ઝડપથી વિસ્તરતું ઓવર-ધ-ટોપ (ઓટીટી) કન્ટેન્ટ પ્લેટફોર્મ વેવ્સ ઓટીટીએ ચાવીરૂપ પર્ફોર્મન્સ મેટ્રિક્સમાં નોંધપાત્ર વૃદ્ધિ નોંધાવી છે. જે સ્પર્ધાત્મક ડિજિટલ સ્ટ્રીમિંગ સ્પેસમાં તેનું સ્થાન મજબૂત કરે છે. આ વેવ્સ ઓટીટી પ્લેટફોર્મને ભારતીય મનોરંજન માટે ગેમ-ચેન્જર તરીકે દર્શાવવામાં આવ્યું છે, જે "વેવ્સ- ફેમિલી એન્ટરટેઈનમેન્ટ કી નયી લહેર" ટેગલાઇન હેઠળ સાંસ્કૃતિક જાળવણી સાથે નવીનતાને જોડે છે.

પ્રેસ કોન્ફરન્સમાં ઓલ ઇન્ડિયા રેડિયોના ડીડીજી, એન એલ ચૌહાણે માહિતી આપતા જણાવ્યું હતું કે ભારતના રાષ્ટ્રીય જાહેર પ્રસારણકર્તા તરીકે, પ્રસાર ભારતીએ બદલાતા મીડિયા લેન્ડસ્કેપ સાથે વિકસિત થવાનો સતત પ્રયાસ કર્યો છે. વેવ પ્લેટફોર્મની રજૂઆત આ પ્રતિબદ્ધતાનો પુરાવો છે, જેનો ઉદ્દેશ દૂરદર્શન અને આકાશવાણીના સમૃદ્ધ વારસાને આજના ડિજિટલ પ્રેક્ષકોની ગતિશીલ માંગ સાથે જોડવાનો છે.

વેવ્સ પર ઉપલબ્ધ સામગ્રી ઇન્ફોટેનમેન્ટની 10 શૈલીઓમાં રજૂ કરવામાં આવશે અને તેમાં રામાયણ, મહાભારત, શક્તિમાન અને હમ લોગ જેવા જૂના ક્લાસિક શોનો સમાવેશ કરવામાં આવશે. પ્રસાર ભારતીનું આ વેવ ઓટીટી પ્લેટફોર્મ માગ પર વીડિયો, ફ્રી-ટુ-પ્લે ગેમિંગ, રેડિયો સ્ટ્રીમિંગ, લાઇવ ટીવી સ્ટ્રીમિંગ, 65 લાઇવ ચેનલ્સ, વીડિયો અને ગેમિંગ કન્ટેન્ટ માટે કેટલીક ઇન-એપ ઇન્ટિગ્રેશન અને ઓપન નેટવર્ક ફોર ડિજિટલ કોમર્સ (ઓએનડીસી) મારફતે ઓનલાઇન શોપિંગ પણ પ્રદાન કરશે, જે સરકારના ઇ-કોમર્સ પ્લેટફોર્મ પર આધારિત છે.

વધુમાં, વેવ્સ રાષ્ટ્રીય સર્જક પુરસ્કાર વિજેતા કામિયા જાની, આરજે રૌનક અને શ્રદ્ધા શર્મા જેવા કન્ટેન્ટ સર્જકોને પણ તેનું પ્લેટફોર્મ પ્રદાન કરશે. ઉપરાંત અયોધ્યાથી પ્રભુ શ્રીરામ લલ્લાની લાઈવ આરતી અને વડા પ્રધાન નરેન્દ્ર મોદી દ્વારા માસિક મન કી બાત જેવા કાર્યક્રમોનું લાઈવ સ્ટ્રીમિંગ પણ સામેલ હશે.

પ્લેટફોર્મ પ્રદર્શન અને વપરાશકર્તા જોડાણ:

વેવ્સ ઓટીટીએ પ્લેટફોર્મ પર કુલ 20 લાખથી વધુ ડાઉનલોડ્સ હાંસલ કર્યા છે. જેમાં એન્ડ્રોઇડ 1.9 મિલિયન ડાઉનલોડ્સ સાથે અગ્રણી સ્રોત તરીકે ઉભરી રહ્યું છે. ત્યારબાદ આઇઓએસ, એન્ડ્રોઇડ ટીવી, ફાયરસ્ટિક, જિયો ટીવી અને એપલ ટીવીનો ક્રમ આવે છે. આ પ્લેટફોર્મ 640,000 સક્રિય વપરાશકર્તાઓના પ્રભાવશાળી અહેવાલ આપે છે. જેમાં દૈનિક વપરાશકર્તાના જોડાણમાં વધારો થઈ રહ્યો છે, જે મજબૂત કન્ટેન્ટ પ્રતિધ્વનિ અને વફાદાર વ્યૂઅરશિપ સૂચવે છે.

કન્ટેન્ટ સ્પેક્ટ્રમ અને વૈવિધ્યતા:

વેવ્સ ઓટીટી 9,295 ઇ-બુક્સ અને જર્નલ, 1,856 મૂવીઝ અને 590 શોમાં ફેલાયેલી વિશાળ કન્ટેન્ટ લાઇબ્રેરી પ્રદાન કરે છે. તે 80+ શૈલીઓ રજૂ કરે છે, જેમાં મનોરંજન, શૈક્ષણિક, સમાચાર, નાટક, પૌરાણિક કથાઓ, સાહિત્ય, નૃત્ય અને મુસાફરી જેવી લોકપ્રિય શ્રેણીઓનો સમાવેશ થાય છે - જે તેના વૈશ્વિક પ્રેક્ષકોના વિવિધ રસને પૂરી પાડે છે.

