பிரதமர் திரு நரேந்திர மோடி, மத்திய அறிவியல் மற்றும் தொழில்நுட்ப அமைச்சர் டாக்டர் ஜிதேந்திர சிங் மற்றும் மத்திய கல்வி அமைச்சர் திரு  தர்மேந்திர பிரதான் முன்னிலையில் பாரத மண்டபத்தில் நடைபெற்ற "புத்தாக்க மாநாடு" "ஒய்யுஜிஎம்" இல், இந்தியாவின் ஆராய்ச்சி சூழலியலின் மாற்றத்தை விரைவுபடுத்துவதற்கான ஒரு குறிப்பிடத்தக்க நடவடிக்கையாக, "அனுசந்தன் தேசிய ஆராய்ச்சி அறக்கட்டளை" (ஏஎன்ஆர்எஃப்) மற்றும் "வாத்வானி அறக்கட்டளை" ஆகியவை ஒரு முக்கிய "நோக்கக் கடிதத்தைப்" பரிமாறிக் கொண்டன.

இந்தக் கூட்டாண்மை அரசின் ஆதரவு பெற்ற ஒரு தலைமை ஆராய்ச்சி நிறுவனம் மற்றும் ஒரு பரோபகார தனியார் அறக்கட்டளை ஆகியவற்றுக்கு இடையேயான முதல் வகையான ஒத்துழைப்பை சமிக்ஞை செய்கிறது, இது உறுதியான சமூக தாக்கத்தை ஏற்படுத்தக்கூடிய ஆராய்ச்சிக்கு இணை நிதியளிப்பு மற்றும் அளவிடுவதை நோக்கமாகக் கொண்டுள்ளது. தேசிய முக்கியத்துவம் வாய்ந்த முக்கியமான துறைகளில் விரிவான பொது-தனியார் கூட்டாண்மையை வளர்ப்பதற்கான ஏஎன்ஆர்எஃப் இன் உத்திசார்ந்த தொடக்க முயற்சியாகவும் இந்த ஒப்பந்தம் உள்ளது.

இந்தியாவின் அறிவியல் மற்றும் புத்தாக்க மாற்றத்தை வழிநடத்தும் டாக்டர் ஜிதேந்திர சிங், இந்த முயற்சி கல்வி சார்ந்த  தடைகளைத் தாண்டி அடிமட்ட நிலையை ஆராய்ச்சி அடையும் சூழலை உருவாக்குவதற்கான அரசின் தீர்மானத்தை பிரதிபலிக்கிறது என்றார். "இது அரசு, தொழில்துறை மற்றும் தொண்டு நிறுவனங்களுக்கு இடையிலான இணைப்பை நிறுவனமயமாக்குவதற்கான ஒரு முயற்சியாகும்", என்று அவர் கூறினார், நிதி மற்றும் விளைவுகள் இரண்டையும் பெருக்கும் கூட்டு மாதிரிகளின் அவசியத்தையும் அடிக்கோடிட்டுக் காட்டினார்.

தேசிய கல்விக் கொள்கை 2020 இன் கீழ் நிறுவப்பட்ட ஏஎன்ஆர்எஃப், ஆராய்ச்சியை ஜனநாயகப்படுத்துவதற்கும், புதுமைகளை ஊக்குவிப்பதற்கும், கல்வி, கொள்கை மற்றும் தொழில்துறைக்கு இடையிலான நீண்டகால இடைவெளிகளைக் குறைப்பதற்கும் ஒரு உருமாறும் அமைப்பாக கருதப்பட்டது. இந்தப் புதிய கூட்டாண்மை மூலம், ஏஎன்ஆர்எஃப் அதிநவீன அறிவியலுக்கு நிதியளிப்பது மட்டுமல்லாமல், தேசிய முன்னுரிமைகள் மற்றும் உலகளாவிய சவால்களுடன் சீரமைப்பதன் மூலம் ஆராய்ச்சியை அளவிடக்கூடிய, தாக்கத்தை ஏற்படுத்தும் தீர்வுகளாக மொழிபெயர்ப்பதையும் நோக்கமாகக் கொண்டுள்ளது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2125194

 

*****

RB/DL

(Release ID: 2125316)