسر سدھیر لال  نے پروفیسر بھرت گپت اور پروفیسر رتن پریمو کی امتیازی  خدمات کا بصیرت انگیز تعارف پیش کیا ، جس میں کلاسیکی فکر اور آرٹ کی تاریخ کے شعبوں میں ان کے دیر پا اثرات کو اجاگر کیا گیا ۔کنزرویشن اینڈ کلچرل آرکائیوز ڈویژن ، آئی جی این سی اے کے صدر شعبہ پروفیسر اچل پانڈیا نے جناب  ڈی رادھا کرشنن استھاپتی کی زندگی اور کام کے بارے میں تفصیل سے بتایا اور جنوبی ہندوستان کی مجسمہ سازی کی روایات کے تئیں ان کی لگن اور مقامی شکلوں کے تحفظ کے لیے ان کے عزم  پرتوجہ مبذول کرائی ۔ کلدرسانہ ڈویژن ، آئی جی این سی اے  کی صدر شعبہ پروفیسر ریچا کمبوج نے جناب  ادویت گدانائک کے کاموں کا  جامع خاکہ پیش کیا ، جس میں مجسمہ ساز اور آرٹ ایڈمنسٹریٹر کے طور پر ان کی اہم کامیابیوں پر روشنی ڈالی گئی ۔آئی جی این سی اے کے میڈیا سینٹر کے کنٹرولر جناب انوراگ پنیتھا نے بیگم بتول کو گرم جوشی اور عقیدت کے ساتھ متعارف کرایا اور زبانی اور لوک روایات کے تحفظ اور فروغ میں ان کے کردار کا تفصیلی بیان پیش کیا ۔
اس موقع پر پدم شری  ایوارڈ یافتہ تمام پانچوں شخصیات  نے بھی اپنے خیالات کا اظہار کیا اور اس اعزازی  تقریب کے انعقاد کے لیے آئی جی این سی اے کا دلی شکریہ ادا کیا ۔بیگم بتول نے اپنی گونجتی ہوئی آواز میں مشہور راجستھانی لوک گیت "کیسریا بالم پدھارو مہارے دیس" گا کر سامعین کو محظوظ کیا ۔

سامویت آڈیٹوریم میں منعقدہ اس اعزازی تقریب میں دہلی اور ملک بھر کے اسکالرز ، طلبہ  اور آرٹ کے ماہرین نے شرکت کی ۔مقررین نے ایوارڈ یافتگان کی خدمات کی ستائش  کی  اور انہیں ہندوستان کے ثقافتی شعور کاضامن  قرار دیا ۔آئی جی این سی اے کے زیر اہتمام یہ تقریب نہ صرف اعزاز کی علامت تھی بلکہ ہندوستانی فنکارانہ روایات کی میراث کو نوجوان نسل تک پہنچانے کے لیے حوصلہ بخش پہل بھی تھی ۔

*****

ش ح۔م ش ع۔ ج ا

 (U: 372)

(Release ID: 2125390)