કેન્દ્રીય શ્રમ અને રોજગાર તથા યુવા બાબતો તથા રમતગમત મંત્રી ડૉ. મનસુખ માંડવિયાએ આજે ઝારખંડનાં ધનબાદમાં ડિરેક્ટોરેટ જનરલ ઑફ માઈન્સ સેફ્ટી (ડીજીએમએસ)નાં મુખ્યાલયની મુલાકાત લીધી હતી  અને તેની કામગીરીની સમીક્ષા કરી હતી અને ખાણ ક્ષેત્રમાં અસરકારક સલામતી પદ્ધતિઓ ચાલુ રાખવાની ખાતરી આપી હતી. આ મુલાકાતનો ઉદ્દેશ ભારતની ખાણ સુરક્ષા માળખાનું મૂલ્યાંકન કરવાનો અને તેને મજબૂત કરવાનો હતો, જેથી એ સુનિશ્ચિત થઈ શકે કે દેશભરમાં ખાણિયાઓના કલ્યાણની સુરક્ષા માટે મહત્ત્વપૂર્ણ પહેલો હાથ ધરવામાં આવી છે.

સુશ્રી દીપિકા કાછલ, સંયુક્ત સચિવ, શ્રમ અને રોજગાર મંત્રાલયના અન્ય અધિકારીઓ સાથે એચ.એલ.ઇ.એમ. ડીજીએમએસ મુખ્યાલય ખાતે એક વ્યાપક સમીક્ષા બેઠક યોજાઇ હતી જેમાં ડીજીએમએસના વરિષ્ઠ અધિકારીઓ ઉપસ્થિત રહ્યા હતા.

ડીજીએમએસના મહાનિદેશક શ્રી ઉજ્જવલ તાહે ઔપચારિક સ્વાગત કર્યું હતું અને ત્યારબાદ ડીજીએમએસના માળખા, ઉદ્દેશો, ક્ષમતા નિર્માણ અને કાર્યકારી માળખા પર પ્રકાશ પાડતા પ્રેઝન્ટેશન રજૂ કર્યું હતું.

કેન્દ્રીય મંત્રીએ ખાણકામ ક્ષેત્રમાં વ્યાવસાયિક સુરક્ષા અને આરોગ્ય સેવાઓમાં સુધારો કરવા માટે સુશાસન અને રાજ્ય સરકારો સાથે સંકલનના મહત્વ પર ભાર મૂક્યો હતો. તેમણે ડીજીએમએસ અધિકારીઓના ટેકનોલોજીકલ અપગ્રેડેશનને વધારવા માટે વિશ્વ કક્ષાની ખાણકામ ટેકનોલોજીઓ સાથે પરિચિત થવાનું સૂચન કર્યું હતું, જેથી ઉદ્યોગને અને ખાણોમાં કામ કરતા લોકોને લાભ થશે.

ડીજીએમએસએ બચાવ કામગીરીનું એક મોક ડેમોન્સ્ટ્રેશન યોજ્યું હતું, જેમાં કેન્દ્રીય મંત્રીનું ધ્યાન આકર્ષિત થયું હતું, જેમાં કટોકટીની સ્થિતિમાં ખાણ કામદારોની સલામતી સુનિશ્ચિત કરવાની સજ્જતા અને પ્રતિબદ્ધતા દર્શાવવામાં આવી હતી.

આ બેઠક બાદ ડો.માંડવિયા દ્વારા ડીજીએમએસ કચેરી ખાતે વૃક્ષારોપણની પ્રવૃત્તિ પણ હાથ ધરવામાં આવી હતી.

આ મુલાકાત ખાણ ઉદ્યોગમાં સલામતીનાં ધોરણો અને કામગીરીની કાર્યદક્ષતા વધારવાની સરકારની કટિબદ્ધતા પર પ્રકાશ ફેંકે છે, જે તમામ ખાણિયાઓ માટે કામનું સુરક્ષિત વાતાવરણ સુનિશ્ચિત કરે છે.

AP/IJ/GP/JD

 

(Release ID: 2122705)