محنت و روزگار اور امورِ نوجوانان و کھیلوں کے مرکزی وزیر، ڈاکٹر منسُکھ مانڈویہ نے آج جھارکھنڈ کے شہر دھنباد میں واقع ڈائریکٹوریٹ جنرل آف مائنز سیفٹی (ڈی جی ایم ایس) کے صدر دفتر کا دورہ کیا۔ اس دورے کا مقصد  ڈی جی ایم ایس  کی کارکردگی کا جائزہ لینا اور کان کنی کے شعبے میں مؤثر حفاظتی طریقہ کار کے تسلسل کو یقینی بنانا تھا۔

اس دورے کا مقصد بھارت کے مائن سیفٹی فریم ورک کا جائزہ لینا اور اسے مزید مضبوط بنانا تھا تاکہ ملک بھر میں کان کنوں کی فلاح و بہبود کے لیے کلیدی اقدامات کو نافذ کیا جا سکے۔ ڈاکٹر مانڈویہ نے اچھی حکمرانی اور ریاستی حکومتوں کے ساتھ بہتر تال میل کو کان کنی کے شعبے میں پیشہ ورانہ صحت و سلامتی کی خدمات کے فروغ کے لیے نہایت اہم قرار دیا۔

جوائنٹ سیکرٹری محترمہ دیپیکا کچھل اور وزارت محنت و روزگار کے دیگر افسران نے بھی مرکزی وزیر کے ہمراہ ڈی جی ایم ایس کے ہیڈکوارٹر کا دورہ کیا۔ ڈی جی ایم ایس کے صدر دفتر میں ایک جامع جائزہ اجلاس منعقد ہوا جس میں ڈی جی ایم ایس کے سینئر افسران بھی موجود تھے۔

ڈائریکٹر جنرل ڈی جی ایم ایس، جناب اُجول تاہ نے معزز مہمانوں کا رسمی خیرمقدم کیا، جس کے بعد ڈی جی ایم ایس کے ڈھانچے، مقاصد، استعداد سازی، اور عملی فریم ورک پر مشتمل ایک تفصیلی پریزنٹیشن پیش کی گئی۔

وفاقی وزیر نے کان کنی کے شعبے میں پیشہ ورانہ تحفظ اور صحت کی خدمات کو بہتر بنانے کے لیے اچھی حکمرانی اور ریاستی حکومتوں کے ساتھ مضبوط تال میل کی اہمیت پر زور دیا۔ انہوں نے ڈی جی ایم ایس کے افسران کی تکنیکی تربیت کے لیے عالمی معیار کی کان کنی ٹیکنالوجیز سے واقفیت حاصل کرنے کی تجویز بھی پیش کی، تاکہ کان کنی کی صنعت اور کان کن کارکنان کو براہ راست فائدہ پہنچ سکے۔

ڈی جی ایم ایس نے ریسکیو آپریشنز کی ایک فرضی مشق (موک ڈیمونسٹریشن) کا انعقاد بھی کیا، جس نے مرکزی وزیر کی توجہ حاصل کی اور ہنگامی صورتحال میں کان کنوں کی حفاظت کے لیے تیاری اور عزم کو مؤثر انداز میں پیش کیا۔

اجلاس کے بعد ڈاکٹر منسُکھ مانڈویہ نے ڈی جی ایم ایس دفتر میں شجرکاری کی سرگرمی میں بھی حصہ لیا۔

یہ دورہ حکومت کے اس عزم کو اجاگر کرتا ہے کہ کان کنی کی صنعت میں حفاظتی معیارات اور عملی کارکردگی کو بہتر بنایا جائے، تاکہ تمام کان کن کارکنان کے لیے محفوظ کام کرنے کا ماحول یقینی بنایا جا سکے۔

******

ش ح۔ ش ا ر۔ ول

Uno-26

(Release ID: 2122699)