இந்தியாவில் சில்லறை பணவீக்கம், நுகர்வோர் விலைக் குறியீட்டு எண்ணால் அளவிடப்படுகிறது, இது அன்றாட பொருட்கள், சேவைகளின் விலையை பிரதிபலிக்கிறது. இது 2024-25 நிதியாண்டில் குறிப்பிடத்தக்க அளவில் 4.6% ஆக சரிந்தது. இது 2018-19-க்குப் பிறகு மிகக் குறைவானதாகும்.

நுகர்வோர் விலை குறியீட்டு எண் அடிப்படையிலான சில்லறை விலை பணவீக்கம், கடந்த மார்ச் மாதத்தில் 3.34 சதவீதமாகக் குறைந்துள்ளது.

கடந்த 2019 ஆகஸ்ட்டுக்கு பின் அதாவது, 67 மாதங்களில்  அதாவது சுமார் 6 ஆண்டுகளில் இதுவே குறைந்தபட்ச பணவீக்கம் ஆகும்.

காய்கறிகள், முட்டை, பருப்பு வகைகள், இறைச்சி உள்ளிட்ட உணவுப் பொருட்களின் விலை குறைந்ததே பணவீக்கம் குறைய முக்கிய காரணமாக அமைந்தது. கடந்த பிப்ரவரியில் 3.75 சதவீதமாக இருந்த உணவுப் பொருட்கள் பணவீக்கம், மார்ச் மாதத்தின் 2.69 சதவீதமாக குறைந்துள்ளது.

கடந்தாண்டு மார்ச் மாதத்துடன் ஒப்பிடுகையில் நடப்பாண்டு மார்ச் மாதத்தில், இஞ்சி, தக்காளி, பூண்டு போன்றவற்றின்  விலை கணிசமாக குறைந்துள்ளது.

இதனிடையே கடந்த மாதம், நகர்ப்புறங்களில் பணவீக்கம் 3.43 சதவீதமாகவும்; கிராமப்புறங்களில் 3.25 சதவீதமாகவும் இருந்தது.

சமீபத்திய ஆண்டுகளில் சில்லறை பணவீக்கத்தின் நிலையான வீழ்ச்சி இந்தியாவின் பொருளாதார பயணத்தில் ஒரு முக்கியமான மைல்கல்லைக் குறிக்கிறது. இது மத்திய அரசின் ஒருங்கிணைந்த முயற்சிகளின் வெற்றியை பிரதிபலிக்கிறது. ஆக்கபூர்வமான நிதிக் கொள்கைகள் முதல் நுகர்வோரை பாதுகாக்கும் முக்கியமான நிதி நடவடிக்கைகள் பின்பற்றப்படுவது வரை, அரசின் அணுகுமுறை அனைவரையும் உள்ளடக்கியதாகவும், பயனுள்ளதாகவும் உள்ளது. 2018-19 ஆம் ஆண்டிலிருந்து பணவீக்கம் இப்போது மிகக் குறைவாக உள்ள நிலையில், இந்தியா பேரியல் பொருளாதார ஸ்திரத்தன்மையை வலுப்படுத்தியிருப்பது மட்டுமல்லாமல், நிலையான வளர்ச்சிக்கு உகந்த சூழலையும் உருவாக்கியுள்ளது. வளர்ச்சி இலக்குகளில் சமரசம் செய்யாமல் விலை நிலைத்தன்மையை உறுதி செய்வதற்கான அரசின் அர்ப்பணிப்பை  இது எடுத்துக்காட்டுகிறது.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleasePage.aspx?PRID=2122148

***

TS/PLM/AG/DL

(Release ID: 2122193) Visitor Counter : 63