ٹیکسٹائل کی وزارت، حکومت ہند کی ایک پہل نیشنل ٹیکنیکل ٹیکسٹائل مشن (این ٹی ٹی ایم) نے ’’ڈیولپمنٹ آف اسپیشلائزڈ فائر فائٹنگ سوٹ‘‘ کے عنوان سے ایک اختراعی پروجیکٹ کو تعاون دیا ہے۔یہ خصوصی فائر فائٹر سوٹ آگ بجھانے اور ایمرجنسی خدمات، دفاعی دستوں، تیل اور گیس صنعت، ایرو اسپیس اور ہوا بازی، پاور پلانٹس اور تھرمل انڈسٹری وغیرہ کے ذریعے استعمال کیے جاتے ہیں ۔ہندوستان میں فائر فائٹنگ سوٹ کی تیاری اپنے ابتدائی مرحلے میں ہے اور فی الحال ، ہندوستان میں، خصوصی فائر فائٹنگ سوٹ (جسے فائر انٹری سوٹ بھی کہا جاتا ہے) زیادہ تر یورپ ، امریکہ اور چین سے درآمد کیے جاتے ہیں۔این ٹی ٹی ایم پروجیکٹ کو ناردرن انڈیا ٹیکسٹائل ریسرچ ایسوسی ایشن (این آئی ٹی آر اے) نے اپنے صنعتی شراکت دار میسرز سسٹم 5 ایس پرائیویٹ لمیٹڈ کے تعاون سے نافذ کیا ہے ۔

 ہندوستان میں مختلف آخری صارفین کے ذریعے سالانہ موجودہ کھپت تقریبا 1000 سیٹ ہوگی۔تاہم، انڈین سرٹیفائیڈ ایلومینیمائزڈ سوٹ کے متعارف ہونے سے، کھپت تیزی سے بڑھ سکتی ہے۔میسرز سسٹم 5 ایس پرائیویٹ لمیٹڈ کے پاس اس تجارت کاری کے ساتھ 1000 سوٹ کی سالانہ پیداواری صلاحیت ہے ۔

ای این 1486 (ایک یورپی معیار جو فائر فائٹرز کے لیے حفاظتی لباس سے متعلق ضروریات اور ٹیسٹ کے طریقوں کی وضاحت کرتا ہے) کے مطابق خصوصی فائر فائٹنگ کے لیے حفاظتی لباس کو تابکار گرمی اور شعلوں کی رکاوٹ سے سر ، ہاتھ اور پاؤں سمیت پورے جسم کی حفاظت فراہم کرنا ضروری ہے۔اس حفاظتی پوشاک میں ایک لباس ، ایک ہڈ (مربوط یا علیحدہ) دستانے ، اور اوور بوٹس شامل ہیں ۔ مزید برآں، اس طرح کے سوٹ کو سانس کی حفاظت کے لیے استعمال کرنے کے لیے ڈیزائن کیا گیا ہے، اور ڈیزائن اس بات پر منحصر ہوتا ہے کہ سانس لینے کا سامان حفاظتی لباس کے اندر پہنا جاتا ہے یا باہر۔

میسرز سسٹم 5 ایس پرائیویٹ لمیٹڈ نے ایک مقامی اسپیشلائزڈ فائر فائٹنگ سوٹ تیار کیا ہے ، جو ای این 1486 یا آئی ایس او 15538 معیارات کو پورا کرنے کے لیے ڈیزائن کیا گیا ہے ۔ترقیاتی عمل میں فائر فائٹرز کے لیے حفاظت ، سکون اور ڈوننگ اور ڈوفنگ میں آسانی کو ترجیح دی گئی ہے ۔یہ سوٹ ایلومینیمائزڈکوٹیڈ شیشے کے فیبرک ، او پی اے این (آکسیڈائزڈ پولی ایکریلونیٹریل) نان ووون بیٹنگز اور ایف آر (شعلہ مزاحم) وسکوز تانے بانے کا استعمال کرتے ہوئے تیار کیا گیا ہے ۔تمام اندرونی تہوں کو ایک ساتھ باندھا جاتا ہے ۔صنعتی شراکت دار نے پہلے ہی آزمائشی مقاصد کے لیے ان سوٹوں کی تیاری شروع کر دی ہے ، اور ای این آئی ایس او 13506 (ایک معیار جو گرمی اور شعلہ کے خلاف حفاظتی لباس کی کارکردگی کا اندازہ کرنے کے لیے ٹیسٹ کے طریقہ کار کی وضاحت کرتا ہے) معیار کے مطابق ، فائر مانیکن ٹیسٹ کامیابی سے مکمل ہونے کے بعد تجارتی مینوفیکچرنگ شروع ہو جائے گی ، تاکہ یہ یقینی بنایا جا سکے کہ سوٹ کارکردگی کی تمام اہم ضروریات کو پورا کرتا ہے ۔

*********************

UR-9942

(ش ح۔ش ت۔ش ہ ب)

(Release ID: 2122091)