سرمایہ کاروں کی تعلیم اور تحفظ کو بڑھانے کے لیے ایک اہم اقدام میں، انوسٹر ایجوکیشن اینڈ پروٹیکشن فنڈ اتھارٹی (آئی ای پی ایف اے) نے کارپوریٹ امور کی وزارت، حکومت ہند کے زیراہتمام، کوٹک مہندرا بینک لمیٹڈ (کے ایم بی ایل) کے ساتھ مفاہمت کی ایک یادداشت (ایم او یو) پر دستخط کیے ہیں جو ہندوستان کے اہم مالیاتی اداروں میں سے ایک ہے۔ اس اسٹریٹجک پارٹنرشپ کا مقصد ملک بھر میں کوٹک مہندرا بینک کے وسیع فزیکل اور ڈیجیٹل نیٹ ورک کے ذریعے اہم سرمایہ کار بیداری کے پیغامات کو پھیلانا ہے۔

 

 

اس تعاون سے آئی ای پی ایف اے کے تیار کردہ سرمایہ کار تعلیمی مواد کو کوٹک مہندرا بینک کے اے ٹی ایم، کیوسک، ویب سائٹ، موبائل ایپ اور سوشل میڈیا پلیٹ فارموں پر نمایاں کیا جائے گا۔ ڈیجیٹل بینر، مختصر فلمیں، اور آئی ای پی ایف اے کی طرف سے تیار کردہ تعلیمی ویڈیوز کی نمائش کی جائے گی تاکہ ذمہ دارانہ سرمایہ کاری، مالی فراڈ کی روک تھام اور سرمایہ کاروں کے حقوق کے تحفظ کے بارے میں شعور بیدار کیا جا سکے۔

اس اقدام کو موجودہ مالی سال 2025-2026 کے دوران شروع کرنے کے لیے ڈیزائن کیا گیا ہے جس میں آئی ای پی ایف اے پر کوئی مالی ذمے داری نہیں ہے۔ شراکت داری کوٹک مہندرا بینک کی 2000 سے زیادہ برانچوں اور 3000 سے زیادہ اے ٹی ایم کی وسیع گھریلو موجودگی سے فائدہ اٹھاتی ہے جس سے آبادی کے متنوع طبقات تک مؤثر رسائی کو یقینی بنایا جاتا ہے۔

 

 

انویسٹر ایجوکیشن اینڈ پروٹیکشن فنڈ اتھارٹی (آئی ای پی ایف اے) کی سی ای او اور کارپوریٹ امور کی وزارت میں جوائنٹ سکریٹری محترمہ انیتا شاہ اکیلا کی قیادت میں، آئی ای پی ایف اے مالیاتی طور پر با اختیار بنانے کے لیے اختراعی اشتراک عمل جاری رکھے ہوئے ہے۔ محترمہ سمیکشا لامبا، ڈپٹی جنرل منیجر، آئی ای پی ایف اے  اور جناب وشال اگروال، سینیئر نائب صدر اور کوٹک مہندرا بینک کے سربراہ نے مفاہمت کی یادداشت (ایم او یو) کا تبادلہ کیا۔

اپنے قیام کے بعد سے، آئی ای پی ایف اے نے سرمایہ کاروں کے بارے میں آگاہی کے کئی پروگرام منعقد کیے ہیں جن کا مقصد مالیاتی خواندگی کو بڑھانا اور سرمایہ کاروں کو مالی فراڈ سے بچانے کے لیے با اختیار بنانا ہے۔

 

آئی ای پی ایف اے کا تعارف

انویسٹر ایجوکیشن اینڈ پروٹیکشن فنڈ اتھارٹی جو کارپوریٹ امور کی وزارت، حکومت ہند کے تحت قائم کی گئی ہے، مالیاتی خواندگی کو فروغ دے کر اور سرمایہ کاروں کے حقوق کی حفاظت کرکے سرمایہ کاروں کے مفادات کا تحفظ کرتی ہے۔

 

کوٹک مہندرا بینک لمیٹڈ کا تعارف

ہندوستان کے اہم مالیاتی اداروں میں سے ایک، کوٹک مہندرا بینک لمیٹڈ اپنی 2,000 سے زیادہ شاخوں اور 3,000 سے زیادہ اے ٹی ایم کے وسیع نیٹ ورک کے ذریعے لاکھوں صارفین کی خدمت کرتا ہے جو جدید بینکنگ اور مالیاتی حل پیش کرتا ہے۔

***********

ش ح۔ ف ش ع

 U: 334

(Release ID: 2125039) Visitor Counter : 8