આંતરરાષ્ટ્રીય પદચિહ્ન:

181 દેશોના વપરાશકર્તાઓ સાથે, વેવ્સ ઓટીટીએ મજબૂત આંતરરાષ્ટ્રીય હાજરી સ્થાપિત કરી છે. જ્યારે ભારત 4.2 મિલિયનથી વધુ વપરાશકર્તાઓની મુલાકાતો સાથે અગ્રણી બજાર રહ્યું છે, ત્યારે યુએસએ, યુકે, યુએઇ, ઓસ્ટ્રેલિયા, ફ્રાન્સ અને બેલ્જિયમમાં નોંધપાત્ર ટ્રેક્શન નોંધાયું છે. જે વિવિધ પ્રદેશોમાં તેની વધતી જતી લોકપ્રિયતાને રેખાંકિત કરે છે.

બહુભાષીય સુલભતા:

વ્યાપક પ્રેક્ષકો માટે સામગ્રીની સુલભતા સુનિશ્ચિત કરવા માટે, પ્લેટફોર્મ 10 એપ્લિકેશન ઇન્ટરફેસ ભાષાઓને સપોર્ટ કરે છે. જેમાં હિન્દી, અંગ્રેજી, બંગાળી, મરાઠી, કન્નડ, મલયાલમ, તેલુગુ, તમિલ, ગુજરાતી અને પંજાબી સામેલ છે. અને 26 ભાષાઓમાં સામગ્રી પ્રદાન કરે છે, જે સર્વસમાવેશકતા અને પ્રાદેશિક પહોંચ પ્રત્યેની તેની પ્રતિબદ્ધતાને મજબૂત કરે છે.

ભવિષ્યનો નકશો:

આગળ જોતા, વેવ્સ ઓટીટીનો હેતુ શૈલીની વિવિધતામાં વધારો કરવાનો, ભાષા સમર્થનને વિસ્તૃત કરવાનો અને તેના કન્ટેન્ટ કેટેગરીને વિસ્તૃત કરવાનો છે. વિશ્વભરના વપરાશકર્તાઓ માટે તેની અપીલ અને સુલભતાને વધુ મજબૂત બનાવવાનો છે.

પ્રસાર ભારતીની વેવ્સ સબસ્ક્રિપ્શન પ્લાન્સ:

પ્રસાર ભારતીની વેવ્સ રસ ધરાવતા લોકોને ત્રણ સબ્સ્ક્રિપ્શન પ્લાન આપે છે. જેની વિગતો અહીં આપવામાં આવી છે:

• પ્લેટિનમ પ્લાન: આ પ્લાનની કિંમત વર્ષે 999 રૂપિયા છે અને તેમાં અલ્ટ્રા એચડી સ્ટ્રીમિંગની સાથે ચાર ડિવાઇસ માટે સપોર્ટ સાથે તમામ કન્ટેન્ટને અનલિમિટેડ એક્સેસ આપવામાં આવી છે. આ પ્લાનમાં એડ ફ્રી ડાઉનલોડની સુવિધા ઉપલબ્ધ છે.
• ડાયમંડ પ્લાન: આ પ્લાનની કિંમત વર્ષે 350 રૂપિયા છે અને તે મર્યાદિત કન્ટેન્ટની એક્સેસ આપે છે. જેમાં બે ડિવાઇસ પર એચડી ક્વોલિટીમાં મૂવી, રેડિયો અને લાઇવ ટીવીનો સમાવેશ થાય છે. આ પ્લાનમાં એડ્સ સાથે ડાઉનલોડ કરવાની સુવિધા ઉપલબ્ધ છે.
• ગોલ્ડ પ્લાન: આ પ્લાનની કિંમત મહિને 30 રૂપિયા છે અને તે એક જ ડિવાઇસ પર એસડી ક્વોલિટીમાં લાઇવ ટીવી અને રેડિયો એક્સેસ પ્રદાન કરે છે. આ પ્લાનમાં ડાઉનલોડની કોઈ સુવિધા ઉપલબ્ધ નથી.

આ પ્લેટફોર્મ ફક્ત એક ડિજિટલ સાહસ નથી પરંતુ આપણી સાંસ્કૃતિક કથાઓને પુનર્જીવિત કરવા અને આધુનિક માધ્યમો દ્વારા રજૂ કરવા માટે એક ચળવળ છે. સમકાલીન સામગ્રી સાથે જૂની યાદો (નોસ્ટાલ્જિયા)ને  જોડીને, WAVES દરેક ભારતીય માટે એક સર્વાંગી મનોરંજન સ્થળ બનવાની ઇચ્છા રાખે છે.

આ પ્લેટફોર્મ સામાજિક જાગૃતિ અભિયાનોને પણ સંકલિત કરે છે, જેમ કે સીડીએસી (CDAC)ના સહયોગથી સાયબર સુરક્ષાની પહેલ, જે WAVESને માત્ર એક મનોરંજન એપ્લિકેશન કરતાં વધુ બનાવે છે.

(Release ID: 2124278) Visitor Counter : 